નૈઋત્યનું ચોમાસું સક્રિય બન્યુઃ આજે આ 14 જિલ્લામાં ધોધમાર વરસાદની આગાહી, તાપી-નર્મદા માટે રેડ એલર્ટ
Gujarat Rain: હવામાન વિભાગની લેટેસ્ટ આગાહી પ્રમાણે, આજે રાજ્યમાં 14 જિલ્લામાં ભારેથી અતિભારે વરસાદ વરસશે
Gujarat Rain: અમદાવાદ: ગુજરાતમાં છેલ્લા એક અઠવાડિયાથી ભારે, અતિભારે અને ક્યાંક હળવો વરસાદ વરસી રહ્યો છે. છેલ્લા ચાર દિવસથી દક્ષિણ ગુજરાતમાં મેઘરાજાએ કહેર વર્તાવવાનું શરૂ કરી દીધું છે. બે દિવસથી સુરત શહેર અને જિલ્લામાં રૉડ નદીઓ વહી રહી છે. આજે તાપી, દાહોદ અને નર્મદામાં વરસાદી કહેર જોવા મળ્યો છે. તાજા અપડેટ પ્રમાણે, બંગાળની ખાડીમાં વરસાદી સિસ્ટમ સક્રિય બની ગઇ હોવાથી ગુજરાતમાં નૈઋત્યનું ચોમાસું મજબૂત બન્યું છે. આજે ગુજરાતના 14 જિલ્લા માટે ભારે વરસાદની આગાહી કરવામાં આવી છે અને સાથે સાથે બે જિલ્લામાં રેડ એલર્ટ પણ જાહેર કરવામાં આવ્યુ છે.
હવામાન વિભાગની લેટેસ્ટ આગાહી પ્રમાણે, આજે રાજ્યમાં 14 જિલ્લામાં ભારેથી અતિભારે વરસાદ વરસશે. નર્મદા અને તાપીમાં રેડ એલર્ટ જાહેર કરવામાં આવ્યુ છે. આજે 7 જિલ્લામાં ઓરેન્જ એલર્ટ આપવામાં આવ્યું છે. ભરૂચ, સુરત, નવસારી, વલસાડ, ડાંગ, છોટાઉદેપુર, દાહોદમાં અતિ ભારે વરસાદની આગાહી છે. આ ઉપરાંત ગીર સોમનાથ, અમરેલી, ભાવનગર, વડોદરા, પંચમહાલ, મહીસાગર, અરવલ્લીમાં ભારે વરસાદની આગાહી છે. અમરેલી, ભાવનગર, સાબરકાંઠા, પંચમહાલ, નર્મદા, નવસારી, વલસાડમાં યલો એલર્ટ આપવામાં આવી છે. આવતીકાલે એટલે કે 26મી જૂને અરવલ્લી, મહીસાગર, દાહોદ, છોટાઉદેપુરમાં અતિ ભારે વરસાદની આગાહી છે.
27મી તારીખે ફરીથી વરસાદનું જોર વધતું હોય તેમ લાગી રહ્યું છે. શુક્રવારે બનાસકાંઠા, સાબરકાંઠા અને અરવલ્લીમાં ઓરેન્જ એલર્ટ આપવામાં આવ્યું છે. આ ત્રણ જિલ્લામાં અતિ ભારે વરસાદની આગાહી છે. આ ઉપરાંત કચ્છ, પાટણ, મહેસાણા, ગાંધીનગર, મહીસાગર, પંચમહાલ, દાહોદ, નવસારી, વલસાડમાં ભારે વરસાદની આગાહી સાથે યલો એલર્ટ આપવામાં આવ્યું છે. 28મી તારીખે શનિવારે બનાસકાંઠા અને પાટણમાં ઓરેન્જ એલર્ટ આપવામાં આવ્યું છે. આ બે જિલ્લામાં અતિ ભારે વરસાદની આગાહી છે. આ ઉપરાંત કચ્છ, મોરબી, જામનગર, દેવભૂમિ દ્વારકા, મહેસાણા, સાબરકાંઠા, અરવલ્લી, મહીસાગર, દાહોદ, નવસારી, વલસાડમાં ભારે વરસાદની આગાહી સાથે યલો એલર્ટ આપવામાં આવ્યું છે. 29મી તારીખે બનાસકાંઠા અને પાટણમાં ઓરેન્જ એલર્ટ આપવામાં આવ્યું છે. આ બે જિલ્લામાં અતિ ભારે વરસાદની આગાહી છે. આ ઉપરાંત અમરેલી, ભાવનગર, કચ્છ, મહેસાણા, સાબરકાંઠા, સુરત, નવસારી, વલસાડમાં ભારે વરસાદની આગાહી સાથે યલો એલર્ટ આપવામાં આવ્યું છે.
ટોપ સ્ટોરી
ટ્રેન્ડિંગ સમાચાર
