ભાજપ શાસિત પાલિકામાં 'પતિ રાજ'! હારીજમાં લોકોએ ઘેરીને ભ્રષ્ટાચારના લગાવ્યા આક્ષેપ

વરસાદી પાણીનો નિકાલ ન થતા લોકોનો આક્રોશ ફાટી નીકળ્યો; પ્રમુખ, ઉપપ્રમુખ અને કારોબારી ચેરમેનના પતિઓ પર ભ્રષ્ટાચારના ગંભીર આક્ષેપો લાગ્યા.

harij nagarpalika bjp leaders husbands gheraoed waterlogging video

Source : ai

Show Quick Read

Key points generated by AI, verified by newsroom

• હારીજ પાલિકાના મહિલા હોદ્દેદારોના પતિઓનો લોકોએ ઘેરાવ કર્યો.
• વરસાદી પાણી ભરાવા, ભ્રષ્ટાચાર મુદ્દે સ્થાનિકોએ આક્રોશ વ્યક્ત કર્યો.
• પ્રમુખ, ઉપપ્રમુખ, કારોબારી ચેરમેનના પતિઓને લોકોએ ઘેરી લીધા.
• આ વીડિયો વાયરલ થતાં 'પતિરાજ' પ્રથા ફરી ચર્ચામાં.

• 'પતિરાજ' સામે આક્રોશ: હારીજમાં મહિલા હોદ્દેદારોના પતિઓને લોકોએ રસ્તા પર ઘેર્યા.
• પાણી અને ભ્રષ્ટાચાર: લાંબા સમયથી પાણી ભરાવાની સમસ્યા અને ભ્રષ્ટાચારથી લોકો ત્રસ્ત.
• સ્થાનિકોનો રોષ: મોડેથી સ્થળ પર પહોંચેલા પતિઓને લોકોએ બરાબરના આડે હાથ લીધા.
• વીડિયો વાયરલ: પતિઓનો ઉધડો લેતો સ્થાનિકોનો વીડિયો સોશિયલ મીડિયા પર વાયરલ.
• રાજકીય ચર્ચા: મહિલા હોદ્દેદારોના બદલે પતિઓ દ્વારા ચાલતા વહીવટ સામે સવાલો ઉઠ્યા.

Harij Nagarpalika viral video: ગુજરાતમાં ચૂંટાયેલી મહિલાઓના બદલે તેમના પતિઓ દ્વારા જ વહીવટ ચલાવવાની પ્રથા નવી નથી, પરંતુ પાટણ જિલ્લાની ભાજપ શાસિત હારીજ નગરપાલિકામાં આ 'પતિરાજ' ચલાવવું ભારે પડી ગયું છે. હારીજમાં વરસાદી પાણીના નિકાલના અભાવે અને ભ્રષ્ટાચારના મુદ્દે ત્રસ્ત લોકોએ નગરપાલિકાના મહિલા હોદ્દેદારોના પતિઓનો જાહેરમાં ઘેરાવ કર્યો હતો. ઘણા દિવસો પછી પરિસ્થિતિ જોવા ગયેલા આ પતિઓને સ્થાનિકોએ બરાબરના આડે હાથ લીધા હતા, જેનો એક વીડિયો હાલ સોશિયલ મીડિયામાં ભારે વાયરલ થઈ રહ્યો છે.

વધુ વિગતવાર વાત કરીએ તો, હારીજ નગરપાલિકા વિસ્તારમાં વર્ષોથી વરસાદી પાણી ભરાવવાની ગંભીર સમસ્યા જોવા મળી રહી છે. વરસાદ રોકાઈ ગયા બાદ પણ અનેક સોસાયટીઓમાં ભરાયેલા પાણીનો કોઈ જ નિકાલ ન આવતા સ્થાનિક લોકો ભારે હાલાકી ભોગવી રહ્યા હતા. આ સ્થિતિ વચ્ચે, જ્યારે નગરપાલિકાના હોદ્દેદારોના પતિઓ મોડે મોડે પરિસ્થિતિનું નિરીક્ષણ કરવા પહોંચ્યા, ત્યારે લોકોની ધીરજ ખૂટી ગઈ હતી. લોકોએ કંટાળીને આ તમામનો ચોમેરથી ઘેરાવ કરી લીધો હતો.

વાયરલ થયેલા આ વીડિયોમાં સ્પષ્ટ જોઈ શકાય છે કે સ્થાનિક લોકો ભારે ગુસ્સામાં છે. રોષે ભરાયેલા ટોળાએ હારીજ નગરપાલિકાના પ્રમુખ ધરતીબેનના પતિ ધર્મેશભાઈ, ઉપપ્રમુખ કિંજલબેનના પતિ ચક્ષુ મહેતા અને કારોબારી ચેરમેન હેતલબેનના પતિ રમેશ ઠાકોરને રસ્તા વચ્ચે જ ઘેરી લીધા હતા. લોકોએ આ પતિઓને પાણીની સમસ્યા મુદ્દે તીખા સવાલો કર્યા હતા અને પાલિકામાં ભ્રષ્ટાચાર ચાલતો હોવાના સીધા આક્ષેપો પણ લગાવ્યા હતા.

આ પણ વાંચોઃ

નગરપાલિકામાં પડવું આ નગરસેવકોના પતિઓ માટે મુસીબત બની ગયું હતું. લાંબા સમયથી પાણી ભરાયેલા રહેવાને કારણે પડતી મુશ્કેલીઓથી ત્રસ્ત લોકોએ એકસાથે આ પતિઓનો ઉધડો લીધો હતો. મહિલા નગરસેવકોના નામે વહીવટ ચલાવતા આ પતિઓને સ્થાનિકોના ભયંકર આક્રોશનો ભોગ બનવું પડ્યું છે, જેનો આ વાયરલ વીડિયો હાલ સમગ્ર પંથકમાં અને રાજકીય વર્તુળોમાં ભારે ચર્ચાનો વિષય બન્યો છે.