Smriti Iraniના બ્યૂટી કોન્ટેસ્ટના વિરોધમાં હતા ઘરના લોકો, કાઢી મૂકી હતી ઘરની બહાર!

Smriti Irani Beauty Contest: વર્ષો પહેલા સ્મૃતિ ઈરાનીએ મિસ ઈન્ડિયા સ્પર્ધામાં ભાગ લીધો હતો. એક ઈન્ટરવ્યુમાં તેણે કહ્યું હતું કે તેનો પરિવાર તે ફેશન ઈન્ડસ્ટ્રીનો હિસ્સો બને તેવું ઈચ્છતો ન હતો.

smriti irani

Smriti Irani Shocking Revelation:  કેન્દ્રીય મંત્રી સ્મૃતિ ઈરાનીએ રાજકારણમાં પગ મૂકતા પહેલા નાના પડદા પર ઘણું નામ કમાઈ લીધું છે. જો કે સ્મૃતિનો રાજકારણમાં રસ તેના અભ્યાસના દિવસોથી હતો. જે તેણે સૌંદર્ય સ્પર્ધા દરમિયાન જાહેર કર્યો હતો. તમને જણાવી દઈએ કે 21 વર્ષની ઉંમરે સ્મૃતિ ઈરાનીએ મિસ ઈન્ડિયા સ્પર્ધામાં ભાગ લીધો હતો. તે હરીફાઈ ન જીતી શકી પરંતુ તેણે લોકોના દિલમાં જગ્યા ચોક્કસ બનાવી લીધી. જ્યારે સ્મૃતિ ઈરાની રજત શર્માના શો 'આપ કી અદાલત'માં પહોંચી તો તેણે કહ્યું કે તેનો પરિવાર તે બ્યુટી કોન્ટેસ્ટમાં ભાગ લે તેવું નહોતો ઈચ્છતો અને તેના કારણે તેને ઘરની બહાર કાઢી મૂકવામાં આવી હતી.

સ્મૃતિ ઈરાનીએ ખુલાસો કર્યો

શોમાં વાતચીત દરમિયાન સ્મૃતિએ જણાવ્યું કે તેના પરિવારના સભ્યો તેની બ્યુટી કોન્ટેસ્ટની વિરુદ્ધ હતા. પરંતુ તેને મોડલિંગમાં રસ હતો. આ શોખને કારણે તે મુંબઈ પણ ગઈ હતી. અભિનેત્રીએ જણાવ્યું કે તે મુંબઈ ગઈ હતી પરંતુ તે સમયે તેના ખિસ્સામાં પૈસા નહોતા. મુંબઈ પહોંચીને તેણે તેના પિતાને ફોન કર્યો અને કહ્યું, "હું મુંબઈ આવી છું, પણ મારી પાસે પૈસા નથી". જેના પર તેના પિતાએ કહ્યું હતું કે, "જો તેં કોઈ અન્ય હેતુ માટે પૈસા માંગ્યા હોત તો તે કોઈપણ રીતે આપી દીધા હોત. પરંતુ આ માટે નહીં".

'ક્યૂંકી સાસ ભી કભી બહુ થી'માં લીડ રોલ મળ્યો

આખરે તેના પિતા સ્મૃતિને પૈસા આપવા માટે સંમત થયા કે તે એક વર્ષમાં તેને પૈસા પરત કરશે અને જો તે નહીં કરી શકે, તો તેણે તેની પસંદગીના છોકરા સાથે લગ્ન કરવા પડશે. સ્મૃતિ આ માટે સંમત થઇ. સ્મૃતિએ જણાવ્યું કે વર્ષના અંતમાં માત્ર એક જ દિવસ બાકી હતો અને તેના પિતાએ તેની સગાઈ નક્કી કરી દીધી હતી. પરંતુ નસીબનો ખેલ જુઓ કે વર્ષના અંત સુધીમાં તેને 'ક્યૂંકી સાસ ભી કભી'માં મુખ્ય ભૂમિકાની ઓફર થઈ. અને સ્મૃતિએ સગાઈ તોડી નાખી.