(Source: ECI/ABP News/ABP Majha)
બાયોડેટા તૈયાર રાખો! ભારતમાં આ ક્ષેત્રમાં 80000 લોકોને મળશે નોકરી, રિપોર્ટમાં થયો ખુલાસો
Upcoming jobs in 2024: આ રિપોર્ટ દર્શાવે છે કે ભારતમાં રોજગારની તકો ઝડપથી વધી રહી છે અને આ પરિવર્તન નાના શહેરો અને નવા વિસ્તારોમાં પણ પહોંચી રહ્યું છે.
TeamLease job report 2024: બેરોજગાર યુવાઓ માટે સારા સમાચાર મળી રહ્યા છે. આવનારા સમયમાં ભારતમાં મોટી મોટાપાયે ભરતી થવાની છે. ભારતની સ્ટાફિંગ કંપની ટીમલીઝ સર્વિસે તેના નવા એમ્પ્લોયમેન્ટ આઉટલુક રિપોર્ટમાં ઓક્ટોબર 2024 અને માર્ચ 2025 વચ્ચે રોજગાર દરમાં 7.1% વૃદ્ધિનો અંદાજ મૂક્યો છે, જે અગાઉના અર્ધવાર્ષિક ગાળામાં 6.33% હતો. રિપોર્ટ અનુસાર, 59% કંપનીઓ કર્મચારીઓની સંખ્યામાં વધારો કરવાની યોજના બનાવી રહી છે, જ્યારે 22% વર્તમાન સ્ટાફને જાળવી રાખવાની શક્યતા છે અને 19% કર્મચારીઓની સંખ્યામાં ઘટાડો કરે તેવી શક્યતા છે.
લોજિસ્ટિક્સ સેક્ટરમાં 14.2%ની વૃદ્ધિ સાથે, 69% કંપનીઓ તેમના સ્ટાફમાં વધારો કરવાની યોજના બનાવી રહી છે. નેશનલ લોજિસ્ટિક્સ પોલિસી, 5જી ટેક્નોલોજી અને ગ્રીન સપ્લાય ચેઇન જેવા પ્રયાસોએ આમાં મહત્વની ભૂમિકા ભજવી છે.
EVs અને EV ઈન્ફ્રાસ્ટ્રક્ચરમાં 12.1% વૃદ્ધિ, જે ક્ષેત્રની વધતી જતી લોકપ્રિયતાને પ્રતિબિંબિત કરે છે અને ઇકો-ફ્રેન્ડલી સોલ્યુશન્સ તરફ વધતો ઝોક દર્શાવે છે.
કૃષિ અને કૃષિ રસાયણ ક્ષેત્રની વાત કરીએ તો, 10.5% વૃદ્ધિ થઈ છે, જે કૃષિમાં ટેક્નોલોજી અને નવીનતાના વધતા ઉપયોગનું પરિણામ છે.
ઈ-કોમર્સ અને ટેક સ્ટાર્ટઅપ્સમાં 8.9% નો થોડો વધારો જોવા મળી રહ્યો છે, જેમાં AI અને ડેટા એનાલિટિક્સનો ઉપયોગ મુખ્ય રહ્યો છે.
ઓટોમોટિવ અને રિટેલ સેક્ટરમાં અનુક્રમે 8.5% અને 8.2% વૃદ્ધિ જોવા મળી રહી છે. સ્માર્ટ ટેક્નોલોજી અને હાઇપરલોકલ ડિલિવરીએ આ ક્ષેત્રને નવી દિશા આપી છે.
પરંપરાગત હબ જેમ કે બેંગલુરુ (53.1%), મુંબઈ (50.2%), અને હૈદરાબાદ (48.2%) રોજગાર કેન્દ્રો છે. આ સાથે, કોઈમ્બતુર (24.6%), ગુડગાંવ (22.6%), અને જયપુર જેવા શહેરો પણ પ્રતિભા અને તકો બંનેને આકર્ષિત કરીને ઝડપથી ઉભરી રહ્યાં છે. આજના જોબ માર્કેટમાં, કંપનીઓ સમસ્યાનું નિરાકરણ (35.3%), સમય વ્યવસ્થાપન (30.4%), અને વેચાણ પછીની સેવા (28.4%) જેવી કુશળતાને પ્રાથમિકતા આપી રહી છે. કોમ્યુનિકેશન (57.8%), વેચાણ અને માર્કેટિંગ (44.6%), અને જટિલ વિચારસરણી (37.3%) પણ અત્યંત મહત્વપૂર્ણ છે.
રિપોર્ટ અનુસાર, 59% કંપનીઓ ક્લાઉડ-આધારિત સોલ્યુશન્સ, 45% ઓટોમેશન ટૂલ્સ અને 37% IoT જેવી તકનીકોને પસંદ કરી રહી છે. રિપોર્ટ અનુસાર, સેમિકન્ડક્ટર મિશન હેઠળ રૂ. 1.25 લાખ કરોડના રોકાણ સાથે 80,000 નવી નોકરીઓનું સર્જન થવાની અપેક્ષા છે.
આ રિપોર્ટ દર્શાવે છે કે ભારતમાં રોજગારની તકો ઝડપથી વધી રહી છે અને આ પરિવર્તન નાના શહેરો અને નવા વિસ્તારોમાં પણ પહોંચી રહ્યું છે.
આ પણ વાંચોઃ
EPFOએ નવી ગાઈડલાઈન બહાર પાડી, આ કર્મચારીઓ આધાર વગર PFમાંથી પૈસા ઉપાડી શકશે
ટ્રેન્ડિંગ સમાચાર
ટોપ સ્ટોરી
