Gujarat Rain: રાજ્યના 12 તાલુકાઓમાં 8 ઇંચથી વધુ વરસાદ, જાણો તમારા વિસ્તારમાં કેટલો પડ્યો વરસાદ
Gujarat Rain Update: રાજ્યમાં છેલ્લા ચોવીસ કલાકમાં સરેરાશ 36 ટકાથી વધુ વરસાદ વરસ્યો છે. છોટા ઉદેપુરના બોડેલીમાં સૌથી વધુ 22 ઇંચ વરસાદ તથા રાજ્યના 12 તાલુકાઓમાં 8 ઇંચથી વધુ વરસાદ પડ્યો છે.
Gujarat Rain Update: રાજ્યમાં છેલ્લા ચોવીસ કલાકમાં સરેરાશ ૩૬ ટકાથી વધુ વરસાદ વરસ્યો છે. છોટા ઉદેપુરના બોડેલીમાં સૌથી વધુ ૨૨ ઇંચ વરસાદ તથા રાજ્યના ૧૨ તાલુકાઓમાં ૮ ઇંચથી વધુ વરસાદ સહિત રાજ્યના ૬૯ તાલુકાઓમાં નોંધપાત્ર વરસાદ વરસ્યો હોવાના અહેવાલો છે. રાજ્યના સ્ટેટ ઇમરજન્સી ઓપરેશન સેન્ટર દ્વારા મળેલા અહેવાલો મુજબ આજે તારીખ ૧૧ જુલાઇ ૨૦૨૨ના રોજ સવારે છ કલાકે પુરા થતાં ૨૪ કલાક દરમિયાન કચ્છ ઝોનમાં સૌથી વધુ ૬૫.૪૫ ટકા, દક્ષિણ ગુજરાત ઝોનમાં ૪૧.૭૯ ટકા, સૌરાષ્ટ્રમાં ૩૯.૪૩ ટકા, પૂર્વ ગુજરાતમાં ૩૦.૦૭ ટકા અને ઉત્તર ગુજરાતમાં ૨૦.૪૪ ટકા સરેરાશ વરસાદ વરસ્યો છે.
ક્વાંટ તાલુકામાં ૪૩૨ મિ.મી., જાંબુઘોડામાં ૪૨૬ મિ.મી., જેતપુર પાવીમાં ૪૦૩ મિ.મી., છોટાઉદેપુરમાં ૩૩૦ મિ.મી., વઘઈમાં ૨૮૮ મિ.મી., આહવામાં ૨૭૫ મિ.મી., ધરમપુરમાં ૨૨૫ મિ.મી., અમદાવાદ શહેરમાં ૨૧૯ મિ.મી., સુબીરમાં ૨૧૧ મિ.મી., વાંસદામાં ૨૦૯ મિ.મી., કપરાડામાં ૨૦૪ મિ.મી., સાગબારામાં ૧૯૭ મિ.મી., સંખેડામાં ૧૮૮ મિ.મી., ડેડીયાપાડામાં ૧૮૬ મિ.મી., ડોલવણમાં ૧૮૦ મિ.મી., ઘોઘંબામાં ૧૫૮ મિ.મી., નડિયાદમાં ૧૪૩ મિ.મી., ગોધરામાં ૧૩૭ મિ.મી., સોજીત્રામાં ૧૩૬ મિ.મી., મહેમદાવાદ અને નસવાડીમાં ૧૩૫ મિ.મી., તિલકવાડા અને હાલોલમાં ૧૩૦ મિ.મી., ઉમરપાડામાં ૧૨૯ મિ.મી., ખેરગામમાં ૧૨૩ મિ.મી., મોરબીમાં ૧૨૧ મિ.મી., માતરમાં ૧૧૮ મિ.મી., ગરુડેશ્વરમાં ૧૧૩ મિ.મી., વસોમાં ૧૦૬ મિ.મી. એમ કુલ ૩૦ તાલુકાઓમાં ૪ ઇંચથી વધુ વરસાદ વરસ્યો છે.
