દારૂ પીવાથી થાય છે આ સાત કેન્સર, હોશ ઉડાવી દેશે એઈમ્સના ડોક્ટરોનો આ અભ્યાસ

Alcohol and Cancer Risk: AIIMSના ડોક્ટરોના અભ્યાસમાં એક ચોંકાવનારી હકીકત સામે આવી છે

પ્રતિકાત્મક તસવીર

Alcohol and Cancer Risk: તમે પાર્ટીમાં જાવ છો અને મિત્રો વચ્ચે મજાક મસ્તી ચાલતી હોય છે અને તમારા હાથમાં દારૂની બોટલ હોય. બધું સામાન્ય લાગે છે. પરંતુ શું તમે ક્યારેય વિચાર્યું છે કે, આ દારૂનો ગ્લાસ ધીમે ધીમે તમારી જિંદગીને ક્યાં લઈ જઈ શકે છે? AIIMSના ડોક્ટરોના અભ્યાસમાં એક ચોંકાવનારી હકીકત સામે આવી છે. દારૂ પીવાથી ફક્ત તમારા લીવરને નુકસાન પહોંચાડતું નથી પરંતુ તે 7 પ્રકારના ઘાતક કેન્સરનું કારણ પણ બની શકે છે.

દિલ્હીની ઓલ ઈન્ડિયા ઇન્સ્ટિટ્યૂટ ઓફ મેડિકલ સાયન્સ (AIIMS) દ્વારા કરવામાં આવેલા એક અભ્યાસમાં ચોંકાવનારી હકીકત સામે આવી છે કે દારૂ પીવાથી સાત પ્રકારના કેન્સરનું મુખ્ય કારણ બની શકે છે. જેના પર કેન્સર નિષ્ણાત ડૉ. અભિષેક શંકરે ચેતવણી આપી છે કે લોકો દારૂની બોટલ પર લખેલી ચેતવણીને અવગણી રહ્યા છે અને તેમને ગંભીર રોગોના રૂપમાં તેના પરિણામો ભોગવવા પડી શકે છે.

વાસ્તવમાં  આજે સમાજમાં દારૂ પીવો એક સામાન્ય આદત બની રહી છે. ક્યારેક પાર્ટીમાં, ક્યારેક તણાવના નામે અને ક્યારેક મિત્રો સાથે મજા કરવાના બહાને, દારૂની બોટલો ખોલવામાં આવે છે, પરંતુ તેના પરિણામો કેટલા ગંભીર હોઈ શકે છે.

7 પ્રકારના કેન્સર કયા છે

કોલન કેન્સર (રેક્ટલ કેન્સર)

લિવર કેન્સર

સ્તન કેન્સર

અન્નનળીનું કેન્સર

લેરિન્ક્સ કેન્સર

ગળાનું કેન્સર

મોઢાનું કેન્સર

કોને સમસ્યા થઈ શકે છે?                  

જે લોકો નિયમિતપણે દારૂનું સેવન કરે છે

જે લોકો દારૂ સાથે ધૂમ્રપાન કરે છે તેમના માટે ખતરનાક

સ્ત્રીઓમાં સ્તન કેન્સરનું જોખમ ઘણું વધારે હોય છે

જેમની જીવનશૈલીમાં કસરત, પૌષ્ટિક આહાર અને ઊંઘનો અભાવ હોય છે

બચવા માટેનો સૌથી મોટો ઉપાય

જો તમે કેન્સરથી બચવા માંગતા હોવ તો દારૂથી દૂર રહેવું એ એકમાત્ર સલામત રસ્તો છે. માત્ર દારૂ છોડવો પૂરતો નથી, તેની સાથે યોગ્ય આહાર, નિયમિત કસરત અને સમયાંતરે આરોગ્ય તપાસ પણ જરૂરી છે.

દારૂ પીવો એ માત્ર એક આદત નથી, પરંતુ એક ધીમું ઝેર છે જે શરીરને અંદરથી ખોખલું કરી રહ્યું છે. AIIMS જેવી પ્રતિષ્ઠિત સંસ્થાનો આ અભ્યાસ આપણને ચેતવણી આપી રહ્યો છે કે હજુ પણ સાવચેત રહેવાનો સમય છે. જો આપણે આજે આપણી આદતો નહીં બદલીએ, તો કાલે આપણને પસ્તાવો કરવો પડી શકે છે.

Disclaimer: સમાચારમાં આપવામાં આવેલી કેટલીક માહિતી મીડિયા રિપોર્ટ્સ પર આધારિત છે. કોઈપણ સૂચન લાગુ કરતા પહેલા તમારે સંબંધિત નિષ્ણાતની સલાહ લેવી જ જોઇએ.