ગરમીમાં બરફવાળું પાણી પીવાની ટેવ છે તો થઈ જાવ સાવધાન! શરીરને થાય છે મોટું નુકશાન

ઉનાળાની શરૂઆત થતા જ લોકો ઠંડુ પાણી પીવા લાગે છે. આકરા તાપ અને વધતા તાપમાનને કારણે, લોકો તેમની તરસ છીપાવવા માટે વધુ ઠંડા પાણીનો ઉપયોગ કરે છે. ઠંડુ પાણી પીવાથી તરસ ઓછી થાય છે.

પ્રતિકાત્મક તસવીર

ઉનાળાની શરૂઆત થતા જ લોકો ઠંડુ પાણી પીવા લાગે છે. આકરા તાપ અને વધતા તાપમાનને કારણે, લોકો તેમની તરસ છીપાવવા માટે વધુ ઠંડા પાણીનો ઉપયોગ કરે છે. ઠંડુ પાણી પીવાથી તરસ છીપાય છે, પરંતુ શું તમે જાણો છો કે વધુ પડતું ઠંડુ પાણી તમને નુકસાન પહોંચાડી શકે છે. તમારા શરીરમાં પાણીની માત્રા ઘટાડી શકે છે. ઉનાળામાં લોકોએ વધુમાં વધુ પાણી પીવું જોઈએ. પરંતુ કેટલું પાણી પીવું જોઈએ અને કયા તાપમાને પાણી પીવું યોગ્ય છે?

આ સવાલ પર મૌલાના આઝાદ હોસ્પિટલના ડૉક્ટર ગિરીશ ત્યાગીએ કહ્યું કે, વધુ પાણી પીવાથી શરીરનું તાપમાન બરાબર રહે છે. શરીરમાંથી ખતરનાક ઝેર બહાર આવી જાય છે. ઉનાળાની ઋતુમાં પાણી લોકોને હાઇડ્રેટેડ રાખે છે. જો તમે તડકામાં બહાર જાઓ છો તો તે ડિહાઇડ્રેશનથી  પણ તમને બચાવે છે. પરંતુ પાણીના તાપમાનની હંમેશા ચર્ચા કરવામાં આવે છે.

વધુ પડતા ઠંડા પાણીથી નુકસાન થાય છે

ડૉક્ટર ગિરીશના જણાવ્યા અનુસાર ઉનાળાની ઋતુમાં વધુ પડતું ઠંડુ પાણી શરીરને નુકસાન પહોંચાડે છે. પહેલી વાત એ છે કે આપણા શરીરનું તાપમાન 37 ડિગ્રી સેલ્સિયસ રહે છે. આવી સ્થિતિમાં, જો આપણે વધુ પડતું ઠંડુ પાણી પીએ છીએ, તો આપણા શરીરને પાણીને સામાન્ય તાપમાન સુધી લાવવા માટે ઘણી શક્તિ ખર્ચવી પડે છે અને શરીરની અંદર અસંતુલન પેદા થાય છે.

વધુ પડતું ઠંડુ પાણી પીવાથી પાચનક્રિયામાં પણ સમસ્યા થઈ શકે છે કારણ કે જો આપણે ખોરાક ખાતી વખતે વધુ પડતું ઠંડુ પાણી પીશું તો આપણું શરીર તે ઉર્જાનો ઉપયોગ ખોરાકને પચાવવાને બદલે પાણીના તાપમાનને સામાન્ય બનાવવા માટે કરે છે. એટલા માટે લોકોએ ખોરાક લેતી વખતે ખાસ કરીને ઠંડુ પાણી ન પીવું જોઈએ.

ઠંડુ પાણી પીવાથી તરસ ઓછી થાય છે

તમને જાણીને નવાઈ લાગશે કે વધુ ઠંડુ પાણી પીવાથી તમારી તરસ ઓછી થઈ જાય છે. ડૉક્ટર ગિરીશ ત્યાગીના મતે, વધુ ઠંડુ પાણી તમારી તરસ ઓછી કરે છે. થોડું પાણી પીતા જ તમને એવું લાગશે કે તમે વધારે પાણી પીધું હોય. તમારી તરસને કાબૂમાં રાખે છે. તેથી ઉનાળામાં હંમેશા તરસ છીપાવવા માટલાના પાણીનો ઉપયોગ કરવો જોઈએ.