![ABP Premium](https://cdn.abplive.com/imagebank/Premium-ad-Icon.png)
આ રાજ્યમાં હવે મહિલાઓને મળશે પીરિયડ લીવ, જાણો કેમ દર્દનાક હોય છે પહેલો દિવસ
મુખ્યમંત્રીએ કહ્યું કે મહિલા કર્મચારીઓને તેમના માસિક ધર્મ ચક્રના પહેલા અથવા બીજા દિવસે રજા લેવાની મંજૂરી આપવામાં આવશે.
![આ રાજ્યમાં હવે મહિલાઓને મળશે પીરિયડ લીવ, જાણો કેમ દર્દનાક હોય છે પહેલો દિવસ odisha one day menstrual leave policy women આ રાજ્યમાં હવે મહિલાઓને મળશે પીરિયડ લીવ, જાણો કેમ દર્દનાક હોય છે પહેલો દિવસ](https://feeds.abplive.com/onecms/images/uploaded-images/2021/07/23/4b0288fbdae453692f84221872a1c183_original.jpg?impolicy=abp_cdn&imwidth=1200&height=675)
ઓડિશા સરકારે રાજ્યમાં પહેલી વાર રાજ્ય સરકાર અને ખાનગી કંપની બંનેમાં કાર્યરત મહિલા કર્મચારીઓ માટે એક દિવસની માસિક ધર્મ રજાની નીતિ શરૂ કરી છે. કટકમાં જિલ્લા સ્તરીય સ્વતંત્રતા દિવસ સમારોહ દરમિયાન, ઓડિશાના નવા મુખ્યમંત્રી પ્રવતી પરિદાએ કહ્યું કે મહિલા કર્મચારીઓને તેમના માસિક ધર્મ ચક્રના પહેલા અથવા બીજા દિવસે રજા લેવાની મંજૂરી આપવામાં આવશે. એક દિવસની માસિક ધર્મ રજા નીતિ તાત્કાલિક અસરથી અમલમાં આવશે.
પીરિયડ લીવ અંગે ભારતનું વલણ શું રહ્યું છે?
ભારતમાં વર્ષોથી પીરિયડ લીવ અંગે ચર્ચા થાય છે. મહિલાઓનું કહેવું છે કે પીરિયડ્સ દરમિયાન તેમને રજા મળવી જોઈએ. જોકે, કેટલીક વખત કેટલીક મહિલાઓ તેનો વિરોધ પણ કરે છે. પરંતુ હવે સુપ્રીમ કોર્ટે પીરિયડ લીવ પર કેન્દ્ર સરકારને એક મોડેલ પોલિસી બનાવવાનો નિર્દેશ આપ્યો છે.
આ નીતિનો હેતુ માસિક ધર્મથી પીડિત લોકોના સ્વાસ્થ્ય અને કલ્યાણને સમર્થન આપવાનો છે અને તેને જાહેર અને ખાનગી બંને ક્ષેત્રોમાં વિસ્તારિત કરવામાં આવશે. પરીદાએ કહ્યું કે આ રજાનો લાભ માસિક ધર્મના પહેલા અથવા બીજા દિવસે લઈ શકાય છે.
સ્ત્રીઓને પીરિયડ્સ દરમિયાન રજા મળવી જોઈએ?
દરેક મહિલાની શારીરિક રચના અલગ અલગ હોય છે. આ જ કારણે દરેક મહિલાનો પીરિયડ્સ અંગેનો અનુભવ પણ અલગ હોઈ શકે છે. મહિલાઓનો એક જૂથ એવો છે જેમના પીરિયડ્સ હેલ્ધી હોય છે. પીરિયડ્સ ક્યારે આવ્યા અને ગયા તેની ખબર પણ પડતી નથી. જ્યારે કેટલીક મહિલાઓ માટે પીરિયડ્સનો સમય ખૂબ જ પીડાદાયક હોય છે. કેટલીક વખત તો તેમને હોસ્પિટલમાં દાખલ પણ કરવા પડે છે. તેમને ખૂબ જ વધારે દુઃખાવો સહન કરવો પડે છે.
