AUS vs ENG 3rd Test Playing 11: ઉસ્માન ખ્વાજા ડ્રોપ, સીરિઝ જીતવાના ઈરાદે ઓસ્ટ્રેલિયાએ પ્લેઈંગ-11માં કર્યા બે મોટા ફેરફાર
ત્રીજી ટેસ્ટ 17 ડિસેમ્બરથી એડિલેડ ઓવલ ખાતે રમાનારી છે. આ ટેસ્ટ મેચ પહેલા ઓસ્ટ્રેલિયન ટીમે પ્લેઇંગ-11ની જાહેરાત કરી હતી.
AUS vs ENG 3rd Test Playing 11: ઓસ્ટ્રેલિયા અને ઇંગ્લેન્ડ વચ્ચે રમાનારી પાંચ મેચની એશિઝ શ્રેણીની ત્રીજી ટેસ્ટ પહેલા ઓસ્ટ્રેલિયન ટીમે તેમના પ્લેઇંગ 11ની જાહેરાત કરી છે. પાંચ મેચની ટેસ્ટ શ્રેણીના બે મેચ રમાઈ ચૂકી છે, જેમાં ઓસ્ટ્રેલિયા બંનેમાં જીત મેળવી છે. તેઓ શ્રેણી 2-0 થી આગળ છે.
Australia have announced their XI for the third Test in Adelaide 👀
— cricket.com.au (@cricketcomau) December 16, 2025
Full XI: https://t.co/Yi0w7ANPFv pic.twitter.com/xGN43O904y
ત્રીજી ટેસ્ટ 17 ડિસેમ્બરથી એડિલેડ ઓવલ ખાતે રમાનારી છે. આ ટેસ્ટ મેચ પહેલા ઓસ્ટ્રેલિયન ટીમે પ્લેઇંગ-11ની જાહેરાત કરી હતી. તેમના નિયમિત ટેસ્ટ કેપ્ટન પેટ કમિન્સ લાંબા સમય બાદ પરત ફરી રહ્યો છે. ગાબ્બા ટેસ્ટમાં પાંચ વિકેટ લેનારા માઈકલ નેસરના સ્થાને સ્પિનર નાથન લિયોનને ટીમમાં સામેલ કરવામાં આવ્યો છે. દરમિયાન 39 વર્ષીય ઉસ્માન ખ્વાજાને બહાર કરવામાં આવ્યો છે.
વાસ્તવમાં ઓસ્ટ્રેલિયાએ એશિઝ શ્રેણીની ત્રીજી ટેસ્ટ માટે તેની ટીમમાં બે ફેરફાર કર્યા છે. પેટ કમિન્સ પરત ફર્યો છે જ્યારે પર્થમાં ટેસ્ટ ડેબ્યૂ કરનાર બ્રેન્ડન ડોગેટને બહાર કરવામાં આવ્યો છે. ગાબ્બા ટેસ્ટની બીજી ઇનિંગમાં પાંચ વિકેટ લેનાર માઇકલ નેસરના સ્થાને અનુભવી ઓફ સ્પિનર નાથન લિયોનને ટીમમાં સામેલ કરવામાં આવ્યો છે.
દરમિયાન, 39 વર્ષીય ઉસ્માન ખ્વાજા ફિટ જાહેર થયા છતાં ટીમમાં સ્થાન મેળવી શક્યો નથી. તેથી ટ્રેવિસ હેડ અને જેક વેધરલ્ડ ઇનિંગની શરૂઆત કરશે. એડિલેડ ટેસ્ટ પહેલા કેપ્ટન પેટ કમિન્સે સ્પષ્ટતા કરી હતી કે ખ્વાજાની ટેસ્ટ કારકિર્દી હજુ પૂરી થઈ નથી. મને લાગે છે કે પસંદગીકારો દર અઠવાડિયે ટીમ પસંદ કરવા અંગે ખૂબ જ સ્પષ્ટ છે. આનો અર્થ એ નથી કે હંમેશા એક જ ટીમને મેદાનમાં ઉતારવામાં આવશે. અમે અમારા બોલરો સાથે પણ આવું જ કરીએ છીએ. ઉસ્માનની સૌથી મોટી તાકાત એ છે કે તે ઓપનિંગ અને મિડલ ઓર્ડર બંનેમાં રન બનાવે છે. જો અમને લાગતું હતું કે તે સીધા કોલ-અપ માટે લાયક નથી તો તે ટીમમાં ન હોત. તેથી મને વિશ્વાસ છે કે જરૂર પડ્યે તેને ટીમમાં પાછો લાવી શકાય છે.
ઓસ્ટ્રેલિયાની પ્લેઈંગ ઈલેવન
ટ્રેવિસ હેડ, જેક વેધરલ્ડ, માર્નસ લાબુશેન, સ્ટીવ સ્મિથ, કેમરૂન ગ્રીન, એલેક્સ કેરી (વિકેટકીપર), જોશ ઇંગ્લિસ, પેટ કમિન્સ (કેપ્ટન), મિશેલ સ્ટાર્ક, નાથન લિયોન, સ્કોટ બોલેન્ડ
ઇંગ્લેન્ડની પ્લેઈંગ ઈલેવન
જેક ક્રોલી, બેન ડકેટ, ઓલી પોપ, જો રૂટ, હેરી બ્રુક, બેન સ્ટોક્સ (કેપ્ટન), જેમી સ્મિથ (વિકેટકીપર), વિલ જેક્સ, બ્રાયડન કાર્સે, જોફ્રા આર્ચર, જોશ ટંગ
ટોપ સ્ટોરી
ટ્રેન્ડિંગ સમાચાર
