Salman Khan: મુંબઈના બાંદ્રામાં સલમાન ખાન બનાવશે 19 માળની હોટેલ! બિલ્ડીંગ આ સુવિધાઓથી હશે સજ્જ

સલમાન ખાનનો પરિવાર બાંદ્રાના કાર્ટર રોડ પર સી ફેસિંગ પ્લોટ પર હોટલ બનાવવાનું વિચારી રહ્યો છે

સલમાન ખાન

Salman Khan:બોલિવૂડના દિગ્ગજ સ્ટાર્સ લાંબા સમયથી મુંબઈમાં લાખો કરોડ રૂપિયાની પ્રોપર્ટીનું રોકાણ અને ખરીદી કરી રહ્યા છે. દરરોજ સ્ટાર્સ લક્ઝરી એપાર્ટમેન્ટ અને બંગલા ખરીદે છે. તેમાંથી એક છે બોલિવૂડના હેન્ડસમ ભાઈજાન એટલે કે સલમાન ખાન. સલમાન ખાનને લઈને એક મોટા સમાચાર સામે આવી રહ્યા છે. રિપોર્ટ્સમાં કહેવામાં આવી રહ્યું છે કે સલમાન ખાન મુંબઈના બાંદ્રામાં કાર્ટર રોડ પર સ્થિત એક પ્લોટ પર હોટલ બનાવવાની યોજના બનાવી રહ્યો છે. આ પ્લોટ દરિયા કિનારે આવેલ છે.

એક મીડિયા રિપોર્ટ અનુસાર, સલમાન ખાનનો પરિવાર બાંદ્રાના કાર્ટર રોડ પર સી-ફેસિંગ પ્લોટ પર હોટલ બનાવવાની યોજના બનાવી રહ્યો છે. રિપોર્ટમાં એમ પણ કહેવામાં આવ્યું છે કે BMCએ બિલ્ડિંગના પ્લાનને મંજૂરી આપી દીધી છે. તે 19 માળની હોટલ બનવા જઈ રહી છે. આ પ્લોટમાં અગાઉ સ્ટારલેટ કોઓપરેટિવ હાઉસિંગ સોસાયટી હતી, જ્યાં ખાન પરિવારના એપાર્ટમેન્ટ્સ આવેલા હતા. શરૂઆતમાં આ મિલકત પર હાઉસિંગ સોસાયટી બનાવવાનું આયોજન હતું, પરંતુ બાદમાં તેમાં ફેરફાર કરવામાં આવ્યો.

સલમાન ખાન અને તેના પરિવારની આ 19 માળની હોટલની ઊંચાઈ 69.9 મીટર હશે. બીએસીને સબમિટ કરાયેલા પ્રસ્તાવમાં આ બિલ્ડિંગમાં પહેલા માળે કાફે અને રેસ્ટોરન્ટ હશે. જ્યારે ભોંયરું બીજા માળે, જિમ અને સ્વિમિંગ પૂલ ત્રીજા માળે, ચોથા માળે સર્વિસ ફ્લોર તરીકે બનાવવામાં આવશે. બિલ્ડિંગના પાંચમા અને છઠ્ઠા માળનો ઉપયોગ કન્વેન્શન સેન્ટર તરીકે કરવામાં આવશે. બિલ્ડિંગના પ્લાનમાં હોટલ માટે સાતમાથી 19મા માળ સુધીની જગ્યા રાખવામાં આવી છે.

સલમાન ખાનની સાથે અન્ય એક અભિનેતા છે જે રિયલ એસ્ટેટમાં વધુ રોકાણ કરે છે. તે એક્શન એક્ટર જોન અબ્રાહમ છે. સલમાન ખાનના વર્કફ્રન્ટ વિશે વાત કરીએ તો, અભિનેતા છેલ્લે 'કિસી ના ભાઈ કિસી કી જાન'માં જોવા મળ્યો હતો. તેની ફિલ્મ બોક્સ ઓફિસ પર કંઈ સારું બતાવી શકી નથી. સલમાન ખાન આગામી સમયમાં 'ટાઈગર 3'માં તેનો એક્શન અવતારમાં  જોવા મળશે. આ ફિલ્મમાં તેની સાથે કેટરિના કૈફ અને ઈમરાન હાશ્મી જોવા મળશે.

Pandit P Khurana Passes Away: બોલિવૂડ એક્ટર આયુષ્માન ખુરાનાના પિતાનું નિધન, પરિવાર પર તૂટ્યો દુ:ખોનો પહાડ

Ayushmann Khurrana Father Pandit P Khurana Passes Away:બોલિવૂડ એક્ટર આયુષ્માન ખુરાનાના પિતા જ્યોતિષ પી ખુરાનાનું નિધન થયું છે. તેઓ છેલ્લા કેટલાક સમયથી હૃદય સંબંધિત બિમારીથી પીડાતા હતા. મળતી માહિતી મુજબ, આયુષ્માનના પિતા પી ખુરાનાની મોહાલીની એક ખાનગી હોસ્પિટલમાં સારવાર ચાલી રહી હતી પરંતુ ડોક્ટરોના તમામ પ્રયાસો છતાં તેમને બચાવી શકાયા ન હતા.

આયુષ્માન ખુરાનાના ભાઈ અપારશક્તિ ખુરાના વતી તેમના પ્રવક્તાએ એક નિવેદન બહાર પાડ્યું છે, જેમાં લખ્યું છે કે, 'અમને જણાવતા ખૂબ જ દુઃખ થાય છે કે આયુષ્માન અને અપારશક્તિ ખુરાનાના પિતા જ્યોતિષ પી ખુરાનાનું આજે સવારે 10.30 વાગ્યે નિધન થયું છે. મોહાલી ખાતે લાંબી માંદગીને કારણે તેમનું નિધન થયું. આ વ્યક્તિગત નુકસાન દરમિયાન તમારી પ્રાર્થના અને સમર્થન માટે અમે તમારા બધાના આભારી છીએ.