લેમન બ્લેક કોફી ફટાફટ ઉતારે છે વજન, ફેટ કટર તરીકે ઓળખાતા વાયરલ દાવોમાં કેટલું સત્ય?

Lemon Coffee Side Effects:સોશિયલ મીડિયાના યુગમાં, મોટાભાગના દાવાઓ પાયાવિહોણા હોય છે. ચાલો આવા જ એક દાવા વિશે જાણીએ તે તેમાં કેટલી સત્યતા છે.

લેમન કોફીના સાઇટ ઇફેક્ટસ

Source : abp live

What Happens If You Drink Coffee With Lemon: આજે સોશિયલ મીડિયાનો યુગ છે. સ્ક્રોલ કરતાં જ તમને એવા વીડિયો જોવા મળશે જેમાં દાવો કરવામાં આવ્યો છે કે અડધો લીંબુનું રસ  એક કપ બ્લેક કોફીમાં ઉમેરીને  પીવાથી વજન ઝડપથી ઓછું થાય છે. તેને "પેટની ચરબી ઓગળવા" અને "તાત્કાલિક ચયાપચય વધારવા" માટે એક સરળ અને સસ્તી રીત તરીકે રજૂ કરવામાં આવે છે. વજન ઘટાડવાનો પ્રયાસ કરતા લોકો માટે, આ દાવો ખૂબ જ આકર્ષક લાગે છે, કે આ એક પીણું જ આપની વેઇટ લોસ જર્નિને સક્સેસ કરી દેશે.

કોફી ખરેખર શું કરે છે?

કોફીમાં કેફીન હોય છે, જે એક કુદરતી ઉત્તેજક છે. કેફીન થોડા સમય માટે ચયાપચયને ઝડપી બનાવી શકે છે અને સતર્કતા વધારી શકે છે. કેટલાક લોકોમાં, તે ભૂખને પણ દબાવી શકે છે, જેના કારણે તેઓ ઓછું ખાય છે. જો કે, આ અસર કાયમી નથી. શરીર ધીમે ધીમે કેફીનથી ટેવાઈ જાય છે, જેના કારણે તેની અસરકારકતા ઓછી થાય છે. આહાર અને કસરતમાં ફેરફાર કર્યા વિના કોફી પીવાથી નોંધપાત્ર વજન ઘટાડા થવાની શક્યતા ઓછી છે.

શું  કોફી - લીંબુ વજન ઘટાડવામાં મદદ કરે છે?

લીંબુ વિટામિન સી અને એન્ટીઑકિસડન્ટોથી ભરપૂર છે. તેને પાણીમાં ભેળવીને પીવાથી હાઇડ્રેશનમાં સુધારો થાય છે અને પાચનમાં મદદ મળે છે. તેનો સ્વાદ પણ તાજગીભર્યો હોય છે. આરોગ્ય માહિતી સંસ્થા ક્લેવલેન્ડ ક્લિનિક અનુસાર, જવાબ ના છે. કોફીમાં લીંબુ ઉમેરવાથી ચરબી બર્ન થાય છે તે સાબિત કરવા માટે કોઈ નક્કર વૈજ્ઞાનિક પુરાવા નથી. પાણીમાં ઉમેરવામાં આવે કે અન્ય કોઈ પીણામાં, લીંબુના ગુણધર્મો સમાન રહે છે. લીંબુ પાણીની જેમ, તે પણ પેટ ભરેલું લાગે છે, ભૂખ ઓછી લાગે છે, જે કેલરીનું સેવન ઘટાડી શકે છે. કોફી ભૂખને દબાવવામાં પણ મદદ કરી શકે છે, પરંતુ ફક્ત કોફી કે લીંબુના પ્રયોગથી હેલ્ધી રીતે વજન ઉતારી શકાય તે માનવું યોગ્ય નથી. 

લેમન કોફી ખરેખર શું છે?

તે ફક્ત બ્લેક કોફીમાં અડધા લીંબુનો રસ ઉમેરીને બનાવવામાં આવે છે. તેનો સ્વાદ દરેકને ગમતો નથી, તેથી જ આ પીણું સામાન્ય રીતે કાફે મેનુમાં જોવા મળતું નથી. કેટલીક સંસ્કૃતિઓમાં, ઠંડી, મીઠી કોફી અને લીંબુનું મિશ્રણ મઝાગ્રન તરીકે ઓળખાય છે, જે અલ્જેરિયામાં ઉદ્ભવ્યું હતું અને પોર્ટુગલમાં લોકપ્રિય છે. જો કે, તેને વજન ઘટાડવાના જાદુઈ ઉપાય તરીકે જોવામાં આવતું નથી.

શું તે સલામત છે?

મોટાભાગના સ્વસ્થ પુખ્ત વયના લોકો માટે મર્યાદિત માત્રામાં લેમન કોફી સલામત માનવામાં આવે છે. જો કે, ધ્યાનમાં રાખો કે કોફી અને લીંબુ બંને એસિડિક હોય છે. જ્યારે ભેગા થાય છે, ત્યારે આ મિશ્રણ વધુ એસિડિક બને છે. એસિડિટી, ગેસ્ટ્રાઇટિસ, એસિડ રિફ્લક્સ અથવા દાંતની સમસ્યાઓ ધરાવતા લોકો માટે આ પ્રયોગ કરવો હિતાવહ નથી.