આ છે ભારતના ખાસ યોગ સ્થળો, જ્યાં આગળ તમે પાણીની અંદર યોગથી લઈને પર્વતીય યોગ નો અનુભવ કરી શકો છો, આ ખૂબ જ ખાસ છે..

આ છે ભારતના ખાસ યોગ સ્થળો, અહીં પાણીની અંદર યોગથી લઈને પર્વતીય યોગ સુધી બધું જ કરવામાં આવે છે. અહી તમે પ્રકૃતિની સાથે યોગનો અદભૂત આનંદ મળી શકો છો,આવો જાણીએ આ ખાસ જગ્યાઓ વિશે..

ભારતના યોગ સ્થળો (તસવીર-એબીપી લાઈવ)

ભારતમાં યોગનો ખૂબ લાંબો ઈતિહાસ છે અને યોગ આપણી સંસ્કૃતિનો એક મહત્વનો ભાગ છે. યોગ આપણા શરીરને માત્ર મજબૂતજ નહીં પરંતુ સ્વસ્થ બનાવે છે, માનસિક શાંતિ પણ આપે છે. તેનાથી તણાવ ઓછો થાય છે અને આખો દિવસ આપણે એનર્જીથી ભરપૂર રહીએ છીએ. જો તમે કોઈ નવા યોગનો અનુભવ કરવા ઈચ્છો છો, તો પાણીની અંદર યોગથી લઈને પર્વતીય યોગ સુધી બધું જ અહીં કરવામાં આવે છે. આંતરરાષ્ટ્રીય યોગ દિવસ પર આ વિશિષ્ટ સ્થળોની મુલાકાત લઈને યોગનો સંપૂર્ણ લાભ લો. આવો, જાણીએ આ ખાસ યોગ સ્થાનો વિશે.

ઋષિકેશ, ઉત્તરાખંડ
ઋષિકેશને યોગની રાજધાની કહેવામાં આવે છે. પરમાર્થ નિકેતન જેવા ઘણા પ્રખ્યાત યોગ કેન્દ્રો અને આશ્રમો અહી આવેલા છે, જ્યાં તમે મૂળભૂત અને અદ્યતન યોગ પાઠ લઈ શકો છો. ગંગા નદીના કિનારે યોગ કરવો એ એક વિશેષ અનુભવ છે. આંતરરાષ્ટ્રીય યોગ દિવસ પર, વિશ્વભરમાંથી લોકો અહીં આવે છે અને સામૂહિક રીતે યોગ કરે છે.

ગોવામાં પાણીની અંદર યોગ
ગોવા તેની નાઇટલાઇફ માટે પ્રખ્યાત છે, પરંતુ અહીં તમે પાણીની અંદર યોગનો અનોખો અનુભવ પણ માણી શકો છો. ગોવામાં અંજુના અને પાલોલેમ બીચ પર ઘણા યોગ પ્રશિક્ષણ કેન્દ્રો છે, જ્યાં યોગ અને ધ્યાન વર્કશોપ યોજાય છે. પાણીની નીચે યોગ કરવાથી તમારું મન અને શરીર બંને શાંત થાય છે.

ધર્મશાલા, હિમાચલ પ્રદેશ
ધર્મશાલા હિમાલયની ગોદમાં આવેલું એક સુંદર સ્થળ છે. અહીં પર્વત યોગનો અનુભવ ખૂબ જ ખાસ છે. બરફીલા પહાડો અને લીલીછમ ખીણો તમારી યોગાભ્યાસને વધુ અસરકારક બનાવે છે. અહીં ઘણા યોગ કેન્દ્રો અને રિટ્રીટ છે, જ્યાં તમે પર્વતીય યોગ કરી શકો છો.

કેરળના બેકવોટર
કેરળના બેકવોટર્સમાં યોગ કરવું એ એક અદ્ભુત અનુભવ છે. અહીંની હરિયાળી, પાણી અને શાંત વાતાવરણ તમને યોગાભ્યાસ કરવા માટે પ્રેરિત કરે છે. ઘણા યોગ રિસોર્ટ અને આયુર્વેદિક કેન્દ્રો અહીં સ્થિત છે, જ્યાં તમે યોગ અને ધ્યાનનો સંપૂર્ણ આનંદ માણી શકો છો.

આંદમાન અને નિકોબાર ટાપુઓ
તમે આંદમાન અને નિકોબાર ટાપુઓમાં બીચ યોગનો આનંદ માણી શકો છો.  અહીંના સુંદર દરિયાકિનારા અને સ્વચ્છ પાણી તમારા યોગ અનુભવને વધુ વિશેષ બનાવે છે. અહીંના શાંતિપૂર્ણ વાતાવરણમાં યોગ કરવું મન અને શરીર બંને માટે ખૂબ જ ફાયદાકારક છે.