ગુજરાતમાં 4 સિસ્ટમ સક્રિય: આગામી 2 દિવસ અત્યંત ભારે વરસાદની આગાહી, જાણો તમારા જિલ્લાનું એલર્ટ

રાજ્યમાં સતત 7 દિવસ રહેશે વરસાદી માહોલ: આવતીકાલે 3 જિલ્લામાં રેડ તો 13 વિસ્તારોમાં ઓરેન્જ એલર્ટ જાહેર.

Gujarat Heavy Rain Red Alert 23 July Weather Forecast Live Updates

Source : ai

Show Quick Read

Key points generated by AI, verified by newsroom

• ગુજરાતમાં ચાર વરસાદી સિસ્ટમ સક્રિય, સાત દિવસ સાર્વત્રિક વરસાદ.
• આગામી બે દિવસ અત્યંત ભારે વરસાદ, બંદરો પર ભયસૂચક સિગ્નલ.
• દક્ષિણ અને મધ્ય ગુજરાતમાં રેડ એલર્ટ, અન્ય જિલ્લાઓમાં ઓરેન્જ.

Gujarat heavy rain forecast: ગુજરાતમાં મેઘરાજા હવે પૂરા જોશમાં બેટિંગ કરવાના મૂડમાં છે. હવામાન વિભાગના જણાવ્યા અનુસાર, રાજ્ય પર એકસાથે 4 જેટલી વરસાદી સિસ્ટમ સક્રિય થઈ છે, જેના કારણે આગામી 7 દિવસ સુધી સમગ્ર ગુજરાતમાં સાર્વત્રિક વરસાદી માહોલ જળવાઈ રહેશે. ખાસ કરીને આગામી 2 દિવસ રાજ્યના મોટાભાગના વિસ્તારોમાં અત્યંત ભારે વરસાદ તૂટી પડવાની સંભાવના છે. આ પરિસ્થિતિને ધ્યાનમાં રાખીને કેટલાક જિલ્લાઓમાં રેડ, ઓરેન્જ અને યલો એલર્ટ જાહેર કરાયા છે. દરિયાકાંઠે તોફાની પવન ફૂંકાવાની શક્યતાને પગલે રાજ્યના તમામ બંદરો પર 3 નંબરનું ભયસૂચક સિગ્નલ લગાવી દેવામાં આવ્યું છે અને માછીમારોને દરિયો ન ખેડવા માટે કડક સૂચના આપી દેવામાં આવી છે.

આજે ક્યાં કેવો રહેશે માહોલ?

હવામાન વિભાગની માહિતી મુજબ, હાલમાં સાયક્લોનિક સર્ક્યુલેશન, મોનસૂન ટ્રફ, વેસ્ટર્ન ડિસ્ટર્બન્સ અને અન્ય એક ટ્રફ એમ કુલ 4 સિસ્ટમ સક્રિય હોવાથી વરસાદનું જોર વધ્યું છે. આજે ખાસ કરીને દક્ષિણ ગુજરાત પર સિસ્ટમ વધુ સક્રિય છે. સુરત, નવસારી, વલસાડ અને ડાંગની સાથે સંઘ પ્રદેશ દમણ અને દાદરાનગર હવેલીમાં આજે વરસાદનું રેડ એલર્ટ આપવામાં આવ્યું છે. આ સિવાય અન્ય 8 જિલ્લાઓમાં ઓરેન્જ અને 10 જિલ્લાઓમાં વરસાદનું યલો એલર્ટ જાહેર કરાયું છે. આગામી 5 દિવસ સુધી વીજળીના કડાકા-ભડાકા (થન્ડર સ્ટોર્મ) સાથે વરસાદની આગાહી કરવામાં આવી છે.

આવતીકાલની (23 જુલાઈ) આગાહી અને એલર્ટની વિગતો:

આવતીકાલે મધ્ય ગુજરાત અને કેટલાક અન્ય વિસ્તારોમાં અત્યંત ભારે વરસાદની શક્યતા છે. હવામાન વિભાગે પરિસ્થિતિની ગંભીરતાને જોતા આવતીકાલ માટે નીચે મુજબના એલર્ટ આપ્યા છે:

રેડ એલર્ટ (અત્યંત ભારે વરસાદની ચેતવણી):

મધ્ય ગુજરાતના આ 3 જિલ્લાઓમાં મેઘરાજા રૌદ્ર સ્વરૂપ બતાવી શકે છે:

મહીસાગર

પંચમહાલ

દાહોદ

આ પણ વાંચોઃ Rain Update: ગુજરાતમાં મેઘતાંડવથી 16 તાલુકામાં 40 ઈંચથી વધુ વરસાદ, તંત્ર એલર્ટ મોડ પર

ઓરેન્જ એલર્ટ (ભારેથી અતિભારે વરસાદની આગાહી):

આવતીકાલે નીચે મુજબના વિસ્તારોમાં ભારેથી અતિભારે વરસાદ પડી શકે છે:

સાબરકાંઠા, અરવલ્લી, ગાંધીનગર, ખેડા, વડોદરા અને છોટા ઉદેપુર

દક્ષિણ ગુજરાતના નર્મદા, તાપી, ડાંગ, નવસારી અને વલસાડ

સંઘ પ્રદેશ દમણ અને દાદરાનગર હવેલી

યલો એલર્ટ (ભારે વરસાદની શક્યતા):

છૂટાછવાયા સ્થળોએ ભારે વરસાદની આગાહીને પગલે આ 10 જિલ્લાઓમાં યલો એલર્ટ અપાયું છે:

સૌરાષ્ટ્રના અમરેલી, ભાવનગર, બોટાદ અને સુરેન્દ્રનગર

અમદાવાદ, આણંદ, ભરૂચ, સુરત, મહેસાણા અને બનાસકાંઠા

આ પણ વાંચોઃ ગુજરાતમાં વરસાદનું રૌદ્ર સ્વરૂપ: 118 તાલુકામાં મેઘમહેર, આ 2 જિલ્લામાં રેડ એલર્ટ!