Ahmedabad Rain: અમદાવાદમાં મોડી સાંજે ધોધમાર વરસાદ, અનેક વિસ્તારોમાં ભરાયા પાણી
Ahmedabad Rain: અમદાવાદ શહેરમાં સાંજે 7 વાગ્યાથી 9 વાગ્યા સુધીમાં એમ બે કલાકમાં સરેરાશ દોઢ ઇંચ જેટલો વરસાદ પડ્યો છે. પૂર્વ વિસ્તારના મણીનગર અને ઓઢવમાં ચાર ઇંચ જેટલો વરસાદ પડ્યો છે.
Ahmedabad Rain: અમદાવાદ શહેરમાં સાંજે 7 વાગ્યાથી 9 વાગ્યા સુધીમાં એમ બે કલાકમાં સરેરાશ દોઢ ઇંચ જેટલો વરસાદ પડ્યો છે. પૂર્વ વિસ્તારના મણીનગર અને ઓઢવમાં ચાર ઇંચ જેટલો વરસાદ પડ્યો છે. વિરાટનગર, ગોમતીપુર, રખિયાલ વિસ્તારોમાં સાડા ત્રણ ઇંચથી વધુ વરસાદ પડ્યો છે. નરોડા, મેમકો, કોતરપુર સૈજપુર, એરપોર્ટ રોડ , સરદારનગર, નિકોલ, રામોલ, કઠવાડા, જમાલપુર, લાલદરવાજા, આસ્ટોડીયા, ઘોડાસર, ઇસનપુર, વટવા અને જશોદાનગર સહિતના વિસ્તારોમાં બે ઇંચથી વધુ વરસાદ પડ્યો છે. વસ્ત્રાલના અબજીબાપા લેક અને રતનપુરા તળાવ ગાર્ડન પાસે પાણી ભરાયા છે.
ભારે વરસાદના કારણે ત્રણ અંડરપાસ વાહનવ્યવહાર માટે બંધ
ભારે વરસાદ પડવાના કારણે અમદાવાદ શહેરના મણિનગર દક્ષિણી, કુબેરનગર ITI અને મીઠાખળી અંડરપાસ વાહન વ્યવહાર માટે બંધ કરવામાં આવ્યા છે.
સૈજપુર ગરનાળા પાસે પાણી ભરાતા વાહનચાલકો પરેશાન
શહેરના પૂર્વ વિસ્તારમાં સૈજપુર ગરનાળા પાસે કમર સમા વરસાદી પાણી ભરાયા છે જેના કારણે થઈને લોકોને અવરજવરમાં ખૂબ જ તકલીફ પડી છે. વરસાદી પાણી ભરાવવાના કારણે વાહન વ્યવહાર બંધ થઈ ગયો હોય તેવી સ્થિતિ જોવા મળી હતી
ભારે વરસાદના કારણે રસ્તાઓ પર પાણી ભરાતા વાહનો બંધ પડ્યા
મોડી સાંજે લોકો કામ ધંધેથી ઘરે પરત ફરી રહ્યા હતા ત્યારે જ વરસેલા ધોધમાર વરસાદના કારણે રસ્તાઓ પાણી પાણી થયા છે. જેના કારણે ટુવ્હિલર બંધ પડી જતા વાહનચાલકો પરેશાન જોવા મળ્યા હતા. શહેરના પૂર્વના વસ્ત્રાલ વિસ્તારની હાલત કફોડી બની છે.
ઓઢવના અંબિકાનગર વિસ્તારમાં યુવક વાહન સાથે ખાડામાં પટકાયો
શહેરના ઓઢવ વિસ્તારમાં અંબિકા નગર મોગલ માતાના મંદિર પાસે એક યુવક વાહન સાથે ખાડામાં પડ્યો છે. ફાયરબ્રિગેડની ટીમને જાણ કરવામાં આવતા રેસ્ક્યું ટીમ તાત્કાલિક ઘટના સ્થળે પહોંચી છે. હાલમાં યુવકને ખાડામાંથી બહાર કાઢવાની કામગીરી ફાયર વિભાગ દ્વારા કરવામાં આવી રહી છે.
અમદાવાદના કુબેરનગર વિસ્તારમાં પાણી ભરાતા વાહનચાલકો ફસાયા છે. તો બીજી તરફ મણિનગરમાં આવેલા દક્ષિણી અંડરપાસ વાહનો માટે બંધ કરાયો છે. શહેરના પૂર્વ વિસ્તારમાં ભારે વરસાદ પડ્યો હોવાના કારણે મણિનગર વિસ્તારમાં આવેલા દક્ષિણી અંડર પાસને વાહન ચાલકોની અવરજવર માટે બંધ કરવામાં આવ્યો છે. અમદાવાદના મોટેરા, ઝુંડાલ, ચાંદખેડા, રાણીપ, જગતપુર, ગોતા , ન્યુ રાણીપમાં ધોધમાર વરસાદ વરસ્યો છે.
ટોપ સ્ટોરી
ટ્રેન્ડિંગ સમાચાર
