Pathaan Box Office Record: શાહરૂખ ખાનની 'પઠાણ' બનશે સૌથી વધુ કમાણી કરનારી ફિલ્મ, આ સાઉથ ફિલ્મનો તોડશે રેકોર્ડ
ટ્રેડ એનાલિસ્ટ તરણ આદર્શે તેમના સત્તાવાર ટ્વિટર હેન્ડલ પર શાહરૂખ ખાન સ્ટારર ફિલ્મ 'પઠાણ'ની કમાણીના નવા આંકડા જાહેર કર્યા હતા.
Shah Rukh Khan Pathaan Box office Collection: બોલિવૂડ સુપરસ્ટાર શાહરૂખ ખાનની ફિલ્મ 'પઠાણ'નો જાદુ ચાહકોમાં યથાવત છે. રિલીઝના 24 દિવસ પછી પણ ફિલ્મ પઠાણ શાનદાર કમાણી કરી રહી છે. બોક્સ ઓફિસ પર જોરદાર કમાણી કરનાર 'પઠાણ' ટૂંક સમયમાં સૌથી વધુ કમાણી કરનારી ફિલ્મ બનવા જઈ રહી છે. શાહરૂખ ખાનની ફિલ્મ સાઉથ સિનેમાની ટોપ બ્લોકબસ્ટર 'બાહુબલી 2'નો રેકોર્ડ તોડવા જઈ રહી છે.
#Pathaan is NOT slowing down soon… The #PathaanDay strategy [reducing ticket rates] has yielded positive results, despite two prominent releases [#Shehzada, #AntManAndTheWasp]… [Week 4] Fri 2.20 cr. Total: ₹ 490.35 cr. #Hindi. #India biz… Shows have increased from today. pic.twitter.com/xrrdvYP5da
— taran adarsh (@taran_adarsh) February 18, 2023
શનિવારે જાણીતી ટ્રેડ એનાલિસ્ટ તરણ આદર્શે તેમના સત્તાવાર ટ્વિટર હેન્ડલ પર શાહરૂખ ખાન સ્ટારર ફિલ્મ 'પઠાણ'ની કમાણીના નવા આંકડા જાહેર કર્યા હતા. તરણના જણાવ્યા અનુસાર, 'પઠાણ'એ તેની રિલીઝના 24માં દિવસે બોક્સ ઓફિસ પર 2.20 કરોડનું કલેક્શન કર્યું છે. જેના કારણે તમામ ભાષાઓમાં 'પઠાણ'નું કુલ કલેક્શન મળીને કુલ 508.10 કરોડનું કલેક્શન થયું છે.
#Pathaan #Tamil + #Telugu [Week 4] Fri 5 lacs. Total: ₹ 17.75 cr.
— taran adarsh (@taran_adarsh) February 18, 2023
⭐️ NOTE: #Pathaan #Hindi + #Tamil + #Telugu *combined* biz: ₹ 508.10 cr. #India biz. Nett BOC.
બોલિવૂડ હંગામાના રિપોર્ટ અનુસાર, સાઉથ સુપરસ્ટાર પ્રભાસ સ્ટારર ફિલ્મ બાહુબલી 2 એ સૌથી વધુ 510.99 કરોડ રૂપિયાનું બોક્સ ઓફિસ કલેક્શન કર્યું છે. આવી સ્થિતિમાં ટૂંક સમયમાં જ ફિલ્મ 'પઠાણ' ડિરેક્ટર એસએસ રાજામૌલીની ફિલ્મનો રેકોર્ડ તોડવાની ખૂબ નજીક છે.
'પઠાણ'એ સાઉથની આ ફિલ્મોને પાછળ છોડી દીધી
ગયા વર્ષે સાઉથની ફિલ્મો બોક્સ ઓફિસ પર સારી કમાણી કરતી હતી. આવી સ્થિતિમાં શાહરૂખ ખાનની 'પઠાણ'એ એક જ વારમાં સાઉથ સિનેમાની ઘણી ફિલ્મોના રેકોર્ડ તોડી નાખ્યા છે. 'RRR' થી 'KGF 2' જેવી ફિલ્મોને કમાણીમાં પછાડી દીધી છે. આવી સ્થિતિમાં હવે ફિલ્મ 'પઠાણ' 'બાહુબલી 2'નો રેકોર્ડ તોડવા માટે તૈયાર છે.
'પઠાણ' 500 કરોડની ક્લબમાં સામેલ
'પઠાણ' તેની રિલીઝના 22માં દિવસે 500 કરોડની ક્લબમાં સામેલ થઈ ગઈ છે. 'પઠાણ'માં શાહરૂખ ખાન, દીપિકા પાદુકોણ અને જોન અબ્રાહમ લીડ રોલમાં છે. ફિલ્મને રિલીઝ થયા બાદથી જ દર્શકોનો જબરદસ્ત પ્રતિસાદ મળી રહ્યો છે. શાહરૂખ ખાને ચાર વર્ષના લાંબા વિરામ બાદ 'પઠાણ' સાથે કમબેક કર્યું છે અને ચાહકોએ કિંગ ખાનની વાપસીની ઉગ્ર ઉજવણી કરી હતી. જો કે આ ફિલ્મની રિલીઝ પહેલા ઘણો વિવાદ થયો હતો. બેશરમ રંગ ગીતમાં ભગવા રંગની બિકીની પહેરેલી દીપિકા પાદુકોણે સામે વાંધો વ્યક્ત કરતાં અનેક નેતાઓ અને હિન્દુ સંગઠનોએ 'પઠાણ'ના બહિષ્કારની પણ માંગણી કરી હતી. જોકે આ ફિલ્મ રિલીઝ થઈ અને તેણે ઈતિહાસ રચ્યો.
ટોપ સ્ટોરી
ટ્રેન્ડિંગ સમાચાર
