વંચિત વર્ગની 200 કન્યાઓને પુનઃ ઉપયોગમાં લઈ શકાય તેવાં સેનિટરી પેડનુ વિતરણ

અમદાવાદમાં વંચિત વર્ગની 200 કન્યાઓને ફરીથી ઉપયોગમાં લઈ શકાય તેવા કપડાના સેનિટરી પેડઝનુ વિતરણ કરવામાં આવ્યુ હતું. 

અમદાવાદ:  શાળામાં અભ્યાસ કરતી વંચિત વર્ગની કન્યાઓમાં માસિક કાળ દરમિયાન સ્વચ્છતા જાળવવાની સમજ કેળવવા માટે કેમ્પેઈન ફોર મેનસ્ટ્રુઅલ હાઈજીન અંતર્ગત મંગળવારે અમદાવાદમાં વંચિત વર્ગની 200 કન્યાઓને ફરીથી ઉપયોગમાં લઈ શકાય તેવા કપડાના સેનિટરી પેડઝનુ વિતરણ કરવામાં આવ્યુ હતું. 

કન્યાઓને માસિક કાળ દરમ્યાન સ્વચ્છતા અને  આ સમયગાળા અંગે ચાલી આવેલી જૂની માન્યતાઓ દૂર કરવાનો પ્રયાસ કરવામાં આવ્યો હતો.  ફરીથી ઉપયોગમાં લઈ શકાય તેવા સેનિટરી પેડઝના કીટસની સાથે કન્યાઓને માસિક કાળ દરમ્યાન સ્વચ્છતાની જાળવણી અંગે  સ્થાનિક ભાષામાં પત્રિકાઓનુ વિતરણ કરવામાં આવ્યુ હતું. આ કીટ વડે કન્યાઓ એક વર્ષ સુધી માસિક કાળ દરમ્યાન સ્વચ્છતા જાળવી શકશે. 

યોગ્ય શિક્ષણના અભાવે, જાણકારીની ઉણપ  તથા નાણાંકીય કારણોથી   તથા ખાસ કરીને સમાજના નબળા વર્ગમાંથી આવતા હોવાને કારણે છોકરીઓ આ બાબતે ધ્યાન આપી શકતી નથી. આગામી ચાર માસમાં  શાળામાં ભણતી કિશોર વયની કન્યાઓમાં માસિક કાળ દરમ્યાન સ્વચ્છતા જાળવવાના મુદ્દે  તથા તેમને કાપડનાં સેનિટરી નેપકીનની વહેચણી કરવા રાજ્યની અર્ધ શહેરી, ગ્રામ્ય અને આદિવાસી વિસ્તારોમાં 12,000 કન્યાઓ સુધી પહોંચવા માટે ઝુંબેશ હાથ ધરી છે.

અમદાવાદ શહેરનાના વિવિધ ભાગોમાં આવેલા ગરીબ વિસ્તારો ઉપરાંત આ ઝુંબેશ હેઠળ શહેર નજીક આવેલાં વિવિધ વિસ્તારો ઉપરાંત રાજકોટ,   સાબરકાંઠા, દાહોદ, બનાસકાંઠા  જીલ્લા ઉપરાંત અન્ય સ્થળોને ને પણ આવરી લેવાનુ આયોજન છે.