તમારા ખિસ્સામાં રહેલો મોબાઈલ ફોન તમારા સ્પર્મ કાઉન્ટ ઘટાડે છે? અભ્યાસમાં ચોંકાવનારો ખુલાસો

Sperm Count: સ્વિટ્ઝર્લેન્ડની એક યુનિવર્સિટીના રિસર્ચમાં કહેવામાં આવ્યું છે કે સ્પર્મ કાઉન્ટ ઓછું થવાનું કારણ મોબાઈલ ફોન પણ હોઈ શકે છે. જો કે હજુ સુધી કોઈ નક્કર પુરાવા મળ્યા નથી.

પ્રતિકાત્મક તસવીર

Source : Getty

Sperm Count: મોબાઈલ ફોનના વધુ પડતા ઉપયોગને લઈને ઘણા પ્રકારના અભ્યાસ અને સંશોધન બહાર આવ્યા છે, જેમાં જણાવવામાં આવ્યું છે કે મોબાઈલ ફોન કેવી રીતે અનેક બીમારીઓનું કારણ બની શકે છે. આ દરમિયાન મોબાઈલ ફોનના ઉપયોગને લઈને એક ચોંકાવનારું રિસર્ચ સામે આવ્યું છે, જેમાં કહેવામાં આવ્યું છે કે મોબાઈલ ફોનનો ઉપયોગ કરવાથી તમારા સ્પર્મ કાઉન્ટમાં ઘટાડો થઈ શકે છે. એટલે કે તે તમારા શુક્રાણુઓને ઘટાડી શકે છે. સ્વિત્ઝરલેન્ડની એક યુનિવર્સિટીના સંશોધનમાં આ વાત કહેવામાં આવી છે.

શુક્રાણુઓની સંખ્યા સતત ઘટી રહી છે

શુક્રાણુઓની સંખ્યા ઓછી હોવાનો અર્થ એ છે કે તમે સંતાન પ્રાપ્ત કરી શકશો નહીં. એટલે કે, તમારા વીર્યમાં શુક્રાણુઓની સંખ્યા એક ચોક્કસ સ્તર સુધી હોવી જોઈએ, જો તે આ સ્તરથી નીચે હશે તો તમારે બાળક પેદા કરવામાં સમસ્યાનો સામનો કરવો પડશે. જે સંશોધન બહાર આવ્યું છે તે દર્શાવે છે કે સમગ્ર વિશ્વમાં લોકોના શુક્રાણુઓની સંખ્યા સતત ઘટી રહી છે. હવે તમે વિચારી રહ્યા હશો કે આનું મોબાઈલ ફોન સાથે શું કનેક્શન હોઈ શકે?

ખિસ્સામાં મોબાઈલ રાખવો ખતરનાક છે?

સ્વિટ્ઝર્લેન્ડની એક યુનિવર્સિટી દ્વારા કરવામાં આવેલા સંશોધનમાં જાણવા મળ્યું છે કે મોબાઈલ રેડિયેશન પણ શુક્રાણુઓની સંખ્યા ઓછી થવાનું કારણ હોઈ શકે છે. સંશોધકોને અભ્યાસમાં જાણવા મળ્યું કે જે લોકો મોબાઈલ ફોનનો વધુ ઉપયોગ કરે છે તેમના શુક્રાણુઓની સંખ્યા ઓછી જોવા મળે છે. આ જ કારણ છે કે સંશોધકોને શંકા છે કે મોબાઈલ ફોન તેનું કારણ હોઈ શકે છે. રિસર્ચમાં કહેવાયું છે કે ખિસ્સામાં મોબાઈલ ફોન રાખવો પણ આનું એક કારણ હોઈ શકે છે. જો કે હજુ સુધી કોઈ નક્કર પુરાવા મળ્યા નથી. આ અંગે વધુ સંશોધનની જરૂર છે.

અભ્યાસમાં કહેવામાં આવ્યું છે કે જે લોકો ફોનને બેકપેકમાં રાખે છે તેમાં આ સમસ્યા ઓછી થઈ શકે છે. તે જ સમયે, જે લોકો સતત ઘણા કલાકો સુધી ફોન તેમના ખિસ્સામાં રાખે છે તેમને સ્પર્મ કાઉન્ટની સમસ્યા વધુ થઈ શકે છે. હાલમાં આ અભ્યાસે એક નવી ચર્ચા શરૂ કરી છે, હવે વૈજ્ઞાનિકો નક્કર પુરાવા શોધવાનો પ્રયાસ કરી રહ્યા છે કે શું મોબાઈલ ફોન ખરેખર શુક્રાણુઓની સંખ્યાને અસર કરે છે...