દુખાવા સાથે ઉલટી, ચક્કર આવવા, માથાનો દુખાવો, પગનો દુખાવો, કમરનો દુખાવો જેવી ઘણી શારીરિક સમસ્યાઓમાંથી પસાર થવું પડે છે. આ દુખાવો એટલો ખતરનાક હોય છે કે તમે આ દરમિયાન કામ તો શું બરાબર ઊઠી બેસી પણ શકતા નથી. આવી મહિલાઓ માટે પીરિયડ્સ દરમિયાન રજા ખૂબ જ જરૂરી બની જાય છે. દરેક કંપની માટે શક્ય નથી કે તે પીરિયડ્સમાં રજા આપે પરંતુ આ દરમિયાન વર્ક ફ્રોમ હોમ અથવા પીરિયડ્સના શરૂઆતના 2 દિવસ માટે રજાની વ્યવસ્થા કરવી જોઈએ. જેથી તે ઘરમાં રહીને આરામથી કામ કરી શકે.
પીરિયડ્સ દરમિયાન મહિલાઓને ઘણી પડકારોનો સામનો કરવો પડે છે
દરેક મહિલાને આ સમસ્યામાંથી પસાર થવું પડે છે. પીરિયડ્સ દરમિયાન કેટલીક મહિલાઓને ઘણા પડકારોનો સામનો કરવો પડે છે. આ જ કારણ છે કે આ મુશ્કેલ દિવસોમાં આરામની ખૂબ જ જરૂર હોય છે. તેથી દેશમાં પીરિયડ લીવની માંગ કરવામાં આવી રહી છે. હાલમાં ભારતમાં પીરિયડ લીવ અંગે કોઈ કાયદો બન્યો નથી.
મહિલાઓ માટે મેન્સ્ટ્રુઅલ લીવ કેમ જરૂરી છે?
પીરિયડ્સ દરમિયાન પીરિયડ લીવ ખૂબ જ જરૂરી હોય છે. પીરિયડ્સ દરમિયાન ઘણી મહિલાઓને ખૂબ જ વધારે દુખાવો, થાક, મૂડ સ્વિંગ્સ અને ઘણા પ્રકારની શારીરિક મુશ્કેલીઓનો સામનો કરવો પડે છે. આ બધાને કારણે મહિલાઓની ક્ષમતા પર ખૂબ જ ખરાબ અસર થાય છે. મેન્સ્ટ્રુઅલ લીવ દરમિયાન આરામની ખાસ જરૂર પડે છે. જેથી તેની અસર તેમની કાર્યક્ષમતા પર ખરાબ અસર ન પડે. મહિલાઓ સાથે સંબંધિત સ્વાસ્થ્ય સમસ્યાઓ પર લોકો ખુલ્લેઆમ વાત જ કરતા નથી. આ દરમિયાન થતી સ્વાસ્થ્ય સમસ્યાઓ અંગે સમાજમાં ઘણા મિથ્યા ખ્યાલો છે તેને દૂર કરવા ખૂબ જ જરૂરી છે. રજા આપવાથી મેન્સ્ટ્રુઅલ વિશે વાતચીત સામાન્ય બનાવવામાં મદદ મળશે.
Disclaimer: સમાચારમાં આપવામાં આવેલી કેટલીક માહિતી મીડિયા રિપોર્ટ્સ પર આધારિત છે. તમે કોઈપણ સૂચનને અમલમાં મૂકતા પહેલા સંબંધિત નિષ્ણાતની સલાહ જરૂર લો.
આ પણ વાંચોઃ Virgin Pregnancy: વર્જિન પ્રેગ્નન્સી શું છે? જાણો કેવી રીતે સંબંધ બનાવ્યા વગર જ ગર્ભ રહી જાય છે
Check out below Health Tools-
Calculate Your Body Mass Index ( BMI )
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)
![gujarati.abplive.com](https://cdn.abplive.com/imagebank/editor.png)