Breaking News Live: '6 વર્ષ થવા આવ્યા, મણિપુરે આતંકવાદનો સામનો કર્યો નથી', મિશન ઉત્તરપૂર્વ પર અમિત શાહ
Latest News Update: દિલ્લી પોલીસે કારના માલીક આશુતોષની ધરપકડ કરી લીધી છે. સમગ્ર ઘટના સમયે આ કારનો માલીક હાજર ન હતો પરંતુ ઘટના બાદ આરોપીને બચાવવાનો તેના પર આરોપ છે.
LIVE
Background
Latest News Update: દિલ્લી પોલીસે કારના માલીક આશુતોષની ધરપકડ કરી લીધી છે. સમગ્ર ઘટના સમયે આ કારનો માલીક હાજર ન હતો પરંતુ ઘટના બાદ આરોપીને બચાવવાનો તેના પર આરોપ છે.
કાંઝાવાલા ઘટનામાં દિલ્હી પોલીસને મોટી સફળતા મળી છે. પોલીસે આ કેસમાં છઠ્ઠા આરોપીની પણ ધરપકડ કરી લીધી છે. હવે જેની ધરપકડ કરવામાં આવી છે તેની કારમાં અકસ્માત થયો હતો. કારનો માલિક આશુતોષ પોલીસના હાથે ઝડપાઈ ગયો છે. અગાઉ ગત રવિવારે એટલે કે 1 જાન્યુઆરીએ પોલીસે પાંચ આરોપીઓની ધરપકડ કરી હતી.
ગુરુવારે (5 જાન્યુઆરી) એક પ્રેસ કોન્ફરન્સમાં દિલ્હી પોલીસે જણાવ્યું હતું કે, અકસ્માત સમયે આશુતોષ ત્યાં હાજર નહોતો પરંતુ તેણે બાદમાં આરોપીઓની મદદ કરી હતી. દિલ્હી પોલીસે જણાવ્યું હતું કે આ કેસમાં વધુ બે આરોપીઓ છે, જેમની ધરપકડ કરવામાં આવનાર છે. તેમાંથી આશુતોષની ધરપકડ કરવામાં આવી છે, પોલીસ હવે અન્ય શંકાસ્પદ એટલે કે અંકુશ ખન્નાને શોધી રહી છે. પોલીસે કહ્યું હતું કે આ કેસમાં 5 નહીં પરંતુ 7 આરોપી છે.
આરોપીને બચાવવાનો પ્રયાસ કર્યો
સ્પેશિયલ કમિશનર ઓફ પોલીસ સાગર પ્રીત હુડ્ડાએ જણાવ્યું હતું કે, "તેમની (આશુતોષ અને અંકુશ ખન્નાની) સંડોવણી સીસીટીવી ફૂટેજ અને કોલ ડિટેલ રેકોર્ડ્સ દ્વારા સ્થાપિત કરવામાં આવી છે. આ બંને આરોપીની બચાવી રહ્યાં છે.
આશુતોષે પોલીસ સમક્ષ ખોટું નિવેદન આપ્યું
દિલ્હી પોલીસે જણાવ્યું કે આરોપીએ આશુતોષને કાંઝાવાલામાં અકસ્માત વિશે જણાવ્યું હતું, પરંતુ તેણે પોલીસને જાણ કરી ન હતી. ઈશીની સાથે આશુતોષે પણ પોલીસને અમિત વિશે ખોટી માહિતી આપી હતી. આશુતોષે પોલીસને જણાવ્યું હતું કે તેણે કાર અમિતને નહીં પરંતુ વિકાસને આપી હતી, જ્યારે તે રાત્રે અમિત કાર ચલાવતો હતો અને અમિત કાર પણ લઈ ગયો હતો.
જેના પર કાર ચલાવવાનો આરોપ છે જે ક ઘરે હતો
કાંઝાવાલા ઘટનાની તપાસ કરી રહેલી દિલ્હી પોલીસની ટીમને વધુ એક મહત્વપૂર્ણ માહિતી મળી છે. પોલીસે ખુલાસો કર્યો છે કે, જે વ્યક્તિ પર કાર ચલાવવાનો આરોપ છે જેણે 20 વર્ષની અંજલિ સિંહને ખેંચી હતી તે અકસ્માત સમયે કારમાં પણ નહોતો. પોલીસે જણાવ્યું હતું કે, આરોપી દીપક ખન્નાને તેના પિતરાઈ ભાઈ અને મિત્રોએ પોલીસને એવું કહેવાનું કહ્યું હતું કે, તે સમયે તે સમયે કારમાં હતો કારણે કે માત્ર તેમની પાસે જ ડ્રાઇવિંગ લાયસન્સ હતું.
ફોન લોકેશન પરથી ખબર પડી
તપાસ દરમિયાન, પોલીસને જાણવા મળ્યું કે તે સમયે દીપકનું ફોન લોકેશન કેસના અન્ય ચાર આરોપીઓ સાથે મેળ ખાતું નથી. પોલીસે જણાવ્યું હતું કે તેનું ફોન લોકેશન અને કોલ રેકોર્ડ દર્શાવે છે કે તે આખો દિવસ ઘરે હતો. 26 વર્ષીય દીપક ગ્રામીણ સેવાનો ડ્રાઈવર છે અને તેની પણ પોલીસે કાંઝાવાલા કેસમાં ધરપકડ કરી હતી.
અત્યાર સુધીમાં કેટલાની ધરપકડ થઈ?
સુલ્તાનપુરી પોલીસે રવિવારે (1 જાન્યુઆરી) દિપક ખન્ના (26), અમિત ખન્ના (25), ક્રિષ્ના (27), મિથુન (26) અને મનોજ મિત્તલની ધરપકડ કરી હતી. પોલીસે તેમની સામે ભારતીય દંડ સંહિતાની વિવિધ કલમો હેઠળ એફઆઈઆર નોંધી છે, શુક્રવારે, પોલીસે કેસના છઠ્ઠા આરોપી આશુતોષ (કારના માલિક)ની પણ ધરપકડ કરવામાં આવી છે.
DCW ચીફ સ્વાતિ માલીવાલે એર ઈન્ડિયાને આપી નોટિસ
નશામાં ધૂત પુરુષો દ્વારા ફ્લાઈટમાં મહિલા પર પેશાબ કરવાની તાજેતરની ઘટનાઓ ઘૃણાજનક અને શરમજનક છે. ચોંકાવનારી વાત એ છે કે હજુ સુધી આરોપીઓની ધરપકડ કરવામાં આવી નથી. ફક્ત વ્યક્તિ પર પ્રતિબંધ મૂકવો પૂરતો નથી. હું આ મામલે દિલ્હી પોલીસ, DGCA અને એર ઈન્ડિયાને નોટિસ જારી કરું છું: DCW ચીફ સ્વાતિ માલીવાલ
મનીષ સિસોદિયાએ ભાજપ પર આકરા પ્રહારો કર્યા હતા
દિલ્હીના ડેપ્યુટી સીએમ મનીષ સિસોદિયાએ કહ્યું કે MCDમાં ભાજપના લોકો તેમના દુષ્કર્મ છુપાવવા માટે કેટલા નીચા જશે! સિસોદિયાએ એક ટ્વિટમાં લખ્યું, "ચૂંટણી મોકૂફ રાખવામાં આવી, પ્રિસાઇડિંગ ઓફિસરની ગેરકાયદેસર નિમણૂક, નોમિનેટેડ કાઉન્સિલરોની ગેરકાયદેસર નિમણૂક અને હવે લોકો દ્વારા ચૂંટાયેલા કાઉન્સિલરોને શપથ નથી લેવાઈ રહ્યા. જો તમે લોકોના નિર્ણયનું સન્માન નથી કરી શકતા તો ચૂંટણી શા માટે? "
મોદી-શાહના નેતૃત્વમાં મણિપુર વિકાસના માર્ગ પર
પ્રવાસે મણિપુર પહોંચેલા અમિત શાહે કહ્યું કે 6 વર્ષ થઈ ગયા, મણિપુરને ક્યારેય આતંકવાદનો સામનો કરવો પડ્યો નથી. કેન્દ્રીય ગૃહમંત્રીએ કહ્યું કે મોદીજીના નેતૃત્વમાં મણિપુર વિકાસના માર્ગ પર છે. અમિત શાહ મિશન ઈશાન પર બોલી રહ્યા છે.
કાંઝાવાલા કેસઃ પોલીસે અંજલિના મિત્ર નવીનને બોલાવ્યો
કાંઝાવાલા કેસમાં અંજલિના મિત્ર નવીનને પોલીસે પૂછપરછ માટે બોલાવ્યો હતો. એબીપી ન્યૂઝે પોલીસ સ્ટેશનની બહાર નવીન સાથે વાત કરવાનો પ્રયાસ કર્યો પરંતુ તેણે કંઈ કહ્યું નહીં. અગાઉ પોલીસે નિધિને પૂછપરછ માટે બોલાવવામાં આવી હોવાની માહિતી આપી હતી.
ગુજરાતી મેગેઝિન ચિત્રલેખાના મધુરી કોટકનું નિધન
પીએમ મોદીએ ટ્વિટ કરીને લખ્યું, “ચિત્રલેખા” પરિવારના મધુરીબેનના અવસાનથી દુઃખી છું. એમનું અવસાન વાચક જગત માટે મોટી ખોટ છે. સદ્ગતના આત્માની શાંતિ માટે પ્રાર્થના તથા શોકગ્રસ્ત પરિવાર અને એમના વિશાળ વાચકવર્ગને સાંત્વના...ઓમ શાંતિ !!
ટ્રેન્ડિંગ સમાચાર
ટોપ સ્ટોરી
