![ABP Premium](https://cdn.abplive.com/imagebank/Premium-ad-Icon.png)
Stock Market: NDA સરકાર નહી બને તો 20 ટકા તૂટી જશે શેરબજાર, એક્સપર્ટે આપી ચેતવણી
લોકસભા ચૂંટણી 2024ના છેલ્લા તબક્કા માટે 1 જૂને મતદાન થવાનું છે. આ પછી 4 જૂને પરિણામ જાહેર થશે.
લોકસભા ચૂંટણી 2024ના છેલ્લા તબક્કા માટે 1 જૂને મતદાન થવાનું છે. આ પછી 4 જૂને પરિણામ જાહેર થશે. તે દિવસે લગભગ નક્કી થઈ જશે કે કોની સરકાર બનવા જઈ રહી છે. આવી સ્થિતિમાં, નિષ્ણાતોએ ચૂંટણી પરિણામોને લઈને પોતાનો અભિપ્રાય આપ્યો છે અને કહ્યું છે કે જો NDA ગઠબંધન તેની સરકાર નહીં બનાવી શકે તો બજારમાં શું થશે?
કોટક અલ્ટરનેટ એસેટ મેનેજર્સના ચીફ ઇન્વેસ્ટમેન્ટ સ્ટ્રેટેજિસ્ટ જીતેન્દ્ર ગોહિલે ચેતવણી આપી છે કે જો NDA ગઠબંધન આગામી સરકાર બનાવવામાં નિષ્ફળ જશે તો શેરબજારમાં 20 ટકાથી વધુનો ઘટાડો થઈ શકે છે અને તેને સંપૂર્ણ રીતે રિકવર થવામાં સમય લાગી શકે છે. ગોહિલે જણાવ્યું હતું કે આવા પરિણામની સંભાવના ઓછી છે, પરંતુ રોકાણકારો માટે તેમના પોર્ટફોલિયોમાં વિવિધતા લાવવી અને ચૂંટણી પરિણામો અગાઉ જોખમ ઓછું કરવું તે સમજદારી છે.
એક્ઝિટ પોલ નક્કી કરશે માર્કેટની ચાલ
3 જૂનના રોજ એક્ઝિટ પોલ પહેલા ગોહિલે જણાવ્યું હતું કે તેમની રોકાણ સમિતિએ ઇક્વિટી પર સ્થિર વલણ જાળવી રાખ્યું છે. તેમણે કહ્યું કે અમારા મતે એ વાતની પુરી સંભાવના છે કે એનડીએ સરકાર બનાવશે અને ભાજપને પૂર્ણ બહુમત મળશે. ચૂંટણી 1 જૂનના રોજ સમાપ્ત થશે અને 3 જૂનના એક્ઝિટ પોલ અનુસાર બજાર પ્રતિક્રિયા આપશે.
ગોહિલે વધુમાં જણાવ્યું હતું કે અગાઉની 303 બેઠકોની સરખામણીમાં ભાજપની 10-20 બેઠકોથી જીતથી બજારની ચાલમાં બહુ ફરક પડશે નહીં કારણ કે રોકાણકારો સ્થિર સરકારની શોધમાં છે જે નીતિઓ ચાલુ રાખે. આ કારણોસર અમારા મતે જો ભાજપને પૂર્ણ બહુમતી મળે તો તે બજાર માટે સારું રહેશે.
જો ભાજપને પૂર્ણ બહુમતી નહીં મળે
તેમણે કહ્યું કે જો ભાજપ સંપૂર્ણ બહુમતી કરતા ઓછી બેઠકો મેળવે અને તેના NDA સહયોગીઓ સાથે ગઠબંધન સરકાર બનાવે તો શું? આ સ્થિતિમાં અમે માનીએ છીએ કે માર્કેટ 5-10 ટકા સુધી ઘટી શકે છે. જોકે, મધ્યમ ગાળામાં આનાથી બહુ ફરક નહીં પડે અને બજારમાં સુધારો થઈ શકે છે. જો કે, જો NDA સરકાર બનાવવામાં નિષ્ફળ જાય છે, તો બજાર 20 ટકાથી વધુ ઘટી શકે છે અને તેને સંપૂર્ણ રીતે રિકવર થવામાં સમય લાગશે.
શું આ ક્ષેત્રોમાં મોટો ઘટાડો થશે?
ગોહિલે જણાવ્યું હતું કે જો NDA સત્તામાં નહીં આવે તો PSU, કેપિટલ ગુડ્સ, ઇન્ફ્રા, ડિફેન્સને લગતા શેર્સમાં મોટી વેચવાલી થઈ શકે છે, પરંતુ IT અને FMCG સેક્ટરમાં ખરીદી થઇ શકે છે. તેમણે કહ્યું કે જ્યારે નીતિગત ફેરફારોની આગાહી કરવી મુશ્કેલ છે, કોટક માને છે કે છેલ્લા 10 વર્ષના સુધારાને ઉલટાવવું મુશ્કેલ હશે.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)