ગુજરાત કોંગ્રેસના નેતાઓની દિલ્લીમાં પાર્ટી લીડર સાથે મુલાકાતને લઈને સામે આવ્યા સૌથી મોટા સમાચાર, શું કરી રજૂઆત?

MLA હિમ્મતસિંહ પટેલે નિવેદન આપ્યું છે કે, ખાલી પદો પર ખૂબ જલ્દી નિમણુંકો થઈ જશે. કે સી વેણુગોપાલ સાથે ખૂબ સરસ મિટિંગ થઈ છે. ગુજરાતથી નેતાઓ તેમને મળવા ગયા તે તેમને ગમ્યું છે.

તસવીરઃ દિલ્લીમાં ગુજરાત કોંગ્રેસના નેતાઓએ કરી પાર્ટીના જનરલ સેક્રેટરી સાથે બેઠક

અમદાવાદઃ દિલ્હી બેઠક કરીને પરત ફરેલા કોંગ્રેસના MLA હિમ્મતસિંહ પટેલે નિવેદન આપ્યું છે કે, ખાલી પદો પર ખૂબ જલ્દી નિમણુંકો થઈ જશે. કે સી વેણુગોપાલ સાથે ખૂબ સરસ મિટિંગ થઈ છે. ગુજરાતથી નેતાઓ તેમને મળવા ગયા તે તેમને ગમ્યું છે.

તેમણે જણાવ્યું હતું કે,  2022માં યોજાનારી વિધાનસભાની ચૂંટણીના રોડમેપ અંગે ચર્ચા થઈ. હાલ ગુજરાતમાં જે કાર્યક્રમો થઈ રહ્યા છે તે અંગે ચર્ચા થઈ. પ્રભારી સિવાયનું કોઈ પદ ખાલી ન કહેવાય. પ્રમુખ તરીકે અમિતભાઇ અને વિપક્ષી નેતા તરીકે પરેશભાઈ કાર્યરત છે. જે નિમણુંકો થવાની છે તે જલ્દી જ થઈ જશે.

ગઈ કાલે દિલ્હી પહોંચેલા ગુજરાત કોંગ્રેસના નેતાઓની બેઠક મળી હતી. રાષ્ટ્રીય કોંગ્રેસના જનરલ સેક્રેટરી કે. સી. વેણુગોપાલ સાથે બેઠક મળી હતી. ગુજરાતના નેતાઓ પ્રદેશ પ્રમુખની નિમણૂક અંગે વાત કરી હતી. પોતાની રજૂઆતો અંગે વેણુગોપાલ સાથે ચર્ચા કરી હતી. 

નોંધનીય છે કે,  નરેશ રાવલના ઘરે 3 વાર બેઠક કરનારા નેતાઓ દિલ્હીમાં રજુઆત કરી હતી. પ્રમુખ રહી ચૂકેલા લોકો સિવાય અન્ય ચહેરાને પ્રમુખ બનાવવાની મુખ્ય માગણી કરી હતી. વિધાનસભાની આગામી ચૂંટણી અંગે કોંગ્રેસ કેવી રીતે કરી શકે કામગીરી તે અંગે ચર્ચા હતી. 

ગુજરાત કોંગ્રેસના 6 ધારાસભ્યો અને 1 સાંસદ,  શૈલેષ પરમાર, હિંમતસિંહ પટેલ અને સી જે ચાવડા, બળદેવજી ઠાકોર, વિરજી ઠુમમર અને ભીખાભાઇ જોશી, નરેશ રાવલ, સાગર રાયકા, રાજુભાઇ પરમાર, અમીબેન યાજ્ઞિક, જગદીશ ઠાકોર, ગૌરવ પડ્યા પણ બેઠકમાં હાજર છે. જ્યારે હિમાંશુ વ્યાસ, તુષાર ચૌધરી પણ બેઠકમાં હાજર રહ્યા હતા. 

Ahmedabad : પોલીસ લમણે ગોળી મારીને કરી લીધો આપઘાત, જાણો ક્યાં બજાવતા હતા ફરજ?
અમદાવાદઃ પાલડી પોલીસ સ્ટેશનમાં પોલીસકર્મીએ લમણે ગોળી મારી આપઘાત કરી લેતા ચકચાર મચી ગઈ છે. રાઇટર તરીકે ફરજ બજાવતા ઉમેશભાઈએ રિવોલ્વર વડે આપઘાત કર્યો છે. રાઇટર હેડ એકાઉન્ટ વિભાગમાં ફરજ બજાવતા હતા.  
ઉમેશ ભાટીયાએ જાતે લમણે ગોળી મારી દેતા હોસ્પિટલ ખસેડવામાં આવ્યા હતા. જ્યાં તેમનું નિધન થયું છે.  ૨૦૦૯માં પોલીસમાં ભરતી થયા હતા.૫ વર્ષથી પાલડી પોલીસ સ્ટેશનમાં ફરજ બજાવતા હતા. સવારે ઓફિસ આવી અંદરથી રૂમ બંધ કરી લમણે ગોળી મારી દીધી હતી. એકાઉન્ટ વિભાગમાં ફરજ બજાવતા હોવાથી પોલીસ સ્ટેશનના હથિયાર તેમની પાસે રહેતા હતા. 

ઉમેશ ભાટીયાને પરિવારમાં એક દીકરો અને એક દીકરી છે. જ્યારે તેઓ પરિવાર સાથે સરખેજ ગામમાં વસવાટ કરે છે. પોલીસને મૃતક પાસેથી સૂસાઇડ નોટ પણ મળી આવી છે. આ સૂસાઈડ નોટના આધારે પોલીસ તપાસ કરશે.