દુનિયામાં મોદીનો ડંકો, વિશ્વ નેતાઓના લિસ્ટમાં ત્રીજા નંબર પર, જિનપિંગ-ટ્રમ્પ ઘણા પાછળ

નવી દિલ્હીઃ ભારતના વડાપ્રધાન મોદી ફરી એકવાર વિશ્વસ્તરે છવાયા છે, વિશ્વ નેતાઓના લિસ્ટમાં મોદી જબરદસ્ત જમ્પ લગાવીને ત્રીજા નંબર પર પહોંચી ગયા છે. વિશ્વ નેતાઓનું લિસ્ટ જાહેર થઇ ગયું છે, જેમાં મોદીનો ડંકો વાગ્યો છે. ગેલપ ઇન્ટરનેશનલ એસોસિએશન અને સી-વૉટર ઇન્ટરનેશનલના સર્વેમાં વિશ્વના નેતાઓની રેન્કિંગમાં વડાપ્રધાન નરેન્દ્ર મોદીને ત્રીજા નંબરનું સ્થાન મળ્યું છે.

ખાસ વાત તો એ છે કે, બ્રિટનના થેરેસા મે, ચીનના શી જિનપીંગ, રશિયાના વ્લાદિમીર પુતિન અને ડોનાલ્ડ ટ્રમ્પને પીએમ મોદીથી નીચેની રેન્કિંગ મળી છે. 2015માં આ રેન્કિંગમાં પીએમ મોદી પાંચમા નંબર પર હતા અને ઓબામા પહેલા નંબર પર હતા.

આ સર્વેમાં જર્મન ચાન્સેલર એન્જેલા મર્કલ નંબર વન અને ફ્રાન્સના રાષ્ટ્રપતિ ઇમેનુઅલ મેક્રાં બીજા નંબર પર છે, જ્યારે ભારતના વડાપ્રધાન નરેન્દ્ર મોદીને આ લિસ્ટમાં ત્રીજા નંબરની પૉઝિશન મળી છે.

ગેલપ ઇન્ટરનેશનલ એસોસિએશનએ 74 દેશોમાં લોકોને પુછવામાં આવેલા પ્રશ્નોના આધાર પર પીએમ મીદીને વિશ્વ નેતાઓના સર્વક્ષણમાં ત્રીજા નંબર રાખ્યા છે. ખાસ વાત એ છે કે પીએમ મોદીને મળેલી આ રેન્કિંગ ભારતના અત્યાર સુધીના વડાપ્રધાનમાં સૌથી બેસ્ટ છે.

સર્વે અનુસાર, અફગાનિસ્તાન અને બાંગ્લાદેશના લોકોના વચ્ચે પીએમ મોદી સૌથી વધુ લોકપ્રિય છે, જ્યારે પાકિસ્તાનના લોકો પીએમ મોદીને નાપસંદ કરે છે.