ગાંધીનગરઃ PM મોદીએ કહ્યુ- 'ફક્ત ફિટનેસથી જ ગુનેગારોને પકડી શકાતા નથી, ટેકનોલોજીની પણ જરૂર'
પ્રધાનમંત્રી મોદીનો ગુજરાત પ્રવાસનો આજે બીજો અને અંતિમ દિવસ છે. આજે સવારે 10 વાગ્યે પ્રધાનમંત્રી મોદી રાજભવનથી નીકળશે અને દહેગામ સુધી રોડ શો યોજાશે
LIVE
Background
અમદાવાદઃ પ્રધાનમંત્રી મોદીનો ગુજરાત પ્રવાસનો આજે બીજો અને અંતિમ દિવસ છે. આજે સવારે 10 વાગ્યે પ્રધાનમંત્રી મોદી રાજભવનથી નીકળશે અને દહેગામ સુધી રોડ શો યોજાશે. આ રોડ શોમાં પ્રધાનમંત્રી મોદીનું અલગ અલગ સ્થળ પર સ્વાગત કરવામાં આવશે. રોડ શો પૂર્ણ થયા બાદ પ્રધાનમંત્રી મોદી રાષ્ટ્રીય રક્ષા યુનિવર્સિટીમા કેમ્પસનું ઉદ્ઘાટન અને પ્રથમ પદવીદાન સમારોહમા ઉપસ્થિત રહેશે. આ કાર્યક્રમમાં ગૃહમંત્રી અમિત શાહ, રાજ્યપાલ આચાર્ય દેવવ્રત, મુખ્યમંત્રી ભુપેન્દ્ર પટેલ હાજર રહેશે. કાર્યક્રમ પૂર્ણ થયા બાદ બપોરે 1 વાગ્યા આસપાસ પ્રધાનમંત્રી મોદી રાજભવન પરત ફરશે. જે બાદ સાંજે છ વાગ્યે અમદાવાદના નવરંગપુરમાં ખેલ મહાકુંભનો પ્રારંભ કરાશે.
નોકરીના તણાવમાં જવાનોની ચિંતા કરવી જરૂરી છે
વડાપ્રધાને કહ્યું કે નોકરીના તણાવમાં જવાનોની ચિંતા કરવી જરૂરી છે. વિભાજીત પરિવાર હોવાથી સુરક્ષા જવાની માનસિક સ્થિતિ પર અસર થઇ છે. અગાઉ સંયુક્ત કુંટુંબ હતું ત્યારે પોલીસ જવાનો શાંતિ અનુભવતા હતા. તણાવ મુક્ત કેવી રીતે રહેવું તે સુરક્ષા કર્મચારીઓને શીખવવું જરૂરી છે.
ફક્ત ફિટનેસથી જ ગુનેગારોને પકડી શકાતા નથી પણ ટેકનોલોજીની પણ જરૂર પડે છે. આ પોલીસ યુનિવર્સિટી નથી રક્ષા યુનિવર્સિટી છે. યુનિફોર્મની તાકાત ત્યારે વધશે જ્યારે પહેરનારની અંદર માનવતા હશે. કરુણાનો ભાવ હશે ત્યારે યુનિફોર્મની કિંમત વધશે.
મોટી સંખ્યામાં લોકો ઉમટી પડ્યા
મોદીનું ગુજરાત અને ગુજરાતના મોદી pic.twitter.com/eZnj9nCPee
— BJP Gujarat (@BJP4Gujarat) March 12, 2022
રક્ષા ક્ષેત્રમાં અનેક પડકારો છે
વધુમાં વડાપ્રધાન મોદીએ કહ્યું કે રક્ષા ક્ષેત્રમાં અનેક પડકારો છે. વડાપ્રધાન મોદીએ સ્વાતંત્ર્ય સેનાનીઓની શ્રદ્ધાંજલિ આપી છે. સંરક્ષણ ક્ષેત્ર ભવિષ્ય બનાવવા માંગતા વિદ્યાર્થીઓને અવસર છે. ભારત સરકારે દેશમાં મહત્વની યુનિવર્સિટી તરીકે માન્યતા આપી છે. આજે સંખ્યાબળની સાથે સાથે ટેકનોલોજીનો પણ ઉપયોગ થાય છે.
સમાજ જીવનમાં શાંતિનું વાતાવરણ બનાવી રાખવું જોઇએ
કાર્યક્રમને સંબોધતા વડાપ્રધાન મોદીએ કહ્યું કે પોલીસ કર્મચારીઓની કામગીરીને લઇને યોગ્ય જાણકારી પહોંચી રહી નથી. પોલીસ કર્મચારીઓ અનેક સારા કાર્યો કરે છે તેની જાણકારી નાગરિકો સુધી પહોંચવી જોઇએ. પોલીસને માનવીય ચહેરો કોરોનાકાળમાં નાગરિકો સુધી પહોંચ્યો. પોલીસ નકારાત્મક છબી બને ત્યારે ઇચ્છાશક્તિ ઓછી થઇ જતી હોય છે. સમાજ જીવનમાં શાંતિનું વાતાવરણ બનાવી રાખવું જોઇએ
અમિત શાહે કર્યું સંબોધન
કાર્યક્રમને સંબોધિત કરતા ગૃહમંત્રી અમિત શાહે કહ્યુ કે વડાપ્રધાને રાષ્ટ્રીય રક્ષા યુનિવર્સિટી રાષ્ટ્રને સમર્પિત કરી હતી. નરેન્દ્ર મોદી મુખ્યમંત્રી બન્યા ત્યારે પ્રથમ પોલીસ વિભાગનું આધુનિકરણ કર્યું હતું. પોલીસ વિભાગ માટે આધુનિક સોફ્ટવેર બનાવાયું. પોલીસ વિભાગની જરૂરિયાતને વડાપ્રધાને સમજી અને પૂર્ણ કકરી હતી. આ યુનિવર્સિટી હવે ઝડપથી રાષ્ટ્રીય સ્તરે કામ કરશે. પોલીસ વિભાગમાં પ્રોફેશનાલિઝમ હોય તો પરિવર્તન આવી શકે છે.
ટ્રેન્ડિંગ સમાચાર
ટોપ સ્ટોરી
