![ABP Premium](https://cdn.abplive.com/imagebank/Premium-ad-Icon.png)
Health Tips: અનેક રોગો માટે વરદાન છે જામફળના પાંદડાની ચા,એક વખત ટ્રાય કરશો તો બીજી બધી ચા ભૂલી જશો
Guava Leaf Benefits: જામફળના પાંદડા માત્ર એક જ નહીં પરંતુ અનેક ગુણોથી ભરેલા છે. આ પાંદડામાં ઘણા ફાયદાકારક ગુણો પણ જોવા મળે છે. અહીં જાણો જામફળની ચા પીવાથી શરીરને શું ફાયદા થાય છે.
![Health Tips: અનેક રોગો માટે વરદાન છે જામફળના પાંદડાની ચા,એક વખત ટ્રાય કરશો તો બીજી બધી ચા ભૂલી જશો Health Tips benefits-of-drinking-guava-leaf-tea Health Tips: અનેક રોગો માટે વરદાન છે જામફળના પાંદડાની ચા,એક વખત ટ્રાય કરશો તો બીજી બધી ચા ભૂલી જશો](https://feeds.abplive.com/onecms/images/uploaded-images/2024/08/10/7e22a56e5a781ab16d959e9af22999021723249652065785_original.jpg?impolicy=abp_cdn&imwidth=1200&height=675)
Health Tips: આપણે બધા જામફળનું ખૂબ સેવન કરીએ છીએ. તેમાં ભરપૂર માત્રામાં ફાઈબર હોય છે અને તે શરીરને માત્ર એક નહીં પણ અનેક ફાયદાઓ આપે છે. પરંતુ, બહુ ઓછા લોકો જાણે છે કે જામફળના પાન (Guava Leaves) પણ સ્વાસ્થ્ય માટે ખૂબ જ ફાયદાકારક છે. જામફળના પાનમાં વિટામિન સી જેવા એન્ટી-ઓક્સીડેન્ટ ભરપૂર હોય છે અને તેમાં ફ્લેવોનોઈડ્સ પણ હોય છે. અહીં જાણો આ પાંદડામાંથી ચા કેવી રીતે બને છે અને જામફળના પાંદડામાંથી ચા પીવાથી શરીરને શું ફાયદો થાય છે.
જામફળના પાંદડાની ચા
જામફળના પાંદડાની ચા બનાવવા માટે એક વાસણમાં પાણી ઉકાળો અને તેમાં કેટલાક પાંદડા ઉમેરીને ઉકાળો. થોડીવાર ઉકાળ્યા બાદ આ ચાને ગાળીને કપમાં કાઢી લો અને આરામથી ચૂસકી લગાવો.
ખરાબ કોલેસ્ટ્રોલ ઓછું થાય છે
ખરાબ કોલેસ્ટ્રોલ સ્વાસ્થ્ય સંબંધિત ઘણી સમસ્યાઓનું કારણ બની જાય છે. જો કોલેસ્ટ્રોલ જરૂર કરતાં વધુ વધે તો હૃદયરોગનું જોખમ પણ વધી જાય છે. આવી સ્થિતિમાં, ઉચ્ચ કોલેસ્ટ્રોલના સ્તરને ઘટાડવા માટે જામફળના પાંદડાની ચા બનાવીને પી શકાય છે.
ડાયેરિયાની સમસ્યા દૂર થાય છે
ઝાડા થવા પર જામફળની ચા પી શકાય છે. જામફળના પાંદડાની ચા ઝાડાથી થતા પેટના દુખાવામાં ઘટાડો કરે છે. ખાલી પેટે તેનું સેવન કરવાથી વધુ ફાયદો થાય છે.
વજન ઘટાડવા માટે
લોકો મોટાભાગે વધેલા વજનથી પરેશાન રહે છે. આવી સ્થિતિમાં, તમે જામફળના પાંદડામાંથી ચા બનાવીને પી શકો છો જેથી વજન ઓછું થાય. જામફળના પાનની ચા પીવાથી બહાર નીકળેલા પેટને અંદર લાવી શકાય છે. તેનાથી મેટાબોલિઝમ પણ વધે છે.
ઉધરસ અને શરદી માટે
જામફળની ચાનું સેવન શરદી-ઉધરસમાં પણ ફાયદાકારક સાબિત થાય છે. આ પાંદડામાં જોવા મળતા વિટામિન સી અને આયર્નના ગુણો મોસમી ચેપ સામે લડે છે. જામફળના પાંદડાની ચા ગળા, ફેફસાં અને શ્વસન માર્ગને જંતુમુક્ત કરવામાં અસરકારક છે.
ત્વચા અને વાળ માટે
જામફળના પાંદડા ખાસ કરીને ત્વચાની રચના સુધારવામાં અસરકારક છે. જામફળના પાંદડા ચહેરાના સ્નાયુઓને કડક કરવામાં પણ અસર દર્શાવે છે. આ સિવાય વાળને પણ આ પાંદડાની ચાથી ફાયદો થાય છે. જામફળના પાંદડાની ચામાં ભરપૂર માત્રામાં એન્ટી-ઓક્સીડેન્ટ હોય છે અને તે વાળને ઘટ્ટ બનાવવામાં મદદ કરે છે.
Disclaimer: સમાચારમાં આપવામાં આવેલી કેટલીક માહિતી મીડિયા રિપોર્ટ્સ પર આધારિત છે. કોઈપણ સૂચનને અમલમાં મૂકતા પહેલા, તમારે સંબંધિત નિષ્ણાતની સલાહ લેવી જોઈએ.
Check out below Health Tools-
Calculate Your Body Mass Index ( BMI )
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)
![gujarati.abplive.com](https://cdn.abplive.com/imagebank/editor.png)