(Source: ECI/ABP News/ABP Majha)
14 વર્ષ બાદ માત્ર આ કારણે છોડી રહયાં તારક મહેતાનો શો છોડી રહ્યાં છે શૈલેષ લોઢા, ‘ફેન્સે કહ્યું ગલત બાત’
તાજા સમાચાર અનુસાર, શોમાં તારક મહેતાની ભૂમિકા ભજવનાર અભિનેતા શૈલેષ લોઢા ટૂંક સમયમાં શો છોડી શકે છે.
તારક મહેતા કા ઉલ્ટા ચશ્મા:જો આપણે કોમેડી સીરીયલોની વાત કરીએ તો સબ ટીવી પર આવતા શો 'તારક મહેતા કા ઉલ્ટા ચશ્મા'ને લોકો પસંદ કરે છે. આ શો વર્ષોથી લોકોનું મનોરંજન કરે છે અને આજે પણ લોકો તેને ખૂબ જ ઉત્સાહથી જુએ છે. આ સિરિયલ જેટલી ફેમસ છે, એટલું જ તેનું પાત્ર પણ ફેમસ છે. વર્ષો સુધી એક જ સિરિયલમાં કામ કર્યા બાદ જાણે આ સ્ટાર્સની ઓળખ તેમના રીલના નામથી થઈ ગઇ છે. જેઠાલાલ, પોપટલાલ, આત્મારામ તુકારામ ભીડે, દયા, અંજલિ કે તારક મહેતા, આ બધા પાત્રો પોતપોતામાં અનોખા છે અને લોકોને પસંદ પણ છે. હાલમાં શોને લઈને એક ખરાબ સમાચાર સામે આવ્યા છે.
તાજા સમાચાર અનુસાર, આ શોમાં તારક મહેતાની ભૂમિકા ભજવનાર અભિનેતા શૈલેષ લોઢા ટૂંક સમયમાં શો છોડી શકે છે. હા, પ્રાપ્ત માહિતી અનુસાર, શૈલેષ લોઢા ટૂંક સમયમાં તારક મહેતા શોને અલવિદા કહેવા જઈ રહ્યા છે. જો કે તેણે હજુ સુધી તેની સત્તાવાર જાહેરાત કરી નથી. ટેલી ચક્કરના અહેવાલ મુજબ, શૈલેષ લોઢા 14 વર્ષ સુધી જોડાયેલા રહ્યા બાદ શો છોડવા જઈ રહ્યા છે. એવું કહેવામાં આવી રહ્યું છે કે શૈલેષ છેલ્લા કેટલાક મહિનાઓથી શૂટિંગ પર આવ્યાં નથી અને તેની આગળ આવવાની કોઈ યોજના નથી.
View this post on Instagram
આ રિપોર્ટમાં એવું પણ કહેવામાં આવ્યું છે કે શૈલેષ શોમાં તેના કોન્ટ્રાક્ટથી ખુશ નથી અને માને છે કે શોમાં તેની તારીખોનો યોગ્ય રીતે ઉપયોગ કરવામાં આવી રહ્યો નથી. જો કે અભિનેતાએ હજુ સુધી આ અંગે કંઈપણ વાત કરી નથી. પરંતુ આ સમાચાર સામે આવવાથી ચાહકો ચોક્કસપણે નિરાશ થયા છે. નોંધનીય છે કે શૈલેષે તારક મહેતાના શોમાં પોતાના પાત્રથી લોકોના દિલમાં ખાસ જગ્યા બનાવી છે. આવી સ્થિતિમાં લોકોએ શોના મેકર્સ પર પણ સવાલ ઉઠાવવાનું શરૂ કરી દીધું છે. તે કહે છે કે જો શૈલેષ ખરેખર સાચું બોલતો હોય તો તેની સાથે ખોટું થઇ રહ્યું છે.
ટ્રેન્ડિંગ સમાચાર
ટોપ સ્ટોરી
