સુરત: પાંચ સંતાનોની માતા વિધવાને ફળ્યું કેશલેસ ટ્રાન્ઝેક્શન, જંગી ઈનામ લાગતાં બન્યાં લખપતિ

ડિજિટલ પેમેન્ટ સ્કીમમાં ઈનામ મેળવનાર હંસાબેન માંગુકીયાએ જણાવ્યું હતું કે, તેઓ યોગીચોક ખાતે પરિવાર સાથે રહે છે. તેમને સંતાનોમાં પાંચ દીકરીઓ અને એક દીકરો છે. જેમાં 3 દીકરીઓના લગ્ન થઈ ગયા છે. પતિના અવસાન બાદ પરિવાર સાથે મળીને સાડીઓમાં સ્ટોન લગાવવા અને લેસ મુકવાનું કામ કરીને ગુજરાન ચલાવે છે. તેમણે ચોથી ડિસેમ્બરના રોજ 200 રૂપિયાનું પેટ્રોલ પુરાવ્યું હતું. અને એક લાખ રૂપિયાનું ઈનામ મળતાં તેઓ તથા પરિવાર ખૂબ ખુશ છે.

સુરતઃ કેશલેસ ટ્રાંઝેક્શનને પ્રોત્સાહન આપવા કેન્દ્ર સરકારે જાહેર કરેલી ડિજિટલ પેમેન્ટ ઇન્ટેન્સિવ સ્કીમમાં સુરતની એક મહિલાનું જીવન બદલી નાખ્યું છે. આ સ્કીમ અંતર્ગત પાંચ દીકરીઓની વિધવા માતાને લોટરી લાગી છે. સુરતમાં ઘરે જ સાડીઓમાં સ્ટોન લગાવવાનું કામ કરતા હંસાબહેન માંગુકીયા વરાછા બેન્કની ખાતેદાર છે. કાર્ડથી પેમેન્ટ કરી ડિજિટલ પેમેન્ટ ઇન્ટેન્સિવ સ્કીમમાં ઈનામ મેળવ્યું છે.