KGF 2 : રિલીઝ પહેલા અને રિલીઝના પ્રથમ દિવસે યશની ફિલ્મે સર્જ્યા અનેક રેકોર્ડ, પહેલા જ દિવસે કરી 134 કરોડની કમાણી
KGF 2 box office day 1 collection: KGF 2 એ તેની રિલીઝના પ્રથમ દિવસે ભારતમાં નેટ ₹134.50 કરોડની કમાણી કરી.
KGF ચેપ્ટર 2, જે હિન્દી, કન્નડ, તેલુગુ, તમિલ અને મલયાલમ ભાષાઓમાં 14 એપ્રિલના રોજ થિયેટરોમાં હિટ રહી હતી અને આ ફિલ્મે બોક્સ ઓફિસ પર તોફાન સર્જ્યું છે. યશ-સ્ટારર આ ફિલ્મે માત્ર એડવાન્સ બુકિંગ સાથે તમામ પોસ્ટ-પેન્ડેમિક ફિલ્મોના પ્રથમ દિવસનો રેકોર્ડ તોડી નાખ્યો હતો, અને રિલીઝ થયાના પ્રથમ દિવસે સમગ્ર ભારતમાં વધુ રેકોર્ડ તોડ્યા હતા. આ ફિલ્મનું હિન્દી વર્ઝન ભારતમાં સૌથી મોટી ઓપનર ફિલ્મ બની ગઈ છે.
આ ફિલ્મમાં યશ, સંજય દત્ત અને રવિના ટંડન જેવા કલાકારો છે.
ભારતની સૌથી મોટી ઓપનર ફિલ્મ બની
KGF 2 એ તેની રિલીઝના પ્રથમ દિવસે ભારતમાં નેટ ₹134.50 કરોડની કમાણી કરી. ફિલ્મના હિન્દી સંસ્કરણે તેના શરૂઆતના દિવસે નેટ ₹53.95ની કમાણી કરી, જે ભારતમાં સૌથી મોટી ઓપનર બની. ટ્રેડ એનાલિસ્ટ તરણ આદર્શે પણ ટ્વીટ કર્યું કે KGF 2 એ 2018ની ફિલ્મ ઠગ્સ ઑફ હિન્દોસ્તાન અને 2019ની ફિલ્મ વૉરના ઓપનિંગ રેકોર્ડ તોડી નાખ્યા છે, જેણે તેમના શરૂઆતના દિવસોમાં અનુક્રમે ₹50.75 કરોડ અને ₹51.60 કરોડની કમાણી કરી હતી.
'KGF2' DAY 1: ₹ 134.50 CR... #KGF2 has smashed ALL RECORDS on Day 1... Grosses ₹ 134.50 cr Gross BOC [#India biz; ALL versions]... OFFICIAL POSTER ANNOUNCEMENT... pic.twitter.com/ZB0NVJMKBR
— taran adarsh (@taran_adarsh) April 15, 2022
રિલીઝ પહેલા હિન્દી વર્ઝનની 20 કરોડની કમાણી
KGF 2 એ એક દિવસની કમાણી સાથે તેની પ્રથમ ફિલ્મની આજીવન કમાણી પણ પાર કરી. KGFના પહેલા ભાગના હિન્દી વર્ઝને ડિસેમ્બર 2018માં રિલીઝ થયા પછી બોક્સ ઓફિસ પર ₹44.09 કરોડની કમાણી કરી હતી. બીજા ભાગની રિલીઝ પહેલાં જ ₹20 કરોડની ટિકિટ વેચાઈ હતી, જે તમામ હિન્દી ફિલ્મોની રિલીઝ દિવસની કમાણી કરતાં વધુ છે.
ફિલ્મે તમિલનાડુ અને કેરળમાં સર્જ્યો નવો રેકોર્ડ
રમેશ બાલાના જણાવ્યા અનુસાર, KGF 2 એ તમિલનાડુમાં શરૂઆતના સપ્તાહના બીજા દિવસથી 4 દિવસ સુધી સવારે 12:01 થી સવારે 7:59 સુધીના સૌથી વિશેષ શો યોજવાનો નવો રેકોર્ડ પણ બનાવ્યો છે. તમિલ સંસ્કરણને પ્રથમ દિવસે રાજ્યમાં લગભગ 350 સ્ક્રીનો મળી હતી, પરંતુ વધતી માંગને કારણે, મધ્યરાત્રિ અને વહેલી સવારે વધારાના શો ઉમેરવામાં આવ્યા હતા.આ ફિલ્મે કેરળમાં પણ રેકોર્ડ તોડ્યા છે, જે રાજ્યના બોક્સ ઓફિસ ઇતિહાસમાં 7 કરોડની દૈનિક કમાણી કરનાર પ્રથમ ફિલ્મ બની છે. તેણે કેરળમાં પ્રથમ દિવસે 7.48 કરોડ રૂપિયાની કમાણી કરી હતી.
ટ્રેન્ડિંગ સમાચાર
ટોપ સ્ટોરી
