Himatnagar Looteri Dulhan : હિંમતનગરમાંથી ઝડપાઈ લૂંટેરી દુલ્હન ગેંગ

Himatnagar Looteri Dulhan : હિંમતનગરમાંથી ઝડપાઈ લૂંટેરી દુલ્હન ગેંગ 

હિંમતનગરમાં લગ્નવાંચ્છુક યુવાનોના લગ્ન કરી છેતરપિંડી કરતી લૂંટેરી દુલ્હન ગેંગ આવી પોલીસ સકંજામાં. પોલીસે પોલીસે મનહરલાલ સોની, કવિતા સોની, બિરેન્દ્ર મહતો અને દિવ્યા સોની નામના ચાર આરોપીની ધરપકડ કરી છે. જ્યારે જ્યોતિ વણઝારા, વંદના ખટીક, લક્ષ્મી ઈંચલ, અનિતા અને કોમલ વાનખેડે નામના પાંચ આરોપીને વોન્ટેડ જાહેર કરી શોધખોળ હાથ ધરી. પોલીસના હાથે ઝડપાયેલ લૂંટેરી દુલ્હન ગેંગ પોતાના ઘરે જ મેરેજ બ્યુરો ખોલી લગ્નવાંચ્છુક યુવાનોને જાળમાં ફસાવતી હતી.

સાબરકાંઠાના હિંમતનગરમાં લૂંટેરી ગેંગનો પરદાફાશ થયો છે, ત્યારે યુવાનોના લગ્ન કરી છેતરપિંડી કરતી લૂંટેરી દુલ્હન ગેંગ પોલીસ સકંજામાં આવી છે. પોલીસે મનહરલાલ સોની, કવિતા સોની, બીરેન્દ્ર મહતો અને દિવ્યા સોની નામના ચાર આરોપીની ધરપકડ કરી છે. આ સાથે જ્યોતિ વણજારા, વંદના ખટીક, લક્ષ્મી ઇંચલ, અનિતા અને કોમલ વાનખેડે નામના પાંચ આરોપીને વોન્ટેડ જાહેર કર્યા છે. પોલીસના હાથે ઝડપાયેલી લૂંટેરી દુલ્હન ગેંગ પોતાના ઘરે મેરેજ બ્યુરો ચલાવતી હતી. લગ્ન ઇચ્છુક યુવાનોને પોતાના જાળમાં ફસાવતી, લગ્નના ચાર-પાંચ દિવસ બાદ બહાનાબાજી કરી અને ફરાર થઈ જતી હતી. આરોપીઓ છૂટાછેડા માટે યુવકો પર ખોટી રીતે દબાણ કરતા હોવાનું પણ ખુલ્યું છે. હિંમતનગર શહેરના એક યુવક આ લૂંટેરી દુલ્હન ગેંગનો શિકાર બનતા, તેમણે પોલીસ ફરિયાદ કરી હતી અને ફરિયાદના આધાર પર પોલીસે કાર્યવાહી કરતા નવ પૈકીના ચાર આરોપીની ધરપકડ કરી છે. આ સાથે, આ ઝડપાયેલા આરોપીઓએ અત્યાર સુધીમાં કુલ કેટલા યુવકો સાથે આ પ્રકારે છેતરપિંડી કરી છે અને ગુનામાં અન્ય આરોપીઓની સંડોવણી છે કે કેમ, તેને લઈને તપાસ હાથ ધરી છે.