Lok Sabha Election 2024: 543ને બદલે 544 લોકસભા સીટો માટે તારીખોની જાહેરાત, શું ચૂંટણી પંચે કરી મોટી ભૂલ!
Lok Sabha Election Dates: ચૂંટણી પંચે કહ્યું કે, મણિપુરમાં લોકસભા સીટ માટે બે તબક્કામાં ચૂંટણી યોજાઈ રહી છે. તેથી, 543 બેઠકોને બદલે, 544 બેઠકો ચાર્ટમાં દેખાય છે. આઉટર મણિપુર સીટ પર બે દિવસ સુધી મતદાન થશે.
Lok Sabha poll date announcement: ચૂંટણી પંચે શનિવારે લોકસભા ચૂંટણીની તારીખોની જાહેરાત કરી હતી. 19 એપ્રિલથી 1 જૂન સુધી દેશભરમાં 7 તબક્કામાં મતદાન થશે. 4 જૂને પરિણામ આવશે. ચૂંટણીની તારીખોની જાહેરાત કરતી વખતે, ચૂંટણી પંચે તમામ તબક્કાઓની શીટ શેર કરી હતી. પરંતુ લોકસભાની 543 સીટોને બદલે 544 સીટો દેખાઈ રહી છે.
જ્યારે આ અંગે સવાલ કરવામાં આવ્યો ત્યારે મુખ્ય ચૂંટણી કમિશનર રાજીવ કુમારે સ્પષ્ટતા કરી કે જાતિ હિંસા વચ્ચે ખાસ સ્થિતિને કારણે મણિપુરમાં એક બેઠક પર બે તબક્કામાં મતદાન થશે.
અગાઉ, ચૂંટણીની તારીખોની જાહેરાત કરતી વખતે રાજીવ કુમારે કહ્યું હતું કે, દેશભરમાં પ્રથમ તબક્કા માટે 19 એપ્રિલે મતદાન થશે. બીજા તબક્કા માટે 26મી એપ્રિલે, ત્રીજા તબક્કા માટે 7મી મે, ચોથા તબક્કા માટે 13મી મે, 5માં તબક્કા માટે 20મી મે, 6ઠ્ઠા તબક્કા માટે 25મી મે અને 7માં તબક્કા માટે 1લી જૂને મતદાન થશે.
મણિપુરમાં લોકસભાની બે બેઠકો છે. અહીં આઉટર મણિપુર સીટ પર બે દિવસ સુધી મતદાન થશે. ગયા વર્ષથી મણિપુરમાં ફેલાયેલી હિંસાને ધ્યાનમાં રાખીને ચૂંટણી પંચે આ નિર્ણય લીધો છે. મણિપુરની આંતરિક મણિપુર બેઠક માટે 19 એપ્રિલે મતદાન થશે. જ્યારે આઉટર મણિપુર સીટ પર 19મી એપ્રિલ અને 26મી એપ્રિલે મતદાન થશે. 4 જૂને પરિણામ આવશે. આ લોકસભાનો કાર્યકાળ 16 જૂને પૂરો થઈ રહ્યો છે. ચૂંટણી પંચે કહ્યું કે, હિંસા પ્રભાવિત વિસ્તારોમાં રાહત શિબિરોમાં રહેતા લોકો માટે મતદાન મથક બનાવવાનો નિર્ણય લેવામાં આવ્યો છે.
મણિપુરમાં ગયા વર્ષે 3 મેથી હિંસા ચાલી રહી છે. Meitei અને Kuki સમુદાયો હિંસાના કેન્દ્રમાં છે. આ હિંસામાં અત્યાર સુધીમાં 200 લોકોએ જીવ ગુમાવ્યા છે. સરકારી આંકડાઓ અનુસાર, સુરક્ષા દળોએ 25,000થી વધુ લોકોને બચાવ્યા છે. જ્યારે 50 હજાર લોકો હજુ પણ રાહત શિબિરોમાં રહેવા મજબૂર છે.
ટોપ સ્ટોરી
ટ્રેન્ડિંગ સમાચાર