ડભોઇમાં ૯૯ મિ.મી., ખેડામાં ૯૭ મિ.મી., ધોલેરામાં ૯૫ મિ.મી., આણંદમાં તથા શહેરામાં ૯૨ મિ.મી., મુન્દ્રા અને અબડાસામાં ૮૯ મિ.મી., ગણદેવીમાં ૮૫ મિ.મી., ખંભાતમાં ૮૪ મિ.મી., વાઘોડિયામાં ૮૨ મિ.મી., પેટલાદમાં ૮૧ મિ.મી., મહુવામાં ૮૦ મિ.મી., નવસારીમાં ૭૯ મિ.મી., ચીખલી, વલસાડ અને કઠલાલમાં ૭૮ મિ.મી., નાંદોદમાં ૭૭ મિ.મી., તારાપુર, વાલોદ અને દાહોદમાં ૭૩ મિ.મી., દહેગામમાં ૭૧ મિ.મી., કુકરમુંડામાં ૭૦ મિ.મી., પારડીમાં ૬૭ મિ.મી., કાલોલમાં ૬૫ મિ.મી., સાણંદમાં ૬૪ મિ.મી., વાપી તથા કડીમાં ૬૨ મિ.મી., પાદરા, દસકોઈ અને સોનગઢમાં ૬૦ મિ.મી., જલાલપોરમાં ૫૯ મિ.મી., કચ્છ-માંડવી અને વ્યારામાં ૫૮ મિ.મી., નખત્રાણામાં ૫૬ મિ.મી., કલોલમાં તથા લુણાવાડામાં ૫૫ મિ.મી., નિઝરમાં ૫૪ મિ.મી., માંગરોળ અને વડોદરામાં ૫૨ મિ.મી. એમ કુલ ૩૯ તાલુકાઓમાં બે થી ચાર ઇંચ વરસાદ નોંધાયો છે. જ્યારે રાજ્યના ૧૪૯ જેટલા તાલુકાઓમાં બે ઈંચથી ઓછો વરસાદ વરસ્યો હોવાના અહેવાલો પ્રાપ્ત થયા છે.
ભારેથી અતિભારે વરસાદની આગાહી
ગુજરાતમાં ભારે વરસાદને કારણે જનજીવન અસ્તવ્યસ્ત થઈ રહ્યું છે અને ઘણી અસર થઈ રહી છે. આવી સ્થિતિમાં અનેક જિલ્લાઓમાં પૂર જેવી સ્થિતિ સર્જાઈ છે., ભારતીય હવામાન વિભાગ (IMD) અનુસાર, ભારે વરસાદથી કોઈ રાહત નથી. હવામાન વિભાગે દક્ષિણ ગુજરાતના ડાંગ, નવસારી અને વલસાડ જિલ્લામાં આગામી પાંચ દિવસમાં ભારેથી અતિભારે વરસાદની આગાહી કરી છે. અગાઉ, અધિકારીઓએ જણાવ્યું હતું કે છોટા ઉદેપુર, પંચમહાલ (બંને મધ્ય ગુજરાતમાં) અને ડાંગ જિલ્લાના ઘણા ભાગોમાં ભારે વરસાદ થયો છે.
છોટા ઉદેપુરના બોડેલી તાલુકામાં રવિવારે સાંજે 6 વાગ્યા સુધીમાં માત્ર 12 કલાકમાં 433 મીમી વરસાદ નોંધાયો હતો, જેના કારણે ઉચ અને હેરાન નદીઓમાં પાણીનું સ્તર જોખમના નિશાનથી ઉપર વધી ગયું હતું અને નીચાણવાળા વિસ્તારોમાં પાણી ભરાયા હતા. નાયબ મામલતદાર સતીશ માલે જણાવ્યું હતું કે, "અમે અત્યાર સુધીમાં છોટા ઉદેપુર જિલ્લાના નસવારી તાલુકાના બોડેલી નગર અને અકોના ગામના નીચાણવાળા વિસ્તારોમાંથી 65 લોકોને બચાવ્યા છે. આ ઉપરાંત 800 થી વધુ લોકોને સુરક્ષિત સ્થળોએ ખસેડવામાં આવ્યા છે."
ટ્રેન્ડિંગ સમાચાર
ટોપ સ્ટોરી
