છેલ્લા ત્રણ વર્ષથી ડેટ કરનારુ ટીવીનુ આ સ્ટાર કપલ આગામી મહિને બંધાશે લગ્ન ગ્રંથીથી, જાણો કોણ છે.......

પિંકવિલાએ પોતાના રિપોર્ટમાં આ જાણકારી આપી છે કે એક્ટર ફરહાન અખ્તર અને શિબાની દાંડેકર બંને 21 ફેબ્રુઆરીએ મુંબઈમાં તેમના લગ્નની નોંધણી કરાવી શકે છે.

Farhan_Akhatar_02

મુંબઇઃ ટીવી અને ફિલ્મ ઇન્ડસ્ટ્રીમાં નવુ વર્ષ એટલે કે 2022નુ વર્ષ સ્ટાર કપલ માટે ખાસ રહેવાનુ છે. ઘણાબધા કપલ્સ આ વર્ષે લગ્ન ગ્રંથીથી જોડાઇ જશે. રિપોર્ટ છે કે આગામી મહિને સ્ટાર સેલેબ્સ કપલ ફરહાન અખ્તર અને શિબાની દાંડેકર લગ્ન કરવા જઇ રહ્યાં છે. બન્ને એક્ટર એકબીજાને છેલ્લા ત્રણ વર્ષથી ગુપચુપ રીતે ડેટા કરી રહ્યાં હતા. 

પિંકવિલાએ પોતાના રિપોર્ટમાં આ જાણકારી આપી છે કે એક્ટર ફરહાન અખ્તર અને શિબાની દાંડેકર બંને 21 ફેબ્રુઆરીએ મુંબઈમાં તેમના લગ્નની નોંધણી કરાવી શકે છે. ફરહાન અને શિબાનીએ આ સંબંધને નેક્સ્ટ લેવલ પર લઈ જવાનો નિર્ણય કર્યો છે. હાલમાં જ આ સ્ટાર કપલે પોતાનો એક ફોટો શેર કર્યો હતો, જેમાં બંને બ્લેક ડ્રેસમાં જોવા મળ્યા હતા.

એક્ટર ફરહાન અખ્તર અને શિબાની દાંડેકર છેલ્લા ત્રણ વર્ષથી એકબીજાને ડેટ કરી રહ્યાં છે. તેઓએ ક્યારેય તેમના સંબંધોને છુપાવ્યા નથી. તેઓ સતત એક સાથે ફોટા શેર કરે છે. 

વર્ક ફ્રન્ટની વાત કરીએ તો ફરહાન અખ્તર ફરી એકવાર ડિરેક્શનની જવાબદારી સંભાળવા જઈ રહ્યો છે. તે ‘જી લે ઝરા’નું નિર્દેશન કરી રહ્યો છે. તેમાં કેટરિના કૈફ, પ્રિયંકા ચોપરા અને આલિયા ભટ્ટ મુખ્ય ભૂમિકામાં છે. આ ફિલ્મ રોડ ટ્રીપ પર આધારિત છે. ફરહાન અખ્તર લગભગ એક દાયકા પછી દિગ્દર્શક તરીકેની શરૂઆત કરી રહ્યો છે કારણ કે દિગ્દર્શક તરીકે તેની છેલ્લી ફિલ્મ ‘ડોન 2 (2011) હતી.

આ પણ વાંચો...........