શિલ્પા શેટ્ટીએ ફિલ્મની ટિકિટ મેળવવા માટે સ્પાઇડર મેનને શીખવાડ્યો ડાન્સ, પછી શું થયુ?

‘સ્પાઈડર મેન નો વે હોમ’ સિનેમાઘરોમાં રિલીઝ થઈ રહી છે. આ ફિલ્મને લઈને ચાહકોમાં ભારે ક્રેઝ છે. ફિલ્મને લઇને ક્રેઝના કારણે બુકિંગ પણ થઇ રહ્યું નથી

નવી દિલ્હીઃ ‘સ્પાઈડર મેન નો વે હોમ’ સિનેમાઘરોમાં રિલીઝ થઈ રહી છે. આ ફિલ્મને લઈને ચાહકોમાં ભારે ક્રેઝ છે. ફિલ્મને લઇને ક્રેઝના કારણે બુકિંગ પણ થઇ રહ્યું નથી. તેમજ લોકોને ટિકિટ મેળવવામાં પણ મુશ્કેલી પડી રહી છે. આ સ્થિતિ માત્ર સામાન્ય લોકોની જ નહીં પરંતુ બોલિવૂડ અભિનેત્રી શિલ્પા શેટ્ટીની પણ છે. બોલિવૂડની એક્ટ્રેસ શિલ્પા શેટ્ટી પણ સ્પાઇડર મેનની ટિકિટ લેવા માટે મુશ્કેલીનો સામનો કરી રહી છે.  બોલિવૂડ એક્ટ્રેસ શિલ્પા શેટ્ટીએ ઈન્સ્ટાગ્રામ પર એક વીડિયો શેર કર્યો છે જેમાં તે 'સ્પાઈડર મેનઃ નો વે હોમ' માટે ટિકિટ માંગતી જોવા મળે છે.  શિલ્પા શેટ્ટીના આ વીડિયોને લોકો ખૂબ પસંદ કરી રહ્યા છે. વીડિયોમાં શિલ્પા શેટ્ટી સ્પાઇડરમેન ફિલ્મની એક ટિકિટ મેળવવા માટે શું શું કરે છે તે જોવા મળી રહ્યું છે.

With great power comes great responsibility, Spidey! And, it’s your responsibility to get me the tickets lest there’s No Way Home for me because I couldn’t find them on the web 🕸👩‍💻😩🤪@TomHolland1996
.
.
.
.
.#Spiderman #NoWayHome #spidey #blessed #gratitude pic.twitter.com/7rRxyaFlse

— SHILPA SHETTY KUNDRA (@TheShilpaShetty) December 15, 2021

શિલ્પાનો આ વીડિયો સોશિયલ મીડિયા પર ઘણો પસંદ કરવામાં આવી રહ્યો છે. આ વીડિયોને થોડા જ કલાકોમાં લાખો વ્યૂઝ મળ્યા છે. વીડિયોમાં જોઇ શકાય છે કે શિલ્પા શેટ્ટી ‘સ્પાઈડર મેનઃ નો વે હોમ’ માટે ટિકિટ બુક કરતી જોવા મળે છે અને તે સ્પાઈડર મેનને મળે છે. તે ટિકિટ માટે સ્પાઈડર મેનને પૂછે છે. પણ સ્પાઇડર મેન ટિકિટ ન હોવાની વાત કરે છે. આ પછી શિલ્પા કહે છે કે હું તમને કંઈક શીખવીશ અને તમે મને ટિકિટ આપો. પહેલા, શિલ્પા સ્પાઈડર મેનને ડાન્સ શીખવે છે પરંતુ તે કરતો નથી. ત્યારબાદ અભિનેત્રી ચૂરા કે દિલ મેરા પર ડાન્સ શીખવવાનો પ્રયાસ કરે છે. અત્યાર સુધીમાં વીડિયોને 5 લાખથી વધુ લોકોએ જોયો છે. નોંધનીય છે કે ‘સ્પાઈડર મેનઃ નો વે હોમ’ અંગ્રેજી સિવાય હિન્દી, તમિલ, તેલુગુ ભાષાઓમાં રિલીઝ કરવામાં આવશે.