PICS: વડોદરા હાઈપ્રોફાઈલ શરાબ કાંડમાં ઝડપાયેલા ઉદ્યોગપતિ ચિરાયુ અમીન કોણ છે ?

પનામા પેપર્સ લીક થયા પછી અમીનનાં પરીવારજનોના પણ કનેક્શન ખૂલ્યા હતાં. ચિરાયુ સહિત પરીવારના પાંચ સભ્યો બે કંપનીના હિસ્સેદાર હતા અને તેમણે મુંબઈની પી.પી. શાહ એસોસિએટ્સના સરનામુ આપ્યુ હતું. ચિરાયુ અમીન ઉપરાંત તેના પરીવારમાં ઉદિત અમીન, મલ્લીકા અમીન, પ્રણવ અમીન અને શૌનક અમીન બે કંપનીઓના હિસ્સેદાર ગણાવાયા છે.

આ બે કંપનીઓમાં એક વાઈટફિલ્ડ ગ્લોબલ ઈન્વેસ્ટમેન્ટ છે જે મુંબઈની કંપની છે. જેનુ કાયદાક્ષેત્ર વર્જિન આઈલેન્ડ છે. કંપનીનુ સરનામુ મુંબઈના પી.પી. શાહ એસોસિએટ્સના નામે છે. બીજી કંપની પેટ હ્યુસ્ટન ટ્રેડિંગ છે જે હોંગકોંગમાં છે. આ કંપનીના મિડીએટર તરીકે ઓરીઓન હાઉસ હોંગકોંગ છે. અમીન પરીવાર વાઈટફિલ્ડમાં હિસ્સેદાર બતાવાય છે. ગ્લોબલ ઈન્વેસ્ટમેન્ટ લિમિટેડ કંપનીના બેનીફિશીયરી તરીકે નોંધાયેલા છે. આ કંપની 1 ઓક્ટોબર 2015ના રોજ મોસાક ફોન્સેકા દ્વારા બ્રિટિશ વર્જિન આઈસલેન્ડમાં સ્થપાયેલી હતી.