અમદાવાદમાં Coldplay કોન્સર્ટ, 3800 પોલીસકર્મી તૈનાત, 400 CCTV સાથે NSG રાખશે ધ્યાન
કોલ્ડપ્લે (બ્રિટિશ રોક બેન્ડ) કોન્સર્ટ આજે અને આવતીકાલે (25-26 જાન્યુઆરી) અમદાવાદના નરેન્દ્ર મોદી સ્ટેડિયમ ખાતે યોજાનાર છે.
Coldplay Concert In Ahmedabad : કોલ્ડપ્લે (બ્રિટિશ રોક બેન્ડ) કોન્સર્ટ આજે અને આવતીકાલે (25-26 જાન્યુઆરી) અમદાવાદના નરેન્દ્ર મોદી સ્ટેડિયમ ખાતે યોજાનાર છે. કોન્સર્ટની સુરક્ષાને લઈને વહીવટીતંત્ર દ્વારા કડક વ્યવસ્થા કરવામાં આવી છે. કોન્સર્ટની સુરક્ષા માટે લગભગ 3800 પોલીસ કર્મચારીઓ, NSG ટીમ અને 400 થી વધુ CCTV કેમેરા લગાવવામાં આવ્યા છે.
કોલ્ડપ્લે કોન્સર્ટમાં લાખો લોકો આવવાની અપેક્ષા છે. આવી સ્થિતિમાં, 3800 થી વધુ પોલીસ કર્મચારીઓને તૈનાત કરવામાં આવ્યા છે, જેમની પાસે મેટલ ડિટેક્ટર પણ હશે. ઘણા પોલીસકર્મીઓ સાદા યુનિફોર્મમાં પણ હશે. મોટી સંખ્યામાં મહિલા પોલીસકર્મીઓ પણ તૈનાત કરવામાં આવ્યા છે. કોન્સર્ટ પરિસરમાં ક્રાઈમ બ્રાન્ચ અને અન્ય સુરક્ષા સંબંધિત ટીમો પણ તૈનાત કરવામાં આવી રહી છે.
NSG ટીમ તૈનાત
જેસીપી અમદાવાદ પોલીસ, નીરજ બડગુજરે ન્યૂઝ એજન્સી એએનઆઈને જણાવ્યું હતું કે આ સિવાય દરેક ખૂણા- ખૂણા પર નજર રાખવા માટે 400 થી વધુ સીસીટીવી કેમેરા પણ લગાવવામાં આવ્યા છે. આ ઈવેન્ટની સુરક્ષામાં કોઈ ક્ષતિ ન રહે તે માટે નેશનલ સિક્યુરિટી ગાર્ડ (NSG)નું એક વિશેષ એકમ પણ તૈનાત કરવામાં આવ્યું છે. અમદાવાદ ક્રાઈમ બ્રાન્ચ અને અન્ય વિશેષ ટીમો પણ મેટ્રો સ્ટેશન સહિત અન્ય મહત્વના વિસ્તારોમાં તૈનાત કરવામાં આવી છે.
માહિતી આપતા અધિકારીએ કહ્યું કે મોટી સંખ્યામાં લોકોના આગમનને કારણે મેડિકલ અને પેરામેડિકલ ટીમો પણ તૈનાત કરવામાં આવી છે જેથી કોઈપણ પરિસ્થિતિનો સામનો કરી શકાય. તમને જણાવી દઈએ કે આ પહેલા 18, 19 અને 21 જાન્યુઆરીએ મુંબઈના ડીવાય પાટિલ સ્ટેડિયમમાં કોલ્ડપ્લેનો કોન્સર્ટ યોજાયો હતો. તેના 'મ્યુઝિક ઓફ ધ સ્ફિયર્સ વર્લ્ડ ટૂર'ના ભાગરૂપે, બ્રિટિશ રોક બેન્ડ કોલ્ડપ્લે 25 અને 26 જાન્યુઆરીએ અમદાવાદના નરેન્દ્ર મોદી સ્ટેડિયમમાં શો કરવા માટે ભારત પહોંચ્યું છે.
અમદાવાદ ફાયર વિભાગ પણ એલર્ટ મોડ પર
આ ઇવેન્ટને લઈને અમદાવાદ પોલીસ તો એલર્ટ મોડ પર છે. સાથે-સાથે અમદાવાદ ફાયર વિભાગ પણ એલર્ટ મોડ પર રાખવામાં આવ્યું છે. આ કોલ્ડપ્લેની ઇવેન્ટને લઈને અમદાવાદ ફાયર વિભાગે એક માસ્ટર પ્લાન તૈયાર કર્યો છે. જે અંતર્ગત કોઈપણ ફાયરને લગતી ઘટના બને કે સ્ટ્રક્ચર પડી જવાની ઘટના બને કે પછી કોઈપણ આકસ્મિક ઘટના બને તો તાત્કાલિક તેના પર કાર્યવાહી કરી શકાય તે પ્રકારનું ખાસ આયોજન કરવામાં આવ્યું છે.
ટોપ સ્ટોરી
ટ્રેન્ડિંગ સમાચાર
