અર્શીખાનનો ધડાકો- 'કંદિલ ઇન્ટરનેશનલ સેક્સ-સટ્ટા રેકેટમાં સામેલ હોવાથી થઇ હત્યા', જાણો બીજું શું કહ્યું

પાકિસ્તાનની વિવાદીત મોડલ કંદિલ બલોચની ગઇકાલે તેના ભાઇએ ગળુ દબાવી હત્યા કરી દીધી હતી. ભારતની વિવાદાસ્પદ મોડલ અર્શી ખાને આક્ષેપ કર્યો છે કે કંદિલ આંતરરાષ્ટ્રીય સેક્સ રેકેટ (એસ્કોર્ટ રેકેટ) તથા સટ્ટાના રેકેટમાં સામેલ હતી તેથી તેની હત્યા કરાઇ છે.

મીડિયા સાથેની વાતમાં અર્શી ખાને જણાવ્યું હતું કે, કંદિલની હત્યાના સમાચારથી મને શોક લાગ્યો છે. મને આ હત્યા પાછળ મોટું કાવતરું લાગી રહ્યું છે. મને આ હત્યા પાછળ બે સંભાવનાઓ લાગી રહી છે. પહેલી નજરે એ હત્યા ઓનર કિલિંગ હોઈ શકે પરંતુ મને લાગે છે કે તેની હત્યા ઓનર કિલિંગ નથી. તેનો ભાઈ વસીમ ગુસ્સામાં આવીને તેને આમ મારી શકે નહીં.

મીડિયાના રિપોર્ટ્સ પ્રમાણે કંદિલની હત્યા આયોજીત નહોતી શક્ય છે કે કંદિલનાં મુફ્તી સામેના ક્રોધને લઈને કોઈ ઈસ્લામિક સમર્થકે તેની હત્યાનું પ્લાનિંગ કર્યું હોઇ શકે છે.

અર્શી ખાને આક્ષેપ કર્યો હતો કે કંદીલની હત્યા પાછળનું બીજુ કારણ એ હોઈ શકે કે કંદિલ ઈન્ટરનેશનલ સેક્સ રેકેટ તથા સટ્ટા રેકેટમાં કથિત રીતે સંડોવાયેલી હતી. આ અગાઉ મને પણ દુબઈથી બુકીના કોલ આવ્યા હતા અને આ બાબતે મેં અનેક વાર મુંબઈ પોલીસ સ્ટેશનમાં ફરિયાદ નોંધાવી છે.

અર્શીએ જણાવ્યું કે, દુબઈનાં બુકીઓ મને મેચ ફિક્સિંગ અને સટ્ટા બાબતે ફોન કરતા હતા અને ફોનમાં તેઓ કંદીલનો ઉલ્લેખ પણ કરતા અને કહેતાં હતા કે, ‘તે પણ આ કામ કરી રહી છે અને આ કામ દ્વારા તેને સારા પૈસા પણ મળી રહ્યા છે. તો તું શા માટે આ કામ નથી કરી રહી’. દરેક લોકો જાણે છે કે કંદિલ અમીર અને પ્રખ્યાત બિઝનેસમેન, રાજકારણી અને ક્રિકેટર્સ સાથે પાકિસ્તાન, દુબઈ અને UAEમાં અવાર નવાર મિટિંગ કરતી હતી. મારી જાણ મુજબ તેની ફેમિલી તેના આ કામ વિશે જાણતી હતી તેથી શક્ય છે કે તેના ભાઈએ તેની હત્યા કરી હશે.

તે સિવાય અર્શીએ શંકા વ્યક્ત કરી હતી કે શક્ય છે કે કંદિલ અનેક પાકિસ્તાની સેલિબ્રિટી અને રાજકારણીઓના સિક્રેટ જાણતી હશે. પરિણામે કંદિલના ભાઇને તેની હત્યા માટે મોટી રકમની સોપારી મળી હોઇ શકે છે.