લંપટ શિક્ષકે કારમાં પાંચ વાર સગીર વિદ્યાર્થીની સાથે બાંધેલા સેક્સ સંબંધ, જાણો અન્ય વિગત

અમદાવાદઃ વિસનગર પાસેના કાંસાની સગીર વિદ્યાર્થીની પર બળાત્કારના કેસમાં ઝડપાયેલા લંપટ શિક્ષક રાજુ પટેલ સામે પોલીસને એકદમ મજબૂત પુરાવા મળી આવ્યા છે. દોઢ વર્ષમાં આ શિક્ષકે સંખ્યાબંધ વાર સગીરા સાથે સેક્સ સંબંધ બાંધ્યા હતા.

પોલીસે આ પૈકી સાત ઘટનાના પુરાવા શોધી કાઢ્યા છે. આ પૈકી પાંચ વાર તો શિક્ષકે કારમાં જ સેક્સ સંબંધ બાંધી પોતાની હવસ સંતોષી હતી. બે વાર તેણે સગીરાને પોતાના મિત્રના ઘેર લઈ જઈ પોતાની હવસનો ભોગ બનાવી હતી.

પોલીસે શિક્ષકે જે દિવસે સગીરાને પોતાની હવસનો શિકાર બનાવી એ તારીખોએ તપાસ કરતાં બહાર આવ્યું કે એ દિવસોએ શિક્ષક સ્કૂલમાં ગેરહાજર રહ્યો હતો. સગીરાએ પોતાની પર ક્યારે ક્યારે બળાત્કાર ગુજારાયો તેની વિગતો ફરિયાદમાં આપી હતી.

રાજુ પટેલ સામેના આ પુરાવા કોર્ટમાં રજૂ કર્યા હતા. દરમિયાનમાં તેના રીમાન્ડ પૂરા થતાં કોર્ટે તેને જેલમાં મોકલી આપ્યો છે. રાજુ પટેલ સામેના આ મજબૂત પુરાવાના કારણે તેને તેનાં કુકર્મોની સજા મળશે તેવું પોલીસ માને છે.