ચોરીછૂપી યોજાઇ Parineeti Chopra અને Raghav Chadhaની રોકા સેરેમની! 4 મહિના બાદ થઈ શકે છે લગ્ન
બોલિવૂડ અભિનેત્રી પરિણીતી ચોપરાનું નામ છેલ્લા ઘણા સમયથી તેના અંગત જીવન માટે ચર્ચામાં છે. આ દરમિયાન પરિણીતી ચોપરાના લગ્નને લઈને મોટા સમાચાર સામે આવી રહ્યા છે.
Parineeti Chopra-Raghav Chadha: બી-ટાઉનની જાણીતી અભિનેત્રી પરિણીતી ચોપરાને કોઈ અલગ ઓળખની જરૂર નથી. ઘણા સમયથી પરિણીતી ચોપરાની પર્સનલ લાઈફ ઘણી ચર્ચામાં છે. આમ આદમી પાર્ટીના સાંસદ રાઘવ ચઢ્ઢા સાથે એરપોર્ટ અને ડિનર પર સ્પોટ થયા બાદ પરિણીતી ચોપરાના લગ્ન અંગેની અફવાઓએ જોર પકડ્યું છે. આ દરમિયાન હવે સમાચાર આવી રહ્યા છે કે પરિણીતી ચોપરા અને રાઘવ ચઢ્ઢાની રોકા સેરેમની યોજવામાં આવી હતી. આ સાથે એ પણ જાણવા મળ્યું છે કે આ બંને ક્યારે લગ્ન કરવા જઈ રહ્યા છે.
પરિણીતી ચોપરા અને રાઘવ ચઢ્ઢાની રોકા સેરેમની
ઈન્ડિયા ટુડેના અહેવાલ મુજબ એવું કહેવામાં આવ્યું છે કે પરિણીતી ચોપરા અને AAP સાંસદ રાઘવ ચઢ્ઢાની ચોરીછૂપી રીતે રોકા સેરેમની યોજવામાં આવી હતી. સમાચારમાં જણાવવામાં આવ્યું છે કે બંને પરિવારના ખાસ સભ્યોની હાજરીમાં પરિણીતી ચોપરા અને રાઘવ ચઢ્ઢાની રોકાની વિધિ કરવામાં આવી છે. તે દિવસે બંને ખૂબ ખુશ દેખાતા હતા. જોકે પરિણીતી અને રાઘવને લગ્નને લઈને કોઈ ઉતાવળ નથી. બંને હાલ પોતપોતાના કામમાં વ્યસ્ત છે. પરંતુ લગભગ 4 મહિના પછી એટલે કે ઓક્ટોબરમાં પરિણીતી ચોપરા અને રાઘવ ચઢ્ઢા લગ્નના સાત ફેરા લઈ શકે છે. જો કે અત્યારે આ બાબતની સત્તાવાર પુષ્ટિ કરવી થોડી ઉતાવળ હશે. પરંતુ જે રીતે પરિણીતી ચોપરા અને રાઘવ ચઢ્ઢાનું નામ ભૂતકાળમાં ચર્ચામાં રહ્યું છે તે જોતાં એવું માની શકાય છે કે પરિણીતી અને રાઘવ ઓક્ટોબરમાં લગ્ન કરી શકે છે.
View this post on Instagram
અભિનેત્રીએ લગ્ન અંગે મૌન સેવ્યું
બુધવારે પરિણીતી ચોપરાનો એક લેટેસ્ટ વીડિયો સામે આવ્યો છે. આ વીડિયોમાં પાપારાઝીએ પરિણીતી ચોપરાને લગ્ન ક્યારે છે તે અંગે સવાલ પૂછ્યો હતો. જેના પર પરિણીતી ચોપરા પહેલા તો હસી પડી, પણ પછી હસતાં હસતાં કહ્યું કે તમે લોકો પાગલ થઈ ગયા છો. આવી સ્થિતિમાં આગામી સમયમાં પરિણીતી ચોપરા અને રાઘવ ચઢ્ઢા ફરીથી સાથે જોવા મળશે કે કેમ તે જોવું રસપ્રદ રહેશે. આજકાલ અભિનેત્રી પરિનિતીની અને રાઘવ ચઠ્ઠા બંને સાથે હોય તેવી અનેક તસવીરો સોશિયલ મીડિયા પર વાયરલ થતી જોવા મળે છે.
ટોપ સ્ટોરી
ટ્રેન્ડિંગ સમાચાર
