Women Health : 30 વર્ષની ઉંમર બાદ ડાયટમાં જરૂર સામેલ કરો આ ફૂડ, બીમારી આસપાસ પણ નહીં ભટકે

મહિલાઓએ ખાસ કરીને 30 વર્ષ બાદ ડાયટ પર વિશેષ ધ્યાન આપવાની જરૂર છે. કેટલીક એવી પોષ્ટિક વસ્તુઓ છે. જેના સેવનથી આપ ફાઇન એન્ડ ફિટ રહી શકો છો અને વધતી ઉંમરની અસરનો પ્રભાવ ઘટાડી શકો છો.

વૂમન હેલ્થ ટિપ્સ

Women Health : મહિલાઓએ ખાસ કરીને 30 વર્ષ બાદ ડાયટ પર વિશેષ ધ્યાન આપવાની જરૂર છે. કેટલીક એવી પોષ્ટિક વસ્તુઓ છે. જેના સેવનથી આપ ફાઇન એન્ડ ફિટ રહી શકો છો અને વધતી ઉંમરની અસરનો પ્રભાવ ઘટાડી શકો છો.

30 વર્ષની ઉંમર પછી મહિલાઓના શરીરમાં સ્વાસ્થ્યમાં  ઘણા મોટા ફેરફારો થાય છે. 40 વર્ષની ઉંમરે પહોંચતા જ શરીરના સ્નાયુઓ પર તેની અસર થાય છે.  હોર્મોન્સ પણ અસંતુલિત રહે છે અને સ્વભાવ પણ  ચીડિયા બની જાય છે. આ સિવાય કેટલીક મહિલાઓનું વજન પણ વધવા લાગે છે. 40 વર્ષની ઉંમર સુધીમાં મોટાભાગની મહિલાઓ અનેક બીમારીઓથી ઘેરાવવા લાગે છે. તેમાં હાઈ બ્લડ પ્રેશર, થાઈરોઈડ, ડાયાબિટીસ, સ્થૂળતા, મૂડ સ્વિંગ વગેરેનો સમાવેશ થાય છે. તેથી, હંમેશા સ્વસ્થ રહેવા માટે, સ્ત્રીઓને ઘણી પૌષ્ટિક વસ્તુઓ ખાવાની જરૂર છે, જેમાં તમામ પોષક તત્વો હોય.  સારો ખોરાક, સારી ઊંઘ અને તણાવમુક્ત જીવનની સાથે મહિલાઓ દરરોજ થોડી કસરત કરીને સ્વસ્થ રહી શકે છે. આવો અમે આપને જણાવીએ 10 સૌથી મહત્વપૂર્ણ ખોરાક, જે 30-40 વર્ષની મહિલાઓએ ખાવા જ જોઈએ.

ફ્લેક્સસીડ્સ

ફ્લેક્સસીડ્સમાં ઓમેગા-3 ફેટી એસિડ અને ફાઈબર હોય છે. તેના સેવનથી હૃદયના રોગો અને મગજના રોગો સામે રક્ષણ મળે છે. આ સિવાય અળસીના બીજ ખાવાથી પણ હાડકાં મજબૂત થાય છે.

લસણ

લસણનું સેવન દરેક ઉંમર માટે ફાયદાકારક છે કારણ કે તેમાં એન્ટીબેક્ટેરિયલ અને એન્ટી વાઈરલ ગુણ હોય છે. પરંતુ 40 વર્ષની ઉંમર પછી મહિલાઓમાં ઓસ્ટિયોપોરોસિસની સમસ્યા સામાન્ય છે, જેના કારણે લસણ તમને બચાવી શકે છે. આ સિવાય લસણમાં હાજર એલિસિન નામનું તત્વ પણ સ્તન કેન્સરને રોકવામાં મદદરૂપ છે.

ગ્રીન વેજિટેબલ્સ

લીલા શાકભાજીમાં  આયર્ન, ઝિંક, વિટામીન K, લ્યુટીન, ફોલેટ, કેલ્શિયમ અને બીટા કેરોટીન જેવા જરૂરી પોષક તત્વો હોય રે છે, જે તમારા શરીરમાં લોહીને વધારે છે, યાદશક્તિ વધારે છે, દૃષ્ટિને તેજ બનાવે છે અને હાડકાંને મજબૂત બનાવે છે.

અખરોટ

 અખરોટમાં વિટામીન, મિનરલ્સ, એન્ટીઓક્સીડેન્ટ્સ, હેલ્ધી ફેટ્સ, પ્રોટીન અને ફાઈબર ભરપૂર હોય છે. અખરોટ ખાવાથી પેટ ભરેલું  રહે છે, વજન ઓછું થાય છે અને ઘણી ગંભીર બીમારીઓનું જોખમ ઓછું થાય છે. અખરોટ અને બદામ તમને હૃદયની બીમારીઓથી બચાવે છે. મગફળી તમને વજન ઘટાડવામાં મદદ કરે છે.

ડાર્ક ચોકલેટ

40 વર્ષની ઉંમર પછી હંમેશા ડાર્ક ચોકલેટ ખાવી જોઈએ. ડાર્ક ચોકલેટમાં ફ્લેવોનોઈડ્સ હોય છે, જે તમને હૃદય રોગ, ડાયાબિટીસ અને હાઈ બ્લડ પ્રેશરથી બચાવે છે.

બ્રોકોલી

 બ્રોકોલી દરેક ઉંમરના લોકો માટે ફાયદાકારક છે. પરંતુ 40 વર્ષની ઉંમર પછી તેનું સેવન કરવું જ જોઈએ કારણ કે બ્રોકોલીમાં રહેલા એન્ટીઓક્સીડેન્ટ અને પોષક તત્વો તમને કેન્સરથી બચાવે છે. આ સિવાય બ્રોકોલી વિટામિન B6, વિટામિન A અને ફાઈબરનો ઉત્તમ સ્ત્રોત છે. બ્રોકોલીના સેવનથી વજન ઓછું થાય છે અને અલ્ઝાઈમર જેવી બીમારીઓનું જોખમ પણ ઓછું થાય છે.

સાઇટ્રસ ફ્રુટ્સ

 તમામ પ્રકારના ખાટાં ફળોનું સેવન તમારા માટે ફાયદાકારક છે કારણ કે તેમાં વિટામિન સી હોય છે. વિટામિન સી શરીરની રોગપ્રતિકારક શક્તિને વધારે છે અને એક ઉત્તમ એન્ટીઑકિસડન્ટ તરીકે કામ કરે છે, જે હૃદય રોગ અને કેન્સરનું જોખમ ઘટાડે છે. તેમજ સ્કિનને પણ હેલ્ધી રાખે છે.