(Source: Dainik Bhaskar)
Pathaan: રિલીઝ પહેલા જ શાહરુખ ખાનની પઠાણે રચ્યો ઇતિહાસ, ગેટી ગેલેક્સી થિયેટરમાં પહેલીવાર થશે આ કામ
Historic: શાહરૂખ ખાન, દીપિકા પાદુકોણ અને જ્હોન અબ્રાહમની પઠાણે તેની રિલીઝ પહેલા જ એક અન્ય ઈતિહાસ રચ્યો છે. જે ગેટી ગેલેક્સી થિયેટર સાથે સીધો સંબંધ ધરાવે છે.
Pathaan becomes first ever to be screened at 9 am at Gaiety Galaxy : પઠાણ ગેઇટી ગેલેક્સીમાં સવારે 9 વાગ્યે પ્રદર્શિત થનારી પ્રથમ ફિલ્મ બની છે. વિદેશમાં ફિલ્મનું એડવાન્સ બુકિંગ પૂરજોશમાં ચાલી રહ્યું છે. જ્યારે ભારતમાં પણ 20 જાન્યુઆરીથી એડવાન્સ બુકિંગ શરૂ થશે. આ દરમિયાન એવા સમાચાર સામે આવ્યા છે. જેના કારણે ફેન્સ ચોક્કસ ઉત્સાહિત થઈ જશે. પઠાણે તેની રિલીઝ પહેલા જ એક અન્ય ઇતિહાસ રચ્યો છે. જે ગેટી ગેલેક્સી થિયેટર સાથે સીધો સંબંધ ધરાવે છે.
પહેલો શો સવારે 9 વાગ્યે થશે
સોશિયલ મીડિયા પર પોસ્ટ કરીને તરણ આદર્શે માહિતી આપી છે કે શાહરૂખ ખાન-દીપિકા પાદુકોણની પઠાણ રિલીઝ થતાં જ ઈતિહાસ રચી ચૂકી છે. તરણ આદર્શની પોસ્ટ અનુસાર સવારે 9 વાગ્યાનો શો પહેલીવાર મુંબઈના બાંદ્રા સ્થિત ગેટી ગેલેક્સી થિયેટરમાં યોજાશે. શાહરૂખની ફેન ક્લબોએ થિયેટર બુક કરાવ્યા છે અને પઠાણની ભવ્ય રજૂઆત થશે. પોસ્ટ અનુસાર ગેટી ગેલેક્સી 1972માં શરૂ થઈ હતી અને આજ સુધી ક્યારેય પહેલો શો રાત્રે 9 વાગ્યે થયો નથી.
20 જાન્યુઆરીથી એડવાન્સ બુકિંગ
શાહરૂખ ખાન, દીપિકા પાદુકોણ અને જ્હોન અબ્રાહમ સ્ટારર ફિલ્મ પઠાણના ચાહકો ખૂબ જ ઉત્સાહિત છે અને તેનું એડવાન્સ બુકિંગ 20મી જાન્યુઆરીથી શરૂ થશે. જ્યાં એક તરફ ચાહકો ઉત્સાહિત છે. તો બીજી તરફ ગીત બેશરમ રંગ રિલીઝ થયા બાદ ઘણો વિવાદ ચાલી રહ્યો છે. શાહરૂખ ખાન કે મેકર્સ તરફથી આ વિવાદ પર હજુ સુધી કોઈ પ્રતિક્રિયા આપવામાં આવી નથી. વેપાર વિશ્લેષકોને આશા છે કે ફિલ્મ બોક્સ ઓફિસ પર જોરદાર હિટ રહેશે.
Gaiety में रचा जाएगा इतिहास, #पठान के साथ . आइए और #SRKUniverse के साथ बनिये इस इतिहास का हिस्सा |#Mumbai’s Iconic Theatre Gaiety will screen a movie for the first time at 9AM! DM @mannankheradia @drtinu28 to join and be a part of HISTORY!@iamsrk @yrf #Pathaan #ShahRukhKhan pic.twitter.com/fYIvZBdc5S
— Shah Rukh Khan Universe Fan Club (@SRKUniverse) January 16, 2023
પઠાણ 25 જાન્યુઆરીએ રિલીઝ થશે
શાહરૂખ ખાન ફિલ્મ પઠાણથી કમબેક કરી રહ્યો છે. પઠાણ 25 જાન્યુઆરી 2023ના રોજ રિલીઝ થશે. ફિલ્મમાં જોન અબ્રાહમ અને દીપિકા પાદુકોણ પણ મુખ્ય ભૂમિકામાં જોવા મળશે. આ સિવાય શાહરૂખ ખાને રાજકુમાર હિરાણી સાથેની ફિલ્મ ડંકીની સત્તાવાર જાહેરાત પણ કરી છે. આ ફિલ્મમાં તાપસી પન્નુ સાથે શાહરૂખ ખાનની જોડી છે. આ ફિલ્મ 22 ડિસેમ્બર 2023ના રોજ સિનેમાઘરોમાં આવશે. આ બે ફિલ્મો સિવાય શાહરૂખ ડાયરેક્ટર એટલીની સાથે ફિલ્મ જવાનમાં પણ જોવા મળશે. થોડા સમય પહેલા જ આ ફિલ્મનું ટીઝર રિલીઝ કરવામાં આવ્યું હતું. જેને દર્શકોએ ખૂબ પસંદ કર્યું હતું. શાહરૂખ ખાનની જવાન 2 જૂન, 2023ના રોજ હિન્દી ઉપરાંત તમિલ, તેલુગુ, મલયાલમ અને કન્નડમાં રિલીઝ થશે.