કોલકાત્તામાં 3 કરોડની ફેરારી પુલ પરથી ખાબકતાં નિકળી ગયા ભુક્કા, અબજોપતિ ઉદ્યોગપતિનું મોત

ઘટના સમયે કારમાં શિબાજીના મિત્રની 17 વર્ષની દીકરી આસના સુરાના અને અન્ય એક વ્યક્તિ સવાર હતા, જેની સ્થિતિ ખૂબ જ ગંભીર છે અને તેની સીએમઆરઆઈ હોસ્પિટલમાં સારવાર ચાલી રહી છે. જોકે શિબાજીનો 17 વર્ષનો દીકરો આ ઘટનામાં મરતા મરતી બચી ગયો છે. જ્યારે આ ઘટના બની ત્યારે તે પહેલા તે તેના પિતાની સાથે આગળ બેઠો હતો, પરંતુ બાદમાં તે બીજી કારમાં બેસી ગયો અને આસના ફરારીની સવારી માટે કારમાં બેઠી હતી.

શિબાજી રોય પશ્ચિમ બંગળાની એમએલ રોય એન્ડ સેનિટેશન પ્રાઈવેટ લિમિટેડ કંપનીના ડાયરેક્ટર છે. ઘટના સમયે તે ફરારી કેલિફોર્નિયા ટી ચલાવી રહ્યા હતા જે તેના એક મિત્રની હતી. જાણકારી અનુસાર શિબાજીએ અચાનક ટ્રકને બચાવવા માટે એક ઝડપી વળાંક લીધો, જેના કારણે તે કાર ડિવાઈડર સાથે ટકરાઈ ગઈ.