Hair Care Tips: સફેદ વાળ બની જશે કાળા, સરસવના તેલમાં આ વસ્તુ મિક્સ કરી લગાવો

Hair Care Tips: જો તમે સફેદ વાળથી પરેશાન છો, તો સરસવના તેલમાં એક વસ્તુ ભેળવીને લગાવો અને કાળા, જાડા અને સાઇની હેર મળશે.

પ્રતીકાત્મક તસવીર

Source : freepik

Hair Care Tips: શું તમને મિરરમાં જ્યારે પણ જુઓ ત્યારે તમને સફેદ વાળ આંખમાં ખૂંચે  છે? આજકાલ વહેલા સફેદ વાળ થવા એક સામાન્ય બાબત બની ગઈ છે. પછી ભલે તે તણાવથી  હોય કે  પોષણનો અભાવ હોય, કે પછી રાસાયણિક ઉત્પાદનોની અસર હોય. પરંતુ શું તમે જાણો છો કે તમારા રસોડામાં રાખેલ સરસવનું તેલ અને તેમાં મળતી એક સરળ વસ્તુ વાળને ફરીથી કાળા કરી શકે છે?

આજના ભાગદોડભર્યા જીવનમાં, વાળનું અકાળે સફેદ થવું એક સામાન્ય સમસ્યા બની ગઈ છે. આ સમસ્યામાં  ફક્ત આ એક વસ્તુ કરવાની જરૂર છે. એક વસ્તુને  સરસવના તેલમાં ભેળવીને લગાવો. જો તમે કુદરતી અને અસરકારક ઉકેલ શોધી રહ્યા છો, તો તમારી શોધ અહીં સમાપ્ત થાય છે. સરસવનું તેલ, જે લગભગ દરેક ભારતીય રસોડામાં જોવા મળે છે. પરંતુ જો તેમાં કાળી મેથી ઉમેરવામાં આવે તો તે એક શક્તિશાળી કુદરતી વાળ ટોનિક બની જાય છે.

સરસવના તેલ અને મેથીનો જાદુ

મેથીના દાણામાં આયર્ન, પ્રોટીન અને નિકોટિનિક એસિડ હોય છે, જે વાળને કુદરતી રીતે પોષણ આપે છે અને અકાળે સફેદ થતા અટકાવે છે. સરસવના તેલમાં એન્ટીબેક્ટેરિયલ અને એન્ટિફંગલ ગુણધર્મો હોય છે, જે સ્કેલ્પને  સ્વસ્થ રાખે છે અને વાળ ખરતા અટકાવે છે.

• આ માટે તમારે 100 મિલી સરસવનું તેલ લેવું પડશે.
• તમે સરસવના તેલ સાથે 2 ચમચી મેથીના દાણા લઈ શકો છો.
• સૌ પ્રથમ, એક પેનમાં સરસવનું તેલ થોડું ગરમ ​​કરો.
• હવે તેમાં મેથીના દાણા ઉમેરો અને મેથીનો રંગ ઘેરો બ્રાઉન થાય ત્યાં સુધી ઉકાળો.
• તેલને ઠંડુ થવા દો અને પછી તેને ગાળીને કાચની બોટલમાં ભરી લો.
• અઠવાડિયામાં 2-3 વાર તેને માથાની ચામડીમાં હળવા હાથે માલિશ કરો.
• તેને ઓછામાં ઓછા 1 કલાક અથવા આખી રાત રહેવા દો અને બીજા દિવસે સવારે શેમ્પૂથી ધોઈ લો.

આજના સમયમાં, જ્યારે દરેક બીજો વ્યક્તિ વાળની ​​સમસ્યાથી ઝઝૂમી રહ્યો છે, ત્યારે રસોડામાં હાજર ઘરેલું ઉપચાર સૌથી સલામત અને અસરકારક વિકલ્પ છે. મેથીના દાણામાં સરસવનું તેલ ભેળવીને લગાવવાથી તમે વાળની ​​ખોવાયેલી ચમક પાછી તો લાવી શકો છો જ, સાથે સાથે વાળને અકાળે સફેદ થતા પણ અટકાવી શકો છો.