Health : ચા શોખિન છો અને તેના નુકસાનથી બચવા ઇચ્છો છો તો આ રીતે કરો tea તૈયાર

આજકાલ મસાલા ચાને 'અનહેલ્ધી હોટ ડ્રિંક'ની શ્રેણીમાં રાખવામાં આવી રહી છે અને તે સ્વાસ્થ્ય માટે ખરાબ હોવાનું કહેવાય છે. હવે સવાલ એ થાય છે કે શું સ્વસ્થ રહેવા માટે દૂધની ચા છોડવી જરૂરી

પ્રતીકાત્મક તસવીર

Health:આજકાલ મસાલા ચાને 'અનહેલ્ધી હોટ ડ્રિંક'ની શ્રેણીમાં રાખવામાં આવી રહી છે અને તે સ્વાસ્થ્ય માટે ખરાબ હોવાનું કહેવાય છે. હવે સવાલ એ થાય છે કે શું સ્વસ્થ રહેવા માટે દૂધની ચા છોડવી જરૂરી છે?

દુનિયામાં ટી લવર્સની કમી નથી. મોટાભાગના દેશોમાં દિવસની શરૂઆત ચાથી જ થાય છે.  ભારતમાં પણ કંઈક આવું જ થઈ રહ્યું છે. અહીં મસાલા ચા પીનારાઓની સંખ્યા ઘણી છે. લોકો તેમની ચાના સ્વાદને વધારવા માટે દૂધ, આદુ, એલચી,  મરી મસાલા નાખે  છે. જો કે, ચા પીવાની પ્રથા સદીઓ પહેલા શરૂ થઈ હતી. જો કે, આજકાલ મસાલા ચાને 'અનહેલ્ધી હોટ ડ્રિંક'ની શ્રેણીમાં રાખવામાં આવી રહ્યું છે અને તે સ્વાસ્થ્ય માટે ખરાબ હોવાનું કહેવાય છે. હવે સવાલ એ થાય છે કે શું સ્વસ્થ રહેવા માટે દૂધની ચા છોડવી જરૂરી છે?

ડાયેટિશિયન રિદ્ધિમા બત્રાએ તેના ઇન્સ્ટાગ્રામ એકાઉન્ટ પર એક પોસ્ટ શેર કરી છે, જેમાં તેણે મસાલા ચા સાથે સંબંધિત કેટલાક પ્રશ્નોના જવાબ આપ્યા છે, જે ઘણીવાર લોકો દ્વારા ઉઠાવવામાં આવે છે.

મસાલા ચા સ્વાસ્થ્ય માટે સારી કે ખરાબ?

જો તમે ચાના શોખીન છો અને તેને છોડી શકતા નથી, તો મસાલા ચા તમારા માટે શ્રેષ્ઠ છે. મસાલા ચામાં તજ, કાળા મરી, એલચી, આદુ સહિતના ઘણા સ્વાસ્થ્ય લાભદાયી ઘટકો ઉમેરવામાં આવે છે, જે રોગપ્રતિકારક શક્તિને વધારે છે. સ્વસ્થ પાચનમાં મદદ કરે છે. ઉર્જા વધારવા અને સોજાને  ઘટાડવામાં પણ મદદરૂપ છે. એટલું જ નહીં, તેમાં એન્ટીઓક્સીડેન્ટ પણ ભરપૂર માત્રામાં હોય છે.

કઈ વનસ્પતિ અને મસાલા રોગપ્રતિકારક શક્તિ વધારે છે?

લીલી ઈલાયચી, તજ, કાળા મરી, આદુ, લવિંગ,  જેવા જડીબુટ્ટીઓ અને મસાલા રોગપ્રતિકારક શક્તિ વધારવાનું કામ કરે છે. જો તમે તમારી ચામાં આ જડીબુટ્ટીઓ અને મસાલાઓનો સમાવેશ કરો છો, તો તમારી ચા હેલ્ધી ટી બની શકે છે.

એક દિવસમાં કેટલા કપ ચા પી શકાય?

જો કે, લોકો એક દિવસમાં 4-5 કપ ચા પીવે છે, જે સ્વાસ્થ્ય માટે સારી નથી. ચામાં ખાંડ ઉમેરવામાં આવતી હોવાથી તે સ્વાસ્થ્ય માટે ફાયદાકારક માનવામાં આવતી નથી. કારણ કે વધુ પડતી ખાંડને કારણે ડાયાબિટીસ સહિત અનેક બીમારીઓનું જોખમ વધી શકે છે. જો તમે ચા પીને સ્વસ્થ રહેવા માંગતા હોવ તો દિવસમાં 1-2 કપથી વધુ ચા ન પીવો. એ પણ સુગર વિનાની

ચા પીવાનો શ્રેષ્ઠ સમય ક્યારે છે?

ખોરાક ખાધાના બે કલાક પછી ચા પીવાનો આદર્શ સમય છે. ધ્યાનમાં રાખો કે ચા અથવા કેફીન આધારિત પીણાં ક્યારેય ખાલી પેટે ન પીવા જોઇએ. કારણ કે કેફીન પેટમાં એસિડ બનાવવાનું કામ કરે છે, જેના કારણે એસિડ રિફ્લક્સ, હાર્ટબર્ન, એસિડિટી, અપચો જેવી સમસ્યાઓ થઈ શકે છે. આ સિવાય ચા નાસ્તો કે અન્ય કોઈપણ ખાદ્યપદાર્થ સાથે પીવાનું ટાળો. કારણ કે ચામાં ટેનીન નામનું કેમિકલ કમ્પાઉન્ડ હોય છે, જે પોષક તત્વોને શોષવામાં મુશ્કેલી બનાવે છે.

Disclaimer: અહીં આપેલી માહિતી માત્ર ધારણાઓ અને માહિતી પર આધારિત છે. અત્રે એ ઉલ્લેખ કરવો જરૂરી છે કે ABPLive.com કોઈપણ પ્રકારની ઓળખ, માહિતીની પુષ્ટિ કરતું નથી. કોઈપણ માહિતી અથવા માન્યતાને અમલમાં મૂકતા પહેલા, સંબંધિત નિષ્ણાતની સલાહ લો.