Axis Bankમાં મોટી છટણી, 100 સિનિયર કર્મચારીઓેને નોકરીમાંથી કાઢી મુકાશે
Axis Bank Layoffs: દેશની ત્રીજી સૌથી મોટી ખાનગી ક્ષેત્રની બેન્ક Axis Bank માં કર્મચારીઓની છટણી થવા જઈ રહી છે.
Axis Bank Layoffs: દેશની ત્રીજી સૌથી મોટી ખાનગી ક્ષેત્રની બેન્ક Axis Bank માં કર્મચારીઓની છટણી થવા જઈ રહી છે. ઇકોનોમિક ટાઇમ્સના અહેવાલ મુજબ, બેન્કે તેના ઘણા કર્મચારીઓને નોકરી છોડી દેવા કહ્યું છે. આ છટણીઓ બેન્કની રેગ્યુલર અપ્રેઝલ પ્રોસેસનો એક ભાગ છે, જેમાં કર્મચારીઓને તેમના પ્રદર્શનના આધારે રિવોર્ડ આપવામાં આવે છે અથવા તેમનું પ્રમોશન કરવામાં આવી રહ્યું છે અથવા છટણી કરવામાં આવી રહી છે.
100થી વધુ સિનિયર કર્મચારીઓની છટણી
રિપોર્ટ અનુસાર, બેન્કે તેના 100થી વધુ સિનિયર કર્મચારીઓને તેમની નોકરી છોડી દેવા કહ્યું છે. એક્સિસ બેન્કના એમડી અમિતાભ ચૌધરીએ આ અંગે કહ્યું છે કે, "દરેક સંસ્થાની જેમ અમે પણ નાણાકીય વર્ષના અંતે એક ડિટેલ્સ અપ્રેઝલ સાઇકલ ચલાવી છીએ. 24 એપ્રિલના રોજ બેન્કના માર્ચ ક્વાર્ટરના પરિણામોની જાહેરાત કરતી વખતે તેમણે મીડિયા સાથે વાત કરી અને કહ્યું, "ઘણા કર્મચારીઓને પુરસ્કાર આપવામાં આવ્યા છે અથવા તો પ્રમોશન આપવામાં આવ્યું છે. પરફોર્મન્સ મામલે કેટલાક લોકો પાછળ રહી જાય છે.
એટલા માટે દરેકનું પરફોર્મ મહત્વપૂર્ણ છે
તેમણે વધુમાં કહ્યું હતું કે, "બેન્કિંગ ઉદ્યોગ ઘણા જુદા જુદા ક્ષેત્રોમાં પડકારોનો સામનો કરી રહ્યો છે. કેટલાક વ્યવસાયો ખીલે છે, જ્યારે અન્ય દબાણ હેઠળ રહે છે. બેન્ક ચોક્કસ ક્ષેત્રોમાં ભારે રોકાણ કરવાનું ચાલુ રાખે છે અને તેથી દરેક ક્ષેત્રનું પ્રદર્શન મહત્વપૂર્ણ બની જાય છે. આ આધારે છટણી પણ જરૂરી બની જાય છે. આ આપણા વાર્ષિક ચક્રનો નિયમિત ભાગ છે."
ચોથા ક્વાર્ટરમાં બેન્કનો નફો ઘટ્યો
નાણાકીય વર્ષ 2025ના માર્ચ ક્વાર્ટરમાં બેન્કે ગયા વર્ષના 7,130 કરોડ રૂપિયાની સરખામણીમાં 7,117 કરોડ રૂપિયાનો નફો નોંધાવ્યો હતો. બેન્કની વ્યાજમાંથી આવક માત્ર 6 ટકા વધી છે, જે નાણાકીય વર્ષ 2024માં 13,089 કરોડ રૂપિયાથી વધીને નાણાકીય વર્ષ 2025માં 13,811 કરોડ રૂપિયા થઈ છે.
દેશની જાણીતી IT કંપની Infosys એ 240 એન્ટ્રી લેવલના કર્મચારીઓને નોકરીમાંથી કાઢી મૂક્યા છે. આ ટ્રેઇની કર્મચારીઓ ઈન્ટરનલ ટેસ્ટમાં પાસ થઇ શક્યા નહોતા. કંપનીએ 18 એપ્રિલે આ માહિતી આપી હતી. ફેબ્રુઆરીની શરૂઆતમાં કંપનીએ 300 થી વધુ ટ્રેઇની કર્મચારીઓને છૂટા કર્યા હતા. જોકે, ઇન્ફોસિસે આ યુવાનોને NIIT અને UpGrad માં મફતમાં કૌશલ્ય શીખવાની તક આપી છે જેથી તેઓ ભવિષ્ય માટે કંઈક સારું કરી શકે.
ટોપ સ્ટોરી
ટ્રેન્ડિંગ સમાચાર
