(Source: ECI/ABP News/ABP Majha)
Dipika Kakkar-Shoaib Ibrahimના ઘરે ગુંજી કિલકારી, દિપીકાએ બેબી બોયને આપ્યો જન્મ
Dipika Kakar Blessed With Baby Boy: દીપિકા કક્કર અને શોએબ ઈબ્રાહિમના ચાહકો માટે સારા સમાચાર છે. દીપિકા અને શોએબ પેરેન્ટ્સ બની ગયા છે. દીપિકાએ પુત્રને જન્મ આપ્યો છે.
Dipika Kakar Blessed With Baby Boy: અભિનેત્રી દીપિકા કક્કરના ઘરે ખુશીઓ આવી છે દીપિકા માતા બની ગઈ છે. દીપિકા અને શોએબ ઈબ્રાહિમ સાતમાં આસમાન પર છે. સોશિયલ મીડિયા પર દીપિકાએ માતા બનવાના અને શોએબ પિતા બનવાના સમાચારની જાણકારી આપી હતી. અભિનેત્રીએ પોસ્ટ કરીને લખ્યું- 'અલહમદુલિલ્લાહ, આજે 21 જૂન, 2023ના રોજ મેં પુત્રને જન્મ આપ્યો છે. આ પ્રીમેચ્યોર ડિલિવરી છે. ચિંતા કરવા જેવું કંઈ નથી.'
Instagram પર આ પોસ્ટ જુઓ
દિપીકા કક્કરે બેબી બોયને આપ્યો જન્મ
જણાવી દઈએ કે ડોક્ટરોએ દીપિકાને જુલાઈના ત્રીજા કે ચોથા સપ્તાહની નિયત તારીખ આપી હતી. દીપિકાએ તેના વ્લોગમાં આ અંગે માહિતી આપી હતી. હવે દીપિકાએ પ્રિમેચ્યોર ડિલિવરી દ્વારા પુત્રને જન્મ આપ્યો છે.
દીપિકા-શોએબની લવ સ્ટોરી
દીપિકા અને શોએબની વાત કરીએ તો બંને ઈન્ડસ્ટ્રીમાં લોકપ્રિય કપલ છે. બંનેએ સસુરાલ સિમર કા શોમાં સાથે કામ કર્યું હતું. અહીંથી જ તેમની વચ્ચે પ્રેમની શરૂઆત થઈ હતી. આ કપલે 22 ફેબ્રુઆરી 2018ના રોજ લગ્ન કર્યા હતા. બંને એકબીજા પર જીવ લૂટાવે છે. તેની લવ સ્ટોરી ચાહકોને પ્રેરણા આપે છે. 20 જૂને શોએબના જન્મદિવસે દીપિકાએ ઘણો પ્રેમ વરસાવ્યો હતો. તેણે ઈન્સ્ટાગ્રામ પર શોએબ સાથે બર્થડે સેલિબ્રેશનની તસવીરો શેર કરી અને ઈમોશનલ વોઈસ નોટ શેર કરી હતી.
તે જાણીતું છે કે દીપિકા અને શોએબ આ દિવસોમાં તેમના ઘરનું નવીનીકરણ કરાવી રહ્યા છે. પોતાના ફ્લેટની બાજુમાં આવેલો ફ્લેટ લીધો છે. હવે બંને ફ્લેટને એક મોટું મકાન બનાવવામાં આવી રહ્યું છે.
દીપિકા અને શોએબનું વર્ક ફ્રન્ટ
વર્ક ફ્રન્ટની વાત કરીએ તો દીપિકા હાલમાં બ્રેક પર છે. તેણીએ તેની ગર્ભાવસ્થામાં બ્રેક લીધો હતો. તેણી તેના જીવનનો સંપૂર્ણ આનંદ માણી રહી હતી. થોડા સમય પહેલા દીપિકાએ એક ઈન્ટરવ્યુમાં કહ્યું હતું કે તે પરિવારને થોડો સમય આપવા માંગે છે અને હાલમાં કામમાંથી બ્રેક ઈચ્છે છે. બીજી તરફ શોએબની વાત કરીએ તો આ દિવસોમાં તે સ્ટાર ભારતના શો અજુનીમાં જોવા મળી રહ્યો છે. ચાહકોને આ શો પસંદ આવી રહ્યો છે.
ટ્રેન્ડિંગ સમાચાર
ટોપ સ્ટોરી
