Gujarat Bypolls Results: વિસાવદર અને કડી પેટાચૂંટણીનું આજે પરિણામ,ગોપાલ ઈટાલીયા સહિત ઉમેદવારોના ભાવિનો નિર્ણય

Gujarat Bypolls Results 2025: આજે રાજ્યની વિસાવદર અને કડી બેઠકો પર પેટાચૂંટણીના પરિણામો આવશે. ભાજપ,કોંગ્રેસ અને આમ આદમી પાર્ટીના ઉમેદવારો વચ્ચે કાંટાની ટકકર.

ગોપાલ ઇટાલિયા

Source : એબીપી અસ્મિતા

Gujarat Bypolls Results 2025 Live Updates:  વિસાવદર અને કડી બેઠકો પર પેટાચૂંટણીના આજે પરિણામો આવશે. સવારે 8 વાગ્યાથી મતગણતરી શરૂ થશે. ભાજપ,કોંગ્રેસ અને આમ આદમી પાર્ટીના ઉમેદવારો વચ્ચે કાંટાની ટક્કર છે. વિસાવદર વિધાનસભાની ચૂંટણીને લઈને 56.89 ટકા જેટલું મતદાન થયું હતું. કૃષિ યુનિવર્સિટી ખાતે મતગણતરી યોજાશે. સવારે 8 વાગ્યાથી શરૂ થનારી મતગણતરી પ્રક્રિયામાં કુલ 21 રાઉન્ડ યોજાશે, જે ઉમેદવારોનું (candidates) રાજકીય ભાવી (political future) નક્કી કરશે.

કડી વિધાનસભા પેટાચૂંટણી: 57.51% મતદાન બાદ ઉમેદવારોનું ભાવિ દાવ પર

કડી વિધાનસભા બેઠકની (Kadi Assembly seat) પેટાચૂંટણીની મતગણતરી મહેસાણાના (Mehsana) મેવડ એન્જિનિયરિંગ કોલેજ (Mevad Engineering College) ખાતે હાથ ધરાશે. સવારે 8 વાગ્યે શરૂ થનારી આ પ્રક્રિયા 14 ટેબલ પર કુલ 21 રાઉન્ડમાં પૂર્ણ થશે. મતગણતરીની કામગીરીમાં 200 થી વધુ કર્મચારીઓ જોડાશે. કડી વિધાનસભાની પેટાચૂંટણીમાં કુલ 2,89,927 મતદારો (voters) પૈકી 1,67,891 મતદારોએ મતદાન કર્યું હતું, જે કુલ 57.51 ટકા જેટલું મતદાન (voting percentage) દર્શાવે છે.

આ પેટાચૂંટણીમાં ભાજપના (BJP) ઉમેદવાર રાજેન્દ્ર ચાવડા, કોંગ્રેસના (Congress) ઉમેદવાર રમેશ ચાવડા અને આમ આદમી પાર્ટીના (Aam Aadmi Party) ઉમેદવાર જગદીશ ચાવડા સહિત કુલ 8 ઉમેદવારોનું રાજકીય ભાવી આવતીકાલે નક્કી થશે. એક રાઉન્ડમાં 14 બૂથની (booths) મતગણતરી હાથ ધરાશે, જેમાં પ્રથમ ગ્રામ્ય વિસ્તારના (rural area) બૂથોની મતગણતરી શરૂ કરાશે.

વિસાવદર વિધાનસભા પેટાચૂંટણી: 56.89% મતદાન સાથે 16 ઉમેદવારોનું ભાવિ નક્કી થશે

વિસાવદર વિધાનસભાની (Visavadar Assembly) પેટાચૂંટણીનું પરિણામ પણ આવતીકાલે જાહેર થશે. જૂનાગઢની (Junagadh) કૃષિ યુનિવર્સિટી (Agriculture University) ખાતે સવારે 8 વાગ્યાથી મતગણતરી હાથ ધરાશે. વિસાવદર વિધાનસભા બેઠકમાં કુલ 294 બૂથ (booths) આવેલા છે, જ્યાં 14 ટેબલ પર 21 રાઉન્ડમાં મતગણતરીની પ્રક્રિયા હાથ ધરાશે. આ બેઠક પર આપના ગોપાલ ઈટાલિયા અને ભાજપ અને કોંગ્રેસના ઉમેદવાર વચ્ચે ત્રિપાંખીયો જંગ જોવા મળ્યો હતો.

જિલ્લા ચૂંટણી અધિકારી (District Election Officer) અનિલ કુમાર રાણાવસીયાના માર્ગદર્શન હેઠળ માઇક્રો ઓબ્ઝર્વર (Micro Observer), કાઉન્ટિંગ સુપરવાઈઝર (Counting Supervisor) સહિત કુલ 60 થી વધુ કર્મચારીઓ મતગણતરીની પ્રક્રિયામાં જોડાશે. સુરક્ષા વ્યવસ્થાના (security arrangement) ભાગરૂપે બે DySP, 11 PI, 13 PSI સહિત કુલ 200 પોલીસકર્મીઓ પણ મતગણતરી કેન્દ્ર (counting center) પર તૈનાત કરવામાં આવશે. મતગણતરીની તમામ ગતિવિધિનું CCTV ની મદદથી મોનિટરિંગ (monitoring) પણ કરાશે. સૌપ્રથમ બેલેટ પેપરની (ballot paper) મતગણતરી હાથ ધરાશે, બાદમાં EVM ની મતગણતરી શરૂ થશે. વિસાવદર બેઠક પર સરેરાશ 56.89 ટકા જેટલું મતદાન થયું છે. આ પરિણામથી ભાજપ (BJP) ઉમેદવાર કિરીટ પટેલ, કોંગ્રેસ (Congress) ઉમેદવાર નીતિન રાણપરીયા અને આમ આદમી પાર્ટીના (Aam Aadmi Party) ઉમેદવાર ગોપાલ ઇટાલિયા સહિત કુલ 16 ઉમેદવારોનું રાજકીય ભાવી નક્કી થશે, અને ભાજપ (BJP), કોંગ્રેસ (Congress), AAP ત્રણેય પક્ષોની શાખ (prestige) દાવ પર લાગી છે.

આ પણ વાંચો

રાજ્યમાં મેઘરાજાની ધમધોકાર બેટિંગ: રાત્રે 8 વાગ્યા સુધીમાં 132 તાલુકાઓમાં વરસાદ, જામનગરના જોડિયામાં સૌથી વધુ 6.5 ઇંચ વરસાદ ખાબક્યો

ગ્રામ પંચાયત ચૂંટણી: 3656 સરપંચ અને 16224 સભ્યોની બેઠકો માટે મતદાન પૂર્ણ, જાણો ક્યા જિલ્લામાં કેટલું મતદાન થયું