RBIએ 2000 રૂપિયાની નોટના છાપકામમાં કર્યો ઘટાડો, જાણો શું છે કારણ

રિઝર્વ બેન્કના આંકડા અનુસાર માર્ચ 2017ના અંત સુધી 328.5 કરોડ યૂનિટ 2000 રૂપિયાની નોટ ચલણમાં હતી. 31 માર્ચ 2018 સુધી આ નોટોની સંખ્યા સામાન્ય વધીને 336.3 કરોડ યૂનિટ પર પહોંચી ગઈ. માર્ચ 2018ના અંત સુધી કુલ 18,037 અરબ રૂપિયાની કરેન્સી ચલણમાં હતી. જેમાં બે હજારની નોટોની સંખ્યા ઘટીને 37.3 ટકા રહી ગઈ. માર્ચ 2017ના અંત સુધી નોટોનો હિસ્સો 50.2 ટકા હતો.

નવી દિલ્હી: બે વર્ષ પહેલા નોટબંધી બાદ જારી કરવામાં આવેલી 2000 હજારની ચલણી નોટ છાપવાનું સરકારે ઓછું કરી દીધું છે. નોટ છાપવાનું કામ ઘટીને અત્યાર સુધી સૌથી નીચલા સ્તર પર આવી ગયું છે. નાણાં મંત્રાલયના એક અધિકારી અનુસાર 2016માં થયેલી નોટબંધી બાદ જે બે હજાર રૂપિયાની નોટ છપાઈ રહી હતી તેની સંખ્યામાં આ વર્ષે ખુબ જ મોટો ઘટાડો થયો છે.