ટીવીની જાણીતી એક્ટ્રેસ પાસે ખાવાનાં પણ પૈસા ના રહેતાં રોહિત શેટ્ટી-માધુરી દીક્ષિતે કરી મદદ, બીજા કોણે આપ્યાં નાણાં?
ફિલ્મ મેકર રોહિત શેટ્ટી (Rohit Shetty)એ શગુફ્તા અલી (Shagufta)ની આર્થિક મદદ કરી હતી, આ વાતની જાણકારી ઇન્ડિયન ફિલ્મ એન્ડ ટેલિવિઝન ડાયરેક્ટર્સ એસોસિએશનના પ્રેસિડેન્ટ અશોક પંડિત આપી હતી.
નવી દિલ્હીઃ કોરોના કાળમાં સામાન્ય માણસોને તો પૈસાની તંગી ઉભી થઇ છે, પરંતુ સાથે સાથે ફિલ્મ ઇન્ડસ્ટ્રીના કેટલાક સ્ટાર એક્ટર અને એક્ટ્રેસીસને પણ આર્થિક તંગી સામે ઝઝૂમવુ પડી રહ્યું છે. લાંબા સમયથી બૉલીવુડ ફિલ્મો અને ટીવી સીરિયલો દ્વારા દર્શકોનુ મનોરંજન કરી રહેલી એક્ટ્રેસ શગુફ્તા અલી (Shagufta Ali) છેલ્લા કેટલાક સમયથી નાણાંકીય સંકટ સામે ઝઝૂમી રહી છે. તેને જણાવ્યુ હતુ કે તેની આર્થિક હાલત એટલી બધી ખરાબ થઇ ગઇ છે કે તેની પાસે રહેવા-ખાવાના પણ પૈસા નથી રહ્યાં, તેની પાસે વેચવા માટે પણ હવે કંઇ નથી બચ્યુ. એક્ટ્રેસની આવી હાલત જોઇને રોહિત શેટ્ટી અને માધુરી દિક્ષિત મદદ કરવા માટે આગળ આવ્યા છે.
રોહિત શેટ્ટી અને માધુરી દિક્ષિતે કરી મદદ-
તાજેતરમાં જ ફિલ્મ મેકર રોહિત શેટ્ટી (Rohit Shetty)એ શગુફ્તા અલી (Shagufta)ની આર્થિક મદદ કરી હતી, આ વાતની જાણકારી ઇન્ડિયન ફિલ્મ એન્ડ ટેલિવિઝન ડાયરેક્ટર્સ એસોસિએશનના પ્રેસિડેન્ટ અશોક પંડિત આપી હતી. ઉલ્લેખનીય છે કે શગુફ્તા અલી ક્યારેય રોહિત શેટ્ટીને મળી પણ નથી, અને તેની સાથે કામ પણ નથી કર્યુ છતાં રોહિત શેટ્ટીએ શગુફ્તા અલીને નાણાંકીય મદદ પહોંચાડી છે.
શગુફ્તા અલીની આર્થિક ખરાબ હાલત જોઇને ડાન્સ દિવાને સિઝન 3 (Dance Deewane 3)ના સેટ પર માધુરી દિક્ષિતે (Madhuri Dixit) પણ મદદનો હાથ લંબાવ્યો છે. માધુરીએ શગુફ્તા અલીને 5 લાખ રૂપિયાનો ચેક આપીને આર્થિક મદદ કરી છે. મેકર્સે શૉનો પ્રૉમો વીડિયો રિલીઝ કર્યો છે જેમાં તે શગુફ્તા અલી સ્ટેજ પર આવીને બતાવે છે કે તેને કઇ રીતે ઇન્ડસ્ટ્રીમાં એક સુંદર સમય વિતાવ્યો છે.
શગુફ્તા અલીએ સંભળાવી દુઃખની કહાની-
શગુફ્તા અલીએ બતાવ્યુ કે તે છેલ્લા કેટલાય વર્ષોથી ખુબ સંઘર્ષ અને મન લગાવીને કામ કરતી રહી છે, પરંતુ પછી ડાયાબિટીસના કારણે પહેલા પગ અને પછી આંખોએ તેનો સાથ આપવાનો બંધ કરી દીધો. શગુફ્તા અલી (Shagufta)એ બતાવ્યુ કે તે કેવી રીતે આર્થિક સમસ્યાઓ સામે ઝઝૂમી રહી છે, અને તેની પાસે ઇલાજ કરાવવા માટે પૈસા નથી બચ્યા. શગુફ્તા અલીની કહાની સાંભળીને ત્યાં હાજર રહેલા તમામ લોકો ભાવુક થતા દેખાયા. ભારતી સિંહ (Bharti Singh)એ તેમને ગળેથી લગાવ્યા અને માધુરી દિક્ષિત (Madhuri Dixit)એ સ્ટેજ પર આવીને શગુફ્તા અલીના હાથમાં 5 લાખ રૂપિયાનો ચેક સોંપ્યો હતો.
ટોપ સ્ટોરી
ટ્રેન્ડિંગ સમાચાર
