Bhavnagar Rain: ભાવનગર જિલ્લામાં મેઘરાજાની એન્ટ્રી, પાલિતાણા અને ગારીયાધારમાં વરસ્યો વરસાદ

ભાવનગર જિલ્લામાં આજે ફરી ત્રીજા દિવસે મેઘમહેર થઈ છે. ભાવનગર જિલ્લામાં વાતાવરણમાં પલટો આવ્યો છે. હવામાન વિભાગે ભાવનગર જિલ્લામાં વરસાદની આગાહી કરી હતી.

ગારીયાધારમાં વરસાદ

ભાવનગર: ભાવનગર જિલ્લામાં આજે ફરી ત્રીજા દિવસે મેઘમહેર થઈ છે. ભાવનગર જિલ્લામાં વાતાવરણમાં પલટો આવ્યો છે. હવામાન વિભાગે ભાવનગર જિલ્લામાં વરસાદની આગાહી કરી હતી. ભાવનગર જિલ્લાના પાલીતાણા પંથકમાં મેઘરાજાનું આગમન થયું છે.  પાલીતાણાના ઘેટી, દુધાળા, નાનીમાળ,કંજરડા, આદપુર, સેજળીયા,ખીજડીયા,મોખડકા, માલપરા,  ભારાટીંબા અને મઢડા સહિતના પંથકમાં વરસાદી માહોલ જામ્યો છે. પાલીતાણા શહેર અને ગ્રામ્ય પંથક મેઘરાજાની એન્ટ્રીથી ખેડૂતોમાં ખુશીનો માહોલ છે. 

આજે સતત ત્રીજા દિવસ પણ ભાવનગર જિલ્લાના વાતાવરણમાં પલટો આવ્યો છે.  જિલ્લાના ગારીયાધાર પંથકમાં ત્રીજા દિવસે પણ મેઘરાજાની ધમાકેદાર એન્ટ્રી થઈ છે.  ગારીયાધારના ગ્રામ્ય વિસ્તારોમાં મેઘરાજાનું આગમન થયું છે.  

ગારીયાધારના  પાંચ ટોબરા, માંનવિલાસ, મોટી વાવડી, સુખપર, સૂરનગર, ચોમલ, માનગઢ, વેળાવદર,વીરડી, મોરબા, નવાગામ,લુવારા, ખોડવદરી, રતનવાવ,પરવડી,  સહિતના વિસ્તારમાં વરસાદ વરસ્યો છે.  ઉપર પડેલા વરસાદના કારણે ગારીયાધારમાં પસાર થતી શેત્રુંજી નદીમાં નવા નીરની  આવક થઈ છે.

  

આગામી ત્રણ કલાક ગાજવીજ સાથે વરસાદની આગાહી

રાજ્યના હવામાન વિભાગ દ્વારા વરસાદને લઈ આગાહી કરવામાં આવી છે. હવામાન વિભાગના જણાવ્યા અનુસાર, આગામી ત્રણ કલાકમાં ગાજવીજ સાથે સામાન્ય છુટા છવાયા વરસાદની આગાહી કરવામાં આવી છે.  હવામાન વિભાગના અનુસાર,  ગાજ વીજ અને ભારે પવન સાથે વરસાદ વરસી શકે છે. ગુજરાતના  નર્મદા, ડાંગ, વલસાડ, દાદરા નગર હવેલી, સુરેન્દ્રનગર, જામનગર, અમરેલી, ભાવનગર, અને દ્વારકામાં સામાન્ય વરસાદની આગાહી કરવામાં આવી છે. 

અમદાવાદ અને વડોદરામાં પણ હવામાન વિભાગ દ્વારા સામાન્ય વરસાદની આગાહી કરાઈ છે. અમદાવાદ, વડોદરા, છોટાઉદેપુર, ભરૂચ, સુરત, તાપી, નવસારી, દમણ, રાજકોટ, મોરબી, બોટાદ  અને કચ્છમાં વરસાદની આગાહી કરવામાં આવી છે. 

રાજ્યના 25 તાલુકામાં મેઘમહેર 

રાજ્યમાં છેલ્લા 24 કલાકમાં 25 તાલુકામાં વરસાદ ખાબક્યો હતો. જેમાં સૌથી વધારે દ્વારકા જીલ્લામાં પડ્યો હતો. દ્વારકા જિલ્લાનાં ખંભાળિયા પંથકમાં ભારે વરસાદને કારણે જળબંબાકારની સ્થિતિ સર્જાઈ છે. માત્ર 6 કલાકમાં ખંભાળિયામાં 10 ઇંચ વરસાદ ખાબક્યો હતો, જે આ વર્ષનો સૌથી વધુ વરસાદ છે. આ સાથે જ ખંભાળિયામાં પ્રથમ વરસાદમાં જ મોસમનો 32.5 ટકા વરસાદ પડી ગયો છે.

પોરબંદરમાં પણ 3 ઇંચ વરસાદ ખાબક્યો હતો, જેના કારણે અનેક સ્થળોએ પાણી ભરાયા હતા. ભાણવડમાં 2.5 ઇંચ, રાણાવાવમાં 1.5 ઇંચ, જ્યારે લીલિયા અને બાબરામાં 0.5 ઇંચ વરસાદ નોંધાયો હતો.

જૂનાગઢ, માણાવદર, માંગરોળ, કેશોદ, જામજોધપુર, કોટડાસાંગાણી, વિંછીયા, મોરબી, પડધરી અને કુતિયાણામાં પણ હળવાથી ભારે વરસાદના ઝાપટા પડ્યા હતા.