હવે 10 મિનિટમાં આવી જશે એમ્બ્યુલન્સ, ઈ-કોમર્સ કંપની Blinkit એ શરૂ કરી નવી સેવા

ઈ-કોમર્સ કંપની બ્લિંકિટે ગુરુગ્રામમાં શરૂ કરી તાત્કાલિક એમ્બ્યુલન્સ સેવા, એપ દ્વારા બુકિંગ સુવિધા.

ઈ-કોમર્સ કંપની Blinkit એ 10 મિનિટમાં એમ્બ્યુલન્સ સેવા શરૂ કરી

Source : X @albinder

Blinkit Ambulance Service: ક્વિક કોમર્સ સર્વિસ પ્લેટફોર્મ બ્લિંકિટે એક નવી અને મહત્વપૂર્ણ સેવા શરૂ કરી છે. હવે બ્લિંકિટ દ્વારા ગુરુગ્રામમાં માત્ર 10 મિનિટમાં એમ્બ્યુલન્સ સેવા ઉપલબ્ધ થશે. આ સેવા દ્વારા તાત્કાલિક તબીબી સહાયની જરૂરિયાતવાળા લોકોને ખૂબ જ મદદ મળશે.

બ્લિંકિટના CEOની જાહેરાત

બ્લિંકિટના ચીફ એક્ઝિક્યુટિવ ઓફિસર (CEO) અલબિંદર ધિંડસાએ સોશિયલ મીડિયા પર આ માહિતી આપી હતી. તેમણે જણાવ્યું હતું કે કંપનીએ શરૂઆતમાં ગુરુગ્રામમાં પાંચ એમ્બ્યુલન્સ શરૂ કરી છે અને ભવિષ્યમાં આ સેવાનો વિસ્તાર અન્ય વિસ્તારોમાં પણ કરવામાં આવશે.

એપ દ્વારા બુકિંગ

ધીંડસાએ પોતાની પોસ્ટમાં લખ્યું હતું કે, "આજથી ગુરુગ્રામના રસ્તાઓ પર પાંચ એમ્બ્યુલન્સ હશે. જેમ જેમ અમે આ સેવાને અન્ય વિસ્તારોમાં વિસ્તારીએ છીએ, તેમ તમને @letsblinkit એપ્લિકેશન દ્વારા બેઝિક લાઇફ સપોર્ટ (BLS) એમ્બ્યુલન્સ બુક કરવાનો વિકલ્પ પણ જોવા મળશે." એટલે કે, બ્લિંકિટની એપ દ્વારા જ એમ્બ્યુલન્સ બુક કરી શકાશે.

નવા વર્ષની પૂર્વ સંધ્યાએ બ્લિંકિટનો રેકોર્ડ

ધીંડસાએ તાજેતરમાં એ પણ જણાવ્યું હતું કે નવા વર્ષની પૂર્વ સંધ્યાએ બ્લિંકિટે ઓર્ડર વોલ્યુમનો નવો રેકોર્ડ બનાવ્યો હતો. 31મી ડિસેમ્બરની સાંજે દૈનિક ઓર્ડર વોલ્યુમની સાથે પ્રતિ મિનિટ અને કલાક દીઠ ઓર્ડર વોલ્યુમે પણ રેકોર્ડ તોડ્યા હતા. લોકોએ પાર્ટી માટે જરૂરી વસ્તુઓ જેવી કે ડિસ્પોઝેબલ ગ્લાસ, બટાકાની ચિપ્સ, આઈસ ક્યુબ, નાચો, સોડા, કોલ્ડ ડ્રિંક વગેરેનો મોટી સંખ્યામાં ઓર્ડર આપ્યો હતો.

Ambulance in 10 minutes.

We are taking our first step towards solving the problem of providing quick and reliable ambulance service in our cities. The first five ambulances will be on the road in Gurugram starting today. As we expand the service to more areas, you will start… pic.twitter.com/N8i9KJfq4z

— Albinder Dhindsa (@albinder) January 2, 2025

એમ્બ્યુલન્સ સેવાની શરૂઆત એક સરાહનીય પગલું

બ્લિંકિટ દ્વારા શરૂ કરવામાં આવેલી આ એમ્બ્યુલન્સ સેવા ખરેખર એક સરાહનીય પગલું છે. તાત્કાલિક તબીબી સહાયની જરૂરિયાત સમયે આ સેવા ખૂબ જ ઉપયોગી સાબિત થઈ શકે છે. ખાસ કરીને શહેરોમાં ટ્રાફિકની સમસ્યાને ધ્યાનમાં રાખીને 10 મિનિટમાં એમ્બ્યુલન્સ પહોંચાડવાનું લક્ષ્ય ખૂબ જ મહત્વપૂર્ણ છે.

કેવી રીતે બુક કરવી?

Blinkit એપ્લિકેશન ખોલો.

એમ્બ્યુલન્સ બુકિંગ માટે આપેલા વિકલ્પ પર ક્લિક કરો.

સ્થાન અને અન્ય માહિતી ભરો.

એમ્બ્યુલન્સ 10 મિનિટમાં તમારા સ્થાન પર પહોંચી જશે.

રેડ હેલ્થ સાથે ભાગીદારી

આ સેવાને સફળ બનાવવા માટે, Blinkit એ Red Health સાથે ભાગીદારી કરી છે. રેડ હેલ્થ એક જાણીતી એમ્બ્યુલન્સ સેવા પ્રદાતા છે, જે 24/7 એમ્બ્યુલન્સ સેવા પૂરી પાડે છે.

આ પણ વાંચો....