ફ્રીમાં Aadhaar અપડેટ કરવું હોય તો જલ્દી કરો, માત્ર 3 દિવસ બાકી છે, પછી ચૂકવવા પડશે આટલા રૂપિયા
Aadhaar Card: જો તમે આધાર કાર્ડ અપડેટ કરવા માંગો છો, તો તમારા માટે સારા સમાચાર છે. UIDAIએ 14 જૂન સુધી આધારને મફતમાં અપડેટ કરવાની સુવિધા આપી છે. તેનો લાભ કેવી રીતે લેવો તે જાણો.
Aadhaar Card Update: દેશના દરેક નાગરિકની ઓળખ માટે આધાર કાર્ડ એક મહત્વપૂર્ણ દસ્તાવેજ છે. આધાર નંબર જારી કરનાર સંસ્થા યુનિક આઈડેન્ટિફિકેશન ઓથોરિટી ઓફ ઈન્ડિયા (UIDAI) તમામ પ્રકારની સરકારી અને અન્ય સેવાઓમાં ઉપયોગમાં લેવાતા આધાર કાર્ડમાં જરૂરી ફેરફારો અંગે વિશેષ સુવિધા પૂરી પાડી રહી છે. વાસ્તવમાં, UIDAIએ નાગરિકોને તેમના આધાર કાર્ડને મફતમાં ઑનલાઇન અપડેટ કરવાની મંજૂરી આપી છે. સામાન્ય રીતે આધારની વિગતો અપડેટ કરવા માટે 50 રૂપિયાનો ચાર્જ ચૂકવવો પડે છે.
UIDAI સમયાંતરે આધાર વિગતો અપડેટ કરવા માટે પ્રોત્સાહિત કરતું રહે છે. જો તમારા આધાર કાર્ડમાં કોઈ પણ માહિતી ખોટી રીતે નોંધાયેલી છે અને તમે તેને સુધારવા માંગો છો, તો આ કામ મફતમાં કરાવવાનો હવે યોગ્ય સમય છે. લોકોની સુવિધાને ધ્યાનમાં રાખીને UIDAIએ આધાર કાર્ડમાં અપડેટને થોડા સમય માટે ફ્રી કરી દીધું છે. હવે આધારને ઓનલાઈન અપડેટ કરવા માટે કોઈ પૈસા ચૂકવવાના રહેશે નહીં. તે જ સમયે, જો તમે આધાર કેન્દ્ર પર જઈને આ કામ કરો છો, તો તમારે હજુ પણ 50 રૂપિયા ચૂકવવા પડશે.
આધારને 14 જૂન, 2023 સુધી નિઃશુલ્ક ઑનલાઇન અપડેટ કરી શકાશે. આ દરમિયાન, તમે તમારા આધાર કાર્ડ પર નામ, સરનામું અને જન્મ તારીખ જેવી માહિતી અપડેટ કરી શકશો. UIDAI 10 વર્ષથી વધુ જૂના આધાર કાર્ડ ધારકોને પણ તેમની વિગતો અપડેટ કરવા અપીલ કરી રહ્યું છે.
જાણો ક્યાં ફ્રી સુવિધા મળશે
નોંધનીય છે કે જો તમે મફતમાં આધાર અપડેટ કરાવવા માંગતા હોવ તો આ માટે myAadhaar પોર્ટલની મુલાકાત લો. જો તમે આધાર સેન્ટર પર જઈને માહિતી અપડેટ કરાવો છો, તો તમારે તેના બદલે ફી ચૂકવવી પડશે. નોંધનીય છે કે UIDAI એ લોકો માટે આ સુવિધા શરૂ કરી છે જેથી લોકો 10 વર્ષથી વધુ જૂના આધાર કાર્ડમાં મોબાઈલ નંબર, સરનામું વગેરે જેવી માહિતી અપડેટ કરી શકે. આના દ્વારા, ઓળખના પુરાવા અને સરનામાના પુરાવા (PoI/PoA) અપડેટ કરવા માટે પ્રોત્સાહન આપવામાં આવી રહ્યું છે.
આ રીતે આધાર ફ્રીમાં કરો અપડેટ
જો તમે આધારમાં માહિતી મફતમાં અપડેટ કરવા માંગો છો, તો પહેલા https://myaadhaar.uidai.gov.in/ પર જાઓ.
આ પછી Proceed To Update Address પર ક્લિક કરો.
આગળ, તમારા રજિસ્ટર્ડ મોબાઇલ નંબર પર એક OTP આવશે, તેને દાખલ કરો.
આગળ, ડોક્યુમેન્ટ અપડેટનો વિકલ્પ પસંદ કરો અને તે પછી તમારી સામે સરનામું દેખાશે.
આ પછી આધાર કાર્ડ ધારકે તેની વિગતોની ચકાસણી કરવાની રહેશે. જો આ સાચું છે, તો પછી તમે આગલી લિંક પર ક્લિક કરો.
આ પછી, તમારે તમારું આઈડી પ્રૂફ અને એડ્રેસ પ્રૂફ દસ્તાવેજ સબમિટ કરવો પડશે.
બધી માહિતી આપ્યા પછી સબમિટ બટન પર ક્લિક કરો.
આ પછી તમને અપડેટ રિકવેસ્ટ નંબર (URN) નંબર મળશે જેનાથી તમે તમારા એડ્રેસ સ્ટેટસ ચેક કરી શકો છો.
થોડા દિવસો પછી તમારું સરનામું આધાર પર અપડેટ થઈ જશે.
ટ્રેન્ડિંગ સમાચાર
ટોપ સ્ટોરી
