Crime News: ભાવનગરમાં દારૂ પીને ધમાલ કરી રહેલા શખ્સોએ યુવાનને મોતને ઘાટ ઉતાર્યો, પોલીસની કામગીરી પર ઉઠ્યા સવાલો

Crime News: ભાવનગરના મહુવા તાલુકાના મોણપર ગામે સામાન્ય બાબતે છરીના ઘા ઝીંકી યુવકનવી હત્યા કરવામાં આવી છે. ખેત મજૂરી કરતા ભીમજી ગોહિલ નામના યુવાનને મોતને ઘાટ ઉતારી દેવામાં આવતા ચકચાર મચી ગઈ છે.

બગદાણા પોલીસ સ્ટેશન

Crime News: ભાવનગરના મહુવા તાલુકાના મોણપર ગામે સામાન્ય બાબતે છરીના ઘા ઝીંકી યુવકનવી હત્યા કરવામાં આવી છે. ખેત મજૂરી કરતા ભીમજી ગોહિલ નામના યુવાનને મોતને ઘાટ ઉતારી દેવામાં આવતા ચકચાર મચી ગઈ છે. બગદાણા પોલીસ સ્ટેશન પાસે જ આવેલા મોણપર ગામે દેશી દારૂના અડ્ડા પર દારૂ પીને ધમાલ કરી રહેલા શખ્સોએ યુવાનો ભોગ લીધો છે. દેશી દારૂના સ્ટેન્ડ ચલાવનાર મહિલા સહિત ચાર શખ્સોએ બે પુત્રના પિતાની કરપીણ હત્યા કરતા કાયદો અને વ્યવસ્થાની સ્થિતિને લઈને અનેક સવાલો ઉઠી રહ્યા છે. મુખ્ય આરોપી શક્તિ ગોહિલ દારૂ પીને નશાની હાલતમાં બજારમાં ગાળો બોલતો હતો જેને સમજાવા જતા ઉશ્કેરાયેલા કુલ ચાર શખ્સોએ હત્યા કરી નાખી હતી. જુવાન જોધ બે પુત્રએ પિતાની છત્રછાયા ગુમાવી છે. તો બીજી તરફ પોલીસ સ્ટેશન પાસે ચાલતા દેશી દારૂના દૂષણને લઇ બગદાણા પોલીસ સ્ટેશન પર અનેક સવાલો ઉઠી રહ્યા છે.

રાજકોટમાં પિતા બન્યો હેવાન

રાજકોટમાં સંબંધોને શર્માસાર કરતી ઘટના સામે આવી છે. પાલક પિતાએ પુત્રી સાથે અડપલા કરતા લોકો ધિક્કાર વરસાવી રહ્યા છે. મળતી માહિતી પ્રમાણે પાલક પિતાએ કારખાનેદાર સાથે મળી પુત્રી સાથે અડપલાં કર્યા હતા. આ ઉપરાંત અવારનવાર સગીરા સાથે દુષ્કર્મ આચર્યું હોવાની પણ વાત સામે આવી છે. આ અંગે બામણબોર પોલીસ સ્ટેશનમાં ફરિયાદ દાખલ કરવામાં આવી છે. IPC કલમ ૩૭૬ એ(બી), ૩૫૪(ક), ૫૦૬(૨),૧૧૪ તથા પોક્સો એક્ટ કલમ ૪, ૬, ૮, ૧૦ મુજબ પોલીસ ફરિયાદ નોંધાઈ છે. પોલીસ આ અંગે હવે વધુ કાર્યવાહી હાથ ધરશે.

નવી દિલ્હી રેલવે સ્ટેશન પર અડધી રાત્રે મહિલા પર બળાત્કાર

નવી દિલ્હી રેલવે સ્ટેશન પર ફૂટ ઓવર બ્રિજ નીચે ગેંગરેપની ઘટના બની છે. આ ઘટના 21 જૂલાઈની રાતની હોવાની જાણકારી મળી રહી છે. દિલ્હી પોલીસે આ કેસમાં 4 આરોપીઓની ધરપકડ કરી છે. આરોપીઓ પૈકી એક મહિલાનો ઓળખીતો હોવાનું કહેવાય છે. રેલવે ડીસીપી હરેન્દ્ર સિંહે જણાવ્યું હતું કે ગુરુવારે રાત્રે રેલવે સ્ટેશનના પ્લેટફોર્મ 8-9 પર ઈલેક્ટ્રીકલ મેઇન્ટેનન્સ સ્ટાફ દ્વારા 30 વર્ષીય પીડિતા પર બળાત્કાર કરવામાં આવ્યો હતો. તમામ 4 આરોપીઓ ઇલેક્ટ્રિક વિભાગમાં રેલવે કર્મચારી છે.

આ ઘટના 22 જૂલાઇની રાત્રે 12.30 વાગ્યાની જણાવવામાં આવી રહી છે. ગેંગ રેપની ઘટના ટ્રેનની લાઇટિંગ હટમાં બની હતી. ફોન કરનારે જણાવ્યું હતું કે રેલવે સ્ટેશનના એક રૂમમાં બે લોકોએ તેના સાથે બળાત્કાર કર્યો છે. આ કોલ પહેલીવાર PS ODRS પર લગભગ 02:27 વાગ્યે આવ્યો હતો. ત્યાંના સ્ટાફે ફોન કરનાર મહિલાની શોધખોળ કરી હતી, પરંતુ તેની કોઇ ભાળ મળી નહોતી. આપેલા મોબાઈલ નંબર પર સંપર્ક કરતાં જાણવા મળ્યું હતું કે મહિલા નવી દિલ્હી રેલવે સ્ટેશનના પ્લેટફોર્મ નંબર 8-9 પર ઊભી છે.