ભીલાડ: ‘ચલ સાઇડ મેં હો જા, નિકલ યહાં સે’: જાણો લૂંટારૂઓએ કેવી રીતે કરી લૂંટ

ઘટના બન્યા બાદ લૂંટારૂની કડી મેળવવા પોલીસે તસ્દી લીધી હતી જોકે, લૂંટારૂઓને પકડવા માટે હાઇવે ઉપર પીછો પણ કરાયો હતો જોકે, લૂંટારૂઓ હવામાં ઓગળી ગયા હતા. પોલીસે ચાર રસ્તા વિસ્તારની દુકાન, બેંક અને હોટલના સીસી ટીવી ફૂટેજ ચેક કરતા બે લૂંટારૂઓ પ્રથમ બાઇક ઉપર થોડે સુધી અને ત્યારબાદ એક રીક્ષામાં બેસીને પલાયન થઇ ગયા હતા.

આરટીઓ કચેરીમાં શુક્રવાર સાંજથી મંગળવાર સવાર સુધીના ટેક્સ તથા ઓવેરલોડ દંડના પૈસા જમા હતા. 1.14 કરોડ ની માતબર રકમ હોવા છતાં આરટીઓ કચેરી દ્વારા બેન્કમાં પૈસા જમા કરાવવા જવા સિક્યુરિટી ગાર્ડ કે અન્ય સુરક્ષા લીધી ન હતી. લૂંટારૂઓ આરટીઓ કચેરી પરથી સુમોનો પીછો કરવા પહેલા લૂંટને અંજામ આપવા અન્યો લૂંટારુંઓને પણ પહેલેથી જ તૈનાત કરેલા હોવાનું આ ફૂલ પ્રુફ ઘટના પરથી જણાઇ છે